Josua 2:16 - Godigo dwagi yai po buku

¹⁶ Tama augwali si tama painu ebadi, tama Rahapgo te po wai, “Dage si te bulu duba geme duala sigi pelama, sela sogo bidao. Tiyu, tuni bidigo bidi dabego dage si gegelama, suabuo. Nosali augwali te Jeriko hanuba ma soai digi, teda duga si buluba ma pao,” wali.

Josua 2:16 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 11:1

Eno konealubo po mu dąų wali, Genuai Bidigo ena tonaluaibao. Abagi dede, dage kolesaga isąyu, dagego enabolo te po wali, “Nage bulu duba wi pao, te ba me deli wi ebaso, polo pabo tiwai yao.

Jems 2:25

Tama dago Godigo gedude doloba pai we bidi bidabo kolesaga sao, te polobadu we mego po wali, te we nogi Rahap. Te we aga penani we, tialima Godigo te Kanan tǫ Juda bidi hanibolo mawainogo yali sogo, tama augwaligo te Kanan tǫba sa pabo bidi dabe tagala palai, te sogo te we Rahap agai te bage tau sai. Te we aga hanigo augwali elidali weyu, tama te we Rahap agai te bidi dabe dualama, gasa tųdu Juda bage bidibo digiba tagala palai. Tama te wego te yali sęde, te we aga Godigo gedude doloba pai mu pedelai dao.

Josua 2:15

Te penani we Rahapgo be te moni hanu bagulali obo dali kisilai elaluai, tama me badu dąį togwali badu te be pola sali windo dedage te obo ugwadu elaluai. Tama Rahapgo te bono baklain te windode kęnama, tama baklain te masigigo nigali bobobage obo bulu badu manama, te bidi sigo te bonodu nogo toda duluyu, aiyaba dulama, te hanu buluba dįą pomainu tama tiai dao.

Josua 2:22

Tialima, te bidi si te bulu du dabeba sabolama, tama augwali si geme dualaludai. Tama tuni bidigo hani dabe augwaligo te bidi si te sunumidu tigidali bulu badu sela sogo gegedu gegedubadi geai. Tiali goli, augwaligo bidi me deli susiąbaso, tama augwali te moni hanu Jerikoba ma geasa pai.

1 Samuel 23:14

Devit pelama, te bulu meba wiegi yai madi te Sif bulu pąde, te bulu du dabede geme dualaluali. Te bulu pedai te bidi meniama, olo elalubo bulu tama. Tama Solgo Devit sesemane sogo gegabo sę yali, tiali goli Godigo te Solgo aga somainu me ilibeo.

1 Samuel 23:29

Tama Devitgo te pesagede bidali te tagalama, tama pelama, te wiegi yai geme dualaluabo pesage te Engedi dabego tǫba bidigi palio.