Josua 21:2 - Godigo dwagi yai po buku

² Augwaligo te bidi dabe te Silo bulu te Kenan dabego tǫba sisinama, tama augwalibolo te tiwai po wali, “Genuai Bidigo bomai po dabolo te Mosesgo pedauwalide mani, te dago digi dena hanu meba sobadi, tama te dago bulmakaugo tuabo te wiegi yai nosai elalubo tǫ saibao wali,” augwaligo te po wai.

Josua 21:2 Iomraidhean Croise

Pris Sę Ebo Bomai Po 25:32

Tialima, te Livai hani da, augwaligo te bomai po wali pelamuo. Te augwa taun obo tomode elalubo be yai baso da, teda augwaligo ma abelemainao,” te po wai.

Matyu 10:10

Tama dage bilibo sogo dagego te wa sabiligio, ma te holobo ugwa si me te sągą nadoba olo si me, te bilibo dono olo si me tolasa biligio. Menio. Te dagego tau sabo we bidi augwaligo dagebolo te tobage tigi tau sabo nai momainao.” wali.

Galesia 6:6

Te Godigo po odali bidi agai aga wiegi yai nai tigidali togolama, tama te Godigo po ola mabo bidibolo dobayao.

Josua 14:5

Te Israel dabe augwaligo te tǫ tama dobayali, te Genuai Bidigo Mosesbolo wali gilama tama tiali.

Josua 18:1

Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.

Josua 21:3

Tama tibaso, te Israel dabego te Genuai Bidigo po wali pelama, tama augwaligo te hanu dabe me, tama te augwa nosai elalubo dwasianu tǫ dabe badi, te Livai hani dabebolo mani.