Josua 20:1 - Godigo dwagi yai po buku

¹ Nosali Genuai Bidigo te tiwai po Josuabolo wali,

Josua 20:1 Iomraidhean Croise

Ma Dobola Sali 21:13

Tiali goli, agai homugo te bidi mu ela muabo homu isąyu da, tiali goli agai geda muyu naga te bidi elama, nosali aga isimainogo yai, tama te bidi elali bidi aga wi pomainao, te bidigi wi pabo buluba, te eno dagebolo sa muaibao, tama tede aga bugagia bidaibao.

Israel Hanigo Namba 35:10

te Israel dabebolo te po momainu e tama po wali, “Dage te Jordan wę nogelama, te bulu Kenan tomoba peyu da,

Israel Hanigo Namba 35:9

Tama Genuai Bidigo Mosesgo

Bomai Po 19:1

Tama Mosesgo po geninama weyu, te po wali, “Genuai Bidi dago God agai dagebolo mawainogo eba te bulu bidi dabe sese dola silaibao. Tama dagego augwaligo hanu me be dabe saibao. Te dage bugagia duagi pabo sogo da,

Josua 19:51

Te pris Eleasar, me Josua te Nungo ogwa, tama te tigidali deli deli Israel hani sibi tigidalide te augwa genuai bidi deliba sisinama, te augwaligo te tǫ dobabo po dodolobo sę elama, te mena tǫ te Genuai Bidigo augwalibolo mabowe naga koneainogo yali. Te genuai bidi dabego te tiwai sę te Silo bulu pąde, te God dali deli sisinabo ugwa be sunumi pąde tama tiwai sę yai. Tama te tǫ dąį ebo, me te tǫ dobabo sę me, te silalio.

Josua 20:2

“Nago te Israel dabebolo wao, ‘Dagego te bidi dabe teba wi pomainu yabo hanu dabe meba nogo tų ilao, te eno Mosesbolo olama, te dagebolo wali, te tiwai gilama yao.

Josua 5:14

Te bidigo te po wei ponai, “Ena te ami bidi meni, tama ena te boi menio. Ena te Genuai Bidi Godigo ami kepten bidi dao,” wai. Te Josua aga tobolu te tǫba aiyaba mu pogulama, tama agabolo lotu po weyu, te po wai, “Ena nago sę bidi dao. Nago homugo eno mena sę emainogowe?” te po wai.

Josua 6:2

Tiali goli, Genuai Bidigo Josuabolo te po wai, “Bugagia odao! Te eno nagebolo te Jeriko hanu badi, te aga tuni bidi me, te bomai ami bidi dabe me, te eno nago nogoba mawaibao.

Josua 7:10

Tialima, Genuai Bidigo Josuabolo te po wai, “Hodaluao! Magi elama nage te tiwai tǫde pila mubawe?