Josua 20:9 - Godigo dwagi yai po buku

⁹ Te tama hanu dabe te tigidali Israel dabe geme duala sigi pabo hanu dabe nigilali, te gasa bulu bidi dabe te augwali dali bidali bage me te hanuba naga wi duala sigi pomainogo yali. Tama te bidi me deligo te gasa bidi me elibaso da, tiali goli te agai aga dali boi bidi eyu me elibe, teda aga pelama, te hanude bugagia bidigi pagameo. Tama te bidigo wei ponainu wali pali bidi, agai te bidi me elamuo, tama te bidi te tigidali bidi dabe gedude te po tųba pedalumainogo emai hagede yao.

Josua 20:9 Iomraidhean Croise

Israel Hanigo Namba 35:13

Dagego a naga olama me badu nogo deli hanu tama sa muao.

Israel Hanigo Namba 35:15

Te hanu dabe da, te Israel dabe duga duala sabo, te gasa bulu bidi dage dali pęwadage sogo ma bobobage sogo bidibo bidi dabe duala sabo hanu dao. Tiali te bidi deli aga abagi dali boi bidi homu isąma, tama mena sę ebode geda muyu, aga abagi ela mubaso da, teda aga te hanu dabe meba geme duala sigi pomainao,” te po wali.

Josua 20:4

Aga te hanu dabe me deliba wi pelama, tama te po tų yabo madi te hanu genuai sunumi teba pedelama, tama te tobolu bidi dabebolo te sę mena tama yali po te hanilama pusumainogo yao. Nosali te tobolu bidi dabego aga te hanu tomoba pomainogo yaibao, tama augwaligo te aga augwali dali bidabo pesage te bulu menama bidimainogo yaibao.

Josua 20:6

Tama aga te hanude bididubadi, te aga po tų te tigidali bidi gedude ilibo sogoba usu nao. Tama nosali aga tede bididubadi, tama te sogo bidali te het pris isibo sogoba usu naibao. Teda nosali te aga page bulu ma pabo te usu da, te aga polobadu wi soyu taga soali buluba ma pomainao,’” Genuai Bidigo te we bidibolo pusabo po te Josuabolo wali.

Josua 20:8

Te Jordan wę u badu, te giliga pedalubo badu, te Jeriko te masigi kemi tǫ badu dąį ilali, augwaligo te Rubengo tǫde te Beser hanu tǫ dąį ilali, tama me te Ramot hanu te Gileat bulu te Gatgo tǫ badu, tama me te Golan hanu te Basan bulu tomode, te Manasego tǫ badu elaluai.