Josua 17:7 - Godigo dwagi yai po buku

⁷ Te Manasego tǫ sali te Aserdu gagalasa pelama, te Mikmetat buluba sabolama, tama te Sekem bulu pąba te giliga pedalubo madi sabolali. Tama te dąį te saut te badu te Entapua buluba sabaligi pali.

Josua 17:7 Iomraidhean Croise

Tigidali Nai Gagalama Nigali Side 34:2

Hamor, aga te Hivi hani bidi me deli, aga tede tobolu bidi nigilama bidai. Agai ogwa, te Sekem, agai te Daina sulama, tama agai aga nogo tulama, tama aga dali dwai sę yali.

Tigidali Nai Gagalama Nigali Side 37:12

Nosali te Josepgo ama dede augwali te augwa ayago kibu sipsip tonalugi peyu, te Sekemba pali.

Tigidali Nai Gagalama Nigali Side 37:14

Tama ayago te po wali, “Nage te naga ama dede bidiboba pelama, tama augwali sugi pao, te augwali bugagia bidibowe, ma meniwe? Tama nago te sipsip dabe me suyu, te augwali usu elalubowe, ma meniwe? Te augwali sulama, teda nage ma ena bidibo madi asiyu, tama enabolo wagameo,” wali. Te aga aya Jekop te Hebron hanu odogo tǫde bidiyu, tama te Josep tagala palali. Josep digibulu pelama, tama te Sekem tǫba sabolama,

Te Israel me Juda Hani Sigo Tuni Bidigo Po Elalubo Buku Deli 12:1

Te bidi Rehoboam aga te Sekem hanuba pali, magi baso meni, te tigidali Israel hani we bidi dabe, te not badu bidali hani we bidi dabe, augwali te taun Sekemba sisinama bidibaso, te bidi Rehoboam aga augwa king bidi nigilaiongo yali.

Te Israel me Juda Hani Sigo Tuni Bidigo Po Elalubo Buku Deli 12:25

Te king Jeroboamgo te taun Sekem masigigo nigai obo ma geselama, dąų walama, te Efraim bulu dudu gagalama, tama te taun Sekem bagulama dąų wali. Tama tilama, me badu sogo aga te taunde bidali. Tama nosali te hanu tagalama, tama aga te Penuel hanuba pelama, tama te hanu te Gileat bulu pedaide elalubo hanu da, tama agai te hanu me obo masigi bagulama, te hanu bugagia dąų walali, magi baso meni, te boi bidi dabego te hanu sidali weyu yali.

Tuni Bidi Dabego Po Elalubo Buku Deli 6:67

Sekem te elaluali taun dabede te taun me deli da, tama te Efraimgo bulu du badu elaluai. Te taun Sekem te Israel dabego dąį ilali te bidi elali wi pabo bidi te taunba geme duala sigibu yali taun me deli da. Te gasa taun dabe nogi e tiwai elalubao, Geser,

Godigo Nogi Ugwaba Sabo Tęąbi Po Wabo Buku Dabe 60:6

God te aga wiegi yai bulude bidiyu, tama aga te po wai dao, “Te eno hwįbo boi bidi dabe aiyaba elaluama, tama eno wiegi yai pemene mu yaibao. Megi da, eno te Sekem bulu tǫ pedaibao, tama te Sukot tǫ malu bulu pesagede me, tama eno te ena we bidi dabeba dobawaibao.

Josua 17:6

Magi baso meni, augwaligo te Manasego ogwa wegi dali augwalibolo te tǫ mani. Tama augwaligo te Gileatgo tǫ te Manasego gasa hani wąį dabebolo mobadi yai.

Josua 17:8

Te tǫ Tapua te Manasego tǫ dao. Tiali goli, te Tapua hanu te Efraimgo hanigo hanu mu dao, te Manasego tǫ sesege badu mu elaluali.

Josua 20:7

Tama po obaso, te we bidi augwaligo te Kedes hanu te Galili badu, te Naptaligo bulu du elalubo badu dąį ilali, tama te Efraimgo bulu du badu te Sekem hanu dąį ilibadi, tama te hanu Kiriat Arba, te gasa nogi Hebron tama, te Judago bulu du badu elaluai.

Josua 21:21

Te bidi dabego te hanu me si me si augwali mani. Sekemde, te bulmakaugo tuabo nosai wiegi yai elaluali te Efraimgo bulu dude, te bidi elali bidi dabe geme wi duala sigi pabo hanu elaluali, me Geser,

Josua 24:1

Josuago te Israel hani tigidali te Sekemba sisinani, tama nosali agai te tobolu bidi dabe me, te genuai bidi dabe me, te tonalubo bidi dabe me, te augwali tigidali i olama, sisinama, tama augwali te God gedude doligi pali.

Josua 24:32

Te Josepgo dili te we bidigo Isipdu tolasa asali, te augwaligo te Sekemde pubulali, augwaligo te Jekopgo te mone 100 silvago te Hamorgo ogwa dabe dali polobadu abelali