Josua 19:28 - Godigo dwagi yai po buku

²⁸ tama Ebron, me Rehop, me Hamon, me Kana tama pali, te genuai hanu Saidonba sabolali.

Josua 19:28 Iomraidhean Croise

Tigidali Nai Gagalama Nigali Side 10:19

Tama Kenan dabe bidali tǫ dąį te Saidon tedu gagalama, tama pelama, te Gerar tǫba dąį igi pai, tama te Gasa nogi wabo tǫ te pedai badu me dąį igi pali. Tama sesegedu begelama, te Sodomba, me Gomora, me Atma, me Seboim, te hanu dabeba sabaligi palima, tama pelama, te tǫ Lasa teba sabaligi pai.

2 Samuel 24:6

Nosali ma augwa te Jaser taga peyu pelama, te Gileat bulu tǫba pali, te Tatimhotsi te tǫ pedai badu palio. Tialima, augwa te badu bidali tagalama, tama augwali te bulu Danjanba sabolali, tama augwa baguasa pelama, tama te Saidon bulu, te giliga dega sigulubo pedai badu, teba sabolali.

2 Samuel 24:7

Tama augwali te saut tǫ pedai badu ma begasa aselama, tama te Tair hanuba pedelagasali, te hanu te bobegelali masigi obo te bomai mu elaluali. Tama nosali augwa te Tair hanu tagalama, tama augwa hogodama, te Hivi dabego me Kenan dabego hanu tigidaliba pali. Tama nosali mu augwali te Juda tǫ pedai saut badu te Berseba buluba sabolali.

Aisaia 23:12

Agai e tama po wali, “Sawi yai hanu Saidon, nage wiegi yai homu me ma elama, bidigobeo. Magi baso meni. Nage dolama, mu dolama elaluaibao. Tama tibaso, dage hanu Saidon we bidi, dage hogodama, te ailan Saiprusba piąo. Tama tiali goli, tede me dage bugagia me bidigobeo,” wali.

Aisaia 23:2

Te dage Tair bage, te tamu wę sesegede bidibo Tair bidi dabe, dage, me te hanu Saidonde bisnis bidi dabe, dage hobede elama, po wasiąyu, dua bidiąo. Hanu Saidon, te sip dabego haniani dabe hauwa mu nageba sela asai dao.

Aisaia 23:4

Hanu Saidon, nage hale yao. Magi baso meni. Te bomai hanu te tamu ąįde elaluali hanu polo dolalio. Tama te tamu ąįgo te po walio, “Hobede mu dao. Eno wai dabe ame nabe. Tama ena te wego wai ame nainu dene isąwai ąǫ yalio. Tama eno sawi ogwa wegi ame nisąwai ąǫ elama, negisąwai ąǫ yalio,” wali.

Esekiel 28:21

“Tǫde bidi, nago te taun Saidonba ugwa tonama, tama te po wao, te aga dolaibao po wao.

Dwagi Yai Gesi Po Jongo Asęani 2:1

Te Jisasgo Nataniel dali te po olama, si sogo biliama, sela sogo wabo side tama bidi me deligo Kana bulude we sai. Te Kana bulu te Galili tǫ pedai tomode elalubao. Tama Jisas aga ida te we sabo bede bidai.

Dwagi Yai Gesi Po Jongo Asęani 2:11

Te bomai sę Jisasgo yali bomai sę hasia mu yai. Te Jisas agai te Galili tǫ pedai badu tomode, te dwasianu be nani nogi Kana, tede te sę yai. Tama Jisas aga bomo augwalibolo ola mawai, tama Jisas aga wali pabo bidi augwa Jisasba homu tigidali muai.

Dwagi Yai Gesi Po Jongo Asęani 4:46

Jisas te Galili tǫ tomoba pelama, tama aga te Kana be naniba sabolai. Te bulude polobadu Jisas agai ąį mugo te pusu ebo ąį wain nigai. Tama te be nani me nogi Kaperneam te digibulu gana. Tama Kaperneam bulude genuai gavman bidi bidai, te bidi aga ogwa gasi yai.

Godigo Sęba Tagala Palai Bidigo Po 27:3

Tama pelama, do kigamu geba tuagasabo pesageba sabolali, te bulu nogi Saidon. Te ami tobolu bidi Julius agai Polbolo dwagi yai kolesaga yali. Agai Pol tagala palama, Pol aga abagi dabe sugi pelama, augwaligo agabolo tubo nai dabe mani.

Josua 11:8

Tama Genuai Bidigo te Israel dabe augwali tau selama, tama augwaligo te boi bidi dabe aiyaba elaluai. Te Israel dabe augwaligo hwįyu, tama te boi bidi dabe pobeasa peyu, te tǫ bogo badu te genuai bulu Saidon teba usu nama, te Misrefot Maim dąį igi pelama, tama te giliga pedalubo badu, te odogo bulu Mispa, te badu saboligi pali. Augwaligo hwį hwį pali, te boi bidi dabe tigidali siliboba usu nai dao.

Josua 21:31

me Helkat, me Rehop, te bulmakaugo tuabo nosai elalubo wiegi yai tǫ dali mani.

Te Israel Tobolu Bidi Dabe 1:31

Tama Asergo hanigo te Ako me Saidon, me Alap, me Aksip, me Helba, me Afek, me Rehop, te tama hanude bidali we bidi te augwaligo me sela sąsiąwai.

Te Israel Tobolu Bidi Dabe 18:28

Te augwali tau sabo bidi me meni yai, magi baso meni, te hanu te Saidon bulu digibulu elaluali. Tama augwaligo bisnis sę te gasa hani dabe dali me isiąwai. Te hanu te Betrehop hanu pąde elaluali. Tama te Dan hani dabego te hanu ma nigilama, tama augwa tede bidali.