Josua 18:1 - Godigo dwagi yai po buku

¹ Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.

Josua 18:1 Iomraidhean Croise

2 Samuel 7:6

Ena te genuai bede munu me bidibeo. Menio. Te Israel dabe eno te Isip dabede dobola selama, te augwali ma odasa asali sogo, ena te ugwa bede naga bidali. Tama te tigidali pedai badu ena peyu, asu yali, ena te ugwa bede naga bidiyu ebo dao.

Te Israel me Juda Hani Sigo Tuni Bidigo Po Elalubo Buku Deli 14:2

Tama te king Jeroboamgo aga webolo e tama tiwai po ola mani, “Eno homugo nage te gasa gagawai au yao, tama te tigidali bidi dabego te king eno we da homu munu me konegobeo. Awe, tama te nage te Silo buluba pao. Te bulude te profet bidi Ahiya te bidibao,” wali. “Tama te profet bidi agai enabolo weyu, ena nage te Israel hanigo king bidi nigilama bidao wali profet bidi te bulude te bidibao,” wali.

Te Israel me Juda Hani Sigo Tuni Bidigo Po Elalubo Buku Deli 14:4

Tama te king Jeroboam aga wego te aga bidigo wali po odama, tama aga te Silo buluba pelama, tama te profet bidi Ahiyago beba sabolali. Tama te profet bidi Ahiya aga te megi monu dabe mu yai, tama agai gedu tigidali mu halua sali.

Te Israel me Juda Hani Sigo Tuni Bidigo Po Elalubo Buku Deli 2:27

Solomongo te Abiatar te Genuai Bidigo pris sę yali te sela sąwani, tama te kolesagade agai te Genuai Bidigo polobadu te Silo bulude te mena sę te pris Eligo haniba pedalubode te wali poba usu niyu, tama te tiwai yai dao.

Nehemia 9:24

Tama augwaligo te Kenan hani bidi dabe dali te boi hwįani sogo, nago digi te Kenan dabe aiyaba elalumainu ilama, tama te bulali wąį nǫų dabego te tǫ somainu yali. Tama augwaligo te hani aiyaba elalubo sogo, tama nago te augwa homu kolesaga wali pomainu elama, tama te we bidi dabeba dene mabo sę dwai ilali, tama te Kenan tǫ king dabeba me te dwai mu yai dao.

Godigo Nogi Ugwaba Sabo Tęąbi Po Wabo Buku Dabe 78:60

Tama agai te aga Silode elaluali ugwa be tagalalio. Te bede aga te we bidi dabe tomode bidali.

Godigo Nogi Ugwaba Sabo Tęąbi Po Wabo Buku Dabe 78:66

Tama agai te boi bidi dabe dali hwįnama, tama augwa asaliba ma pobeasa pali. Agai augwali aiyaba mu elalubaso, tama augwali hale dwai mu yali, tama augwaligo ma hwįabo usu ebeo.

Jeremaia 26:6

Te dagego eno po wali pisąbaso da, teda eno te eno e be dolaibao, te eno polobadu te Silo taun be dolali tiwai yaibao. Tama te gasa tǫ kantri we bidi dabego augwa boi bidi dabeba dwai po wabo sogo, augwa te tiwai po waibao, “Dage dolobaso, te Jerusalem dolali tiwai yao.” Augwaligo te po waibao.’ Nago te po te Juda we bidibolo pusao,” Genuai Bidigo Jeremaiabolo wali.

Jeremaia 26:9

“Magi baso nago te dwai po te Genuai Bidigo nogide pusubawe? Te Silo dolali tiwai gilama, te be dolaibao po nago me wagio. Te taun dolama, tama tede bidi me bidigobeo, te po me nago obao, te tiwai po nago me wagio,” wali. Te Genuai Bidigo bede bidali we bidi tigidali, augwaliaselama, te Jeremaia bobegela sagasalio.

Jeremaia 41:5

te bidi sese me si me si te taun Sekem, me Silo, me Samaria, te bulu bidi dabe te sunumidu aselama, te Mispa pąba yagasali. Augwaligo te nai wit meba badi, te wiegi yai denami ebo pauda me selama, augwali te Genuai Bidigo be te Jerusalemba selasa aselama, te ofa yainogo yali. Te bidi dabe augwa penani nisi poalama, te augwa ugwa pisilama, te augwa tigi tologolama, te augwa polobadu yali dwai sęde homu dene ola mayu tiai dao.

Israel Hanigo Namba 32:22

tama augwaligo tǫ saibao. Te tama tilama, nosali dage ma asagameo. Magi baso meni. Dagego Genuai Bidigo dage mani sę silama, me dagego duga abagi dabe polo tau sela silali dao. Tama tibaso da, Genuai Bidigo dagego te Jordan wę giliga asobo badu elalubo tǫ sobaso, te usu dao po waibao,” wali.

Godigo Sęba Tagala Palai Bidigo Po 7:45

Nosali dago wąį augwa ogwago te ugwa be selama, te tobolu bidi Josua wali pelama, gasa hanigo tǫ sali. Godigo augwali tau selama, te tǫ sai. Tama te ugwa be tede elalubadi, genuai bidi Devit bidibo sogo te be me elaluali.

