Josua 18:21 - Godigo dwagi yai po buku

²¹ Te Benjamingo hanu dabe te e tama elaluali, Jeriko, Bethokla, Emek Kesis,

Josua 18:21 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 3:4

Gibeon te lotu wabo polalubo pesage tama, tama tibaso me sogo deli Solomon te Gibeonba pelama, ofa igi pai. Solomongo te bidi sese hauwa umabo, te 1,000 omai kau kibu dabe odasa pelama, tama te siago tigidali domainu ulubo ofa te Gibeon altade te ofa yai.

Esekiel 48:23

Genuai Bidigo po genina ma weyu, e tama tiwai po wali, “Te Israel hani mebago tǫ e tama dao. Te Benjamin hanigo tǫ te gasagi yai sę elalubo tǫ saut badu saibao. Tama Simeon hanigo tǫ te Benjamin hanigo tǫ saut badu saibao. Tama Isakar hanigo tǫ te Simeon hanigo tǫ saut badu saibao. Tama te Sebulun hanigo tǫ te Isakar hanigo tǫ saut badu saibao. Tama Gat hanigo te Sebulun hanigo tǫ saut badu tǫ saibao. Te tigidali hanigo tǫ dąį te giliga asobo badu gagalama, tama pelama, genuai tamu ąį Mediterenian nambis kemi saneba usu nigi peyu yaibao.

Dwagi Yai Gesi Po Lukgo Asęani 10:30

Jisasgo te po wali, “Bidi me Jerusalemdu te Jeriko be naniba dulubadi yaide, nai wi sabo bidi dabe te geme sunumide dula selama, te bidi asobadi pageabi elama tulama, te bidi aga ugwa dabe pepedama, elama, tama augwaligo aga doado bage tigidali wi sali. Tama te bidi isabo pąde magawai te aga mesena isai tiwai munalubadi, taga palio.

Dwagi Yai Gesi Po Lukgo Asęani 19:1

Te Jisas te be nani nogi Jerikoba sabolama, tama tomoba pai, te be nani ela pomainu yali.

Josua 15:6

tama pelama, te Bethokla sabolama, tama pelama, te Betaraba te a badu ma sabolali. Tama palima, te Bohango genuai masigi elalubo teba saboligi pali, te Rubengo ogwa dao.

Josua 18:12

Te not pedai badu te augwaligo tǫ sabo dąį gagali, te wę Jordande gagalasa pelama, te dwasianu bulu duba holama, te not pedai badu te bulu Jerikoba sabolali. Tama dąį pali, te giliga dega sigi pabo te bulu dude begelalima, te masigi kemi olo tǫ badu te Betaven, teba dąį igi pali.

Josua 18:19

Tama dąį pali, te dwasianu bulu du te not badu te Bethokla teba dąį igi pelama, tama te Isai Tamu Ąį te wę Jordan age siba pedelali. Te saut sesege badu dao.

Josua 18:20

Te giliga pedalubo badu te dąį pali, te wę Jordan wali pali. Te dąį yali te tǫ te Benjamin hani sibi dabego sabo tǫ dao.

Josua 18:22

Betaraba, Semaraim, Betel,

Josua 2:1

Te Israel dabe augwali te bulu Sitimde bidalubadi, tama Josuago te moni tǫ Kenanba sa pabo bidi si tagala palali, tama agai augwali sibolo te po wai, “Dage si pelama, te moni tǫ Jeriko genuai hanu me, te pąde elalubo tǫ me, bugagia suao.” Tialima, te bidi si te Jeriko hanu tǫba pelama, tama te penani we me deligo beba sabolali, te we aga nogi Rahap. Tama augwali si agai bede bidai.

Josua 6:1

Te Israel dabe augwali te pąba bidagasai elalubaso, tama te Jeriko hanu tomode bidibo bidi dabego te hanu tomoba pabo sunumi tigidali bugagia dąų walali. Te bidi dabe buluba peyu, edaba asu yabo usu me ebeo.

Te Israel Tobolu Bidi Dabe 1:16

Te Mosesgo wąį monu te Kengo hani dao. Tialima, te ayago hani dali, te Judago hani dali, augwaligo te pam ni sili elalubo bulu taga peyu, tama augwali te Judago bulu te wa pai elalubo te Arat pedai te badu bidigi pali. Tama augwali te Amalek bidi dabe dali te bulude bidali.