Josua 21:1 - Godigo dwagi yai po buku

¹ Te Livaigo hanide te tobolu bidi dabe pelama, te pris bidi Eleasar me, te Josua te Nungo ogwa me, te tigidali Israel hani dabe te tobolu bidi dabe bidibo madi sugi pali.

Josua 21:1 Iomraidhean Croise

Tigidali Nai Gagalama Nigali Side 49:7

Te haliga sębę ebo sęgęgo te augwali si mesegelali, magi baso meni, te augwali sigo wado po wabo te bomo mu yali. Tama haliga sębę ebo sęgęgo te augwali mesegelali, magi baso meni, te augwali sigo haliga sębę ebo te dwai mu yai. Te eno augwali si te Jekopgo bulu tedali tedali tedela pomainu yaibao. Te eno augwali si te Israel bage tomode bidada pomainu tedela palaibao.”

Ma Dobola Sali 6:14

Te bidi hani augwali te Moses de Aron sigo hasia wąį dabe te bidi hani nogi e dao. Ruben, te Jekopgo gomunai ogwago wai dabe nogi e dao. Te ogwa me si me si, me nogi Hanok, me Palu, me Hesron, me Karmi. Te Rubengo hani me si me si te hani me si me wąį si tomode te Ruben pedelai.

Ma Dobola Sali 6:25

Eleasar te Arongo ogwa, agai te Putiel te bidigo wegi selama, agai wai te Finias ame nai. Te megi nogi nogi yali bidi hani augwali da te Livai hani sibi deli deli augwaligo tobolu bidi dabe dao.

Israel Hanigo Namba 35:1

Augwali te Moap bulugo dola pai bulude te Jordan wę u badu, te Jeriko pąde bidibadi, Genuai Bidigo Mosesbolo te po wali,

Israel Hanigo Namba 35:8

Dagego te Israel hani dabego hanu dabe dagego te Livai hanibolo momainogo da, teda dagego te gasa Israel hani dwasianu elalubaso da, teda dagego augwaligo hanu si sela naga Livaibolo mao, ma genuai hani yaibaso da, teda dagego augwalide hanu hauwa siyu, tama te Livai dabebolo mao. Te bidi hani bugagia dodolama, hanu selama, tama augwali hani namba dolo sao,” wali.

Josua 14:1

Te Israel dabego te Kenan tǫ sali. Te pris bidi Eleasar, me Josua te Nungo ogwa, tama tigidali Israel hani tobolu bidi dabego hani sibi deli deli augwalibolo te tǫ dobayali.

Josua 17:4

Augwali pelama, te pris bidi Eleasar, me Josua, me te tobolu bidi dabe me sugi pelama, tama augwaligo te po wali, “Genuai Bidigo te Mosesbolo po weyu, te tǫ me deli te dabolo me mao weyu, te dena aya aga ama solobolo mabo tiwai gilama yao po weyu yali.” Te we a nagago te po wai. Tialima, augwaligo te tǫ me te we dabebolo me, te augwa aya aga ama solo bidi dabebolo me, te tǫ mani, te Genuai Bidigo wali po gilama yalio.

Josua 19:51

Te pris Eleasar, me Josua te Nungo ogwa, tama te tigidali deli deli Israel hani sibi tigidalide te augwa genuai bidi deliba sisinama, te augwaligo te tǫ dobabo po dodolobo sę elama, te mena tǫ te Genuai Bidigo augwalibolo mabowe naga koneainogo yali. Te genuai bidi dabego te tiwai sę te Silo bulu pąde, te God dali deli sisinabo ugwa be sunumi pąde tama tiwai sę yai. Tama te tǫ dąį ebo, me te tǫ dobabo sę me, te silalio.