Josua 22:16 - Godigo dwagi yai po buku

¹⁶ “Te Genuai Bidigo po odobo we bidi tigidaligo te tiwai po wali, ‘Magi baso dagego te dwai sę dena Godibolo yaliwe? Dagego te Genuai Bidigo po sela sąnama, tama dagego te duga alta te nigalio! Dagego te Genuai Bidi wali pabo ąǫ me ebeo!

Josua 22:16 Iomraidhean Croise

Esra 8:22

Eno te tama po augwaliba wai, magi baso meni, eno te kingba hanalu obaso, te tǫdu asobo ami bidi dabe me te hosdu dualasa asobo ami bidi dabe, te da dali asiyu, te da sunumidu asobadi, te tonalua asidali weyu te eno kingba hanalubo te ena hagela ebao wali. Te ena king dali bidali sogo, eno agabolo te tiwai po walali, “Dago Godigo te aga wali pabo we bidi tigidali te bugagia tonalubo dao,” wali. “Tiali goli, agai te aga tudiba mubo we bidi tigidaliba te haliga sębę eyu, tama agai dwai dene te augwaliba mawaibao.” Eno te tama po kingba wali, tama eno agaba te ami hani dabe po hanalubo te ena hale yali.

Pris Sę Ebo Bomai Po 17:8

“Te nago te tiwai po augwaliba walao, te dage Israel bidi me deli, ma te dage dali bidibo gasa hani bidi me deligo, te isiba tigidali ulubo ofa me te agai gasa tobage ofa yabo homu ebaso da, teda agai te kibu eno sel Ugwa Beba sela aselama, ofa yao. Te meni baso da, te ena Genuai Bidi, eno hani we bidide aga sela sąyu, gudulaibao,” wali.

Israel Hanigo Namba 32:15

Te dage Ruben hani, me Gat hani, dagego Genuai Bidi wali megi pabeo. Tama agai da Israel dabe tudi ola mawaibao, tama da olo te nai meni yai bulude ma deli bilimainu elama, tama da sese tama ede dolaibao. Tama te sę pedalobaso da, teda te duga dagede yaibao,” Mosesgo te po wali.

Bomai Po 12:11

Genuai Bidigo agaba lotu wabo pesage deli aga sa muaibao. Tama te pesagede da, dagego eno megi dagebolo wali te nai dabe sesiąo. Tama te ofa da, te isigo sese dela silibo ofa, me te meba ofa dabe me, te tigidali nai bugwai me badu te ofa me, te me gasa nai dabe dagego Genuai Bidibolo mawainogo yali, te ofa me te wiegi wiegi yai nai dabe te dąų wali te po usu nabo, te nai dabe tama sesao, te eno hasia polo wali.

Josua 22:11

Tama tigidali gasa Israel dabego te tiwai sę yali po odali, “Odiao! Te Ruben dabego, me Gat, me Manase me badu, te tama hani bagego te alta me deli te Gelilot bulu, te Kenan tǫ sesegede, te Jordan wę pąde, te da bidibo pedai badu te alta nigalio,” te po wabo odali.

Josua 22:15

Augwali te Gileatba sabolama, tama augwaligo te tiwai po te Rubenbolo me, te Gat me, Manase me badu, te hani bage selabolo te po wali,

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.