Josua 22:29 - Godigo dwagi yai po buku

²⁹ Dago te olo nai, te hasa, me te wit, me te dwai sę ilibo ofa te tiwai me ebeo. Dago te tiwai sę ebo hagela yai. Mu menio. Te dago tama tiyu da, te Genuai Bidigo po sela sąnama, tama tudiba muaibao. Dago te Godigo alta te me hasegelegobeo, te dago Genuai Bidi, te alta aga ugwa be te gedude dolalubao.” Te Ruben, Gat, te Manase bage meba me, te hani selago te po wai.

Josua 22:29 Iomraidhean Croise

Tigidali Nai Gagalama Nigali Side 44:17

Josepgo te po wali, “Te me tegobeo! Eno tama me egobeo. Te augwaligo te kap munalubo suali bidi, te aga naga eno sę olo ebo bidi pedelaibao. Tiali goli, dage tigidali meba te duga aya bidibo digi ma piagameo. Eno dagede po menio,” wali.

Tigidali Nai Gagalama Nigali Side 44:7

Tiali goli, augwaligo te tiwai po wei ponani, “Genuai bidi, nago mena tiwai homu elalubaso, tama nago te tiwai po obawe? Dago te tiwai kolesaga yabo te usu me egobeo.

Te Israel me Juda Hani Sigo Tuni Bidigo Po Elalubo Buku Deli 21:3

Tialima, Nabotgo kingba te tiwai po wai, “Polobadu digi te tǫ pedai te eno wąį nǫų hani dabego tǫ elaluama, te megi me eno tonalubao. Tialima, te Genuai Bidigo nogide, eno nageba me magobeo,” wali.

Te Israel me Juda Hani Sigo Tuni Bidigo Po Elalubo Buku Si 18:22

Tiali goli, nago te po weyu da, dage Israel hani dabe dagego konealubo homu Godiba dąų wali da, duga Genuai Bidi, tama te agai dage tau saibao, tiali goli dego me te usu me egobeo. Magi baso meni, Hesekia, nago te aga dolo lotu po wabo pesage me, tama me te ofa nai ulubo sai alta dabe elalua pali bulu dabe dolai dao. Tama nago te Juda hani dabe ebadi, te Jerusalem ebadi elama, tama nago augwali e Jerusalem buluba sisinama, tama deli ofa nai ulubo alta saiba naga sisinama, lotu po wao, wai.’”

Tuni Bidi Dabego Po Elalubo Buku Si 32:12

Dagego koneani, te Hesekia deligo tama te Genuai Bidigo lotu wabo pesage me agai alta dabe dolai dao. Tama agai dage Juda dabe me Jerusalem dabe bolo deliba lotu wagi peyu, deli altaba wiegi yai denami hano holobo ofa yao po wai dao,” te bidigo te po wali.

Polgo Po Pas Rom Dabeba Asęani 3:6

Woo, mu menio. Te God dolo me egi menigi sogo da, teda mena tama agai te tigidali tǫde bidibo we bidigo kolesaga dagaligi dawe?

Polgo Po Pas Rom Dabeba Asęani 6:2

Mu menio. Magi baso meni. Da te dwai kolesaga ebode te isai bidi tiwai mu elama tama dago te dwai kolesaga ebo tagalalio, te dago isiabo kolesaga mu dao. Tama tibaso, dago te dwai sę hauwa yabo homu mu egobeo.

Polgo Po Pas Rom Dabeba Asęani 9:14

Tama tibaso, dago te sęde magi po waibawe? “Godigo aga homu wali peyu, te bidi deli naga sa mubaso, agai te dolo me isąwai kolesaga yalio,” te dago te tiwai po omainogo yagawe? Mu menio.

Bomai Po 12:11

Genuai Bidigo agaba lotu wabo pesage deli aga sa muaibao. Tama te pesagede da, dagego eno megi dagebolo wali te nai dabe sesiąo. Tama te ofa da, te isigo sese dela silibo ofa, me te meba ofa dabe me, te tigidali nai bugwai me badu te ofa me, te me gasa nai dabe dagego Genuai Bidibolo mawainogo yali, te ofa me te wiegi wiegi yai nai dabe te dąų wali te po usu nabo, te nai dabe tama sesao, te eno hasia polo wali.

Josua 22:23

Te dago Genuai Bidigo po sela sąnama, tama dago te dena alta digi nigilama, tama te ofa ebo nai ulai digi, te wit ofa ilabo me, te deli homu ilabo ofa me, te sę yaibaso da, teda Genuai Bidi agai digi da dene ilimainogo yao.

Josua 22:26

“Tama tibaso, dago te alta nigali. Te ofa yabo nai dabe, me te gasa tobage ofa, te ofa dabe yabo te me egobeo. Menio!

Josua 22:28

Dago te tiwai homu yali, ‘Te tobage posobo po te dabolo me te dago wąį dabebolo wabo side, teda dago te po wainogo, “Suao, te alta dago aya dabego nigali, te dagego alta tobage deli tiwai e elalubao,” omainogo yali. Tama te olo nai dabe me te dwai ofa ebo te tiwai me ebeo. Menio! Te alta da, te dago hani dali, te dage hani dali, te dąį deli naga iliyu hanilama tiwai yali,’ dago te homu yali.

Josua 22:30

Te pris bidi Finias te augwa we bidigo genuai dabe dali, te augwali te Israel hani sibi dabego tobolu bidi dao, augwaligo te Rubengo hani me, te Gatgo hani me, Manasego hani, te augwaligo wabo po odama, tama augwali wiegi yai homu pemene yai.

Josua 24:16

Tama te we bidi augwaligo te tiwai po wei ponoyu, te po wai, “Dago te Genuai Bidi tagalama, te tibo god dabeba lotu munu me wagobeo! Mu menio!

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.