Josua 18:2

Tiali goli, te a naga olama, me badu si hani te augwali tǫ sisąwai.

Josua 18:8

Josuago te tǫ sugi pelama, te po asęabo bidi dabebolo te e tiwai po wali, “Dage pelama, te tigidali tǫ sulama, tama tǫ po asęnama, tama enaba ma selasa asao. Tama e bulu Silode eno te tǫ sabo po dodolobo sę gagali elama, te mena tǫ te Genuai Bidigo dagego hani deli delibolo mabowe naga koneaibao.” Josuago te po wai. Tialima, te bidi dabego te Josuago po odama, tama augwali pali.

Josua 19:51

Te pris Eleasar, me Josua te Nungo ogwa, tama te tigidali deli deli Israel hani sibi tigidalide te augwa genuai bidi deliba sisinama, te augwaligo te tǫ dobabo po dodolobo sę elama, te mena tǫ te Genuai Bidigo augwalibolo mabowe naga koneainogo yali. Te genuai bidi dabego te tiwai sę te Silo bulu pąde, te God dali deli sisinabo ugwa be sunumi pąde tama tiwai sę yai. Tama te tǫ dąį ebo, me te tǫ dobabo sę me, te silalio.

Josua 21:2

Augwaligo te bidi dabe te Silo bulu te Kenan dabego tǫba sisinama, tama augwalibolo te tiwai po wali, “Genuai Bidigo bomai po dabolo te Mosesgo pedauwalide mani, te dago digi dena hanu meba sobadi, tama te dago bulmakaugo tuabo te wiegi yai nosai elalubo tǫ saibao wali,” augwaligo te po wai.

Josua 22:12

Augwaligo te po odama, tama tigidali te Silo buluba sisinama, tama augwaligo te hani sela dali boi hwįainogo sisi ilali.

Josua 22:19

Te dage Genuai Bidigo gedude meda elaluyu, tama dagego tǫde lotu wabo te usu meni ebaso da, teda dage te Genuai Bidigo tǫba asiąo, te agai ugwa be elalubo buluba. Tede Godiba nai ula mabo alta elalubao, te dago Genuai Bidi dao. Tama dagego te da tomode te tǫ meba siagameo. Tiali goli, tiyu, te dagego Genuai Bidigo po sela sąyu, dagego te alta nigali gilama idalio.

Josua 22:9

Tialima, te Rubengo hani bidi dabe, me te Gatgo hani, me te Manasego hani, te augwali te augwa buluba ma soali. Te hanigo te gasa Israel hani dabe te Silo bulu te Kenan dabego tǫde taga soyu, tama augwali te Gileat, te augwa tǫba soali. Augwaligo te tǫ sali te Genuai Bidigo augwalibolo te Mosesgo pedauwalide wali pode tiwai gilama te tǫ polobadu sali.

Te Israel Tobolu Bidi Dabe 18:31

Tama te Maikago tibo god dabe tede elalubadi, te Godigo ugwa be te Silo bulude elaluai dao.

Te Israel Tobolu Bidi Dabe 21:12

Tialima augwali pelama, te tiwai elama, tama augwaligo te Jabes hanu tomode te gesi wegi ogwa we te bidi sese hauwa te 400 gegalio. Te wegi ogwa we dabe te bidi dali pagela pisiąwai wegi dabe dao. Tama augwaligo te wegi ogwa we dabe sela asu, te bidibo pesage Silo te Kenan tǫ pedaiba ma asai.

Te Israel Tobolu Bidi Dabe 21:19

Tama teyu, te polalubo bidi dabego te po wali, “Te Godiba genuai nai ulubo nai daa tubo sogo te megi da pąba yagasalio. Te ulubo nai daa tubo sę te tigidali kibu bede pedalubo, te megi te Silo hanude pedalubao,” wali. Silo te Betel pedai badu te notde elaluali, te Lebona bulu pąde te saut badu, tama te giliga pedalubo badu te bulu Betel me Sekem si pabo sunumi tomode dao.

1 Samuel 1:24

Nosali te waigo ame tuali tagalubo side, teda Hanago te wai Genuai Bidiba sela pali. Tama agai te tiwai ofa me sela pali, te bulmakau omai sela, me te sęgę nogo si elalubo plaua, te meme waligo nigai beg me deli, tama tede te augwaligo wain ąį buai elaluali. Samuel te dwasianu ogwa pedalubadi, tama aga idago aga te Genuai Bidigo be te Silo buluba sela pali.

1 Samuel 1:3

Te tigidali kibu be te deli sogo naga te Elkana te aga bidibo hanu tagalama, tama te Silo buluba pelama, te Tigidali Bomo Elalubo Genuai Bidibolo te lotu po wainu, te ofa dabe igi pali. Hopni dali Finias si, te Eligo ogwa si, te Genuai Bidiba pris sę ebo bidi si te bulude bidali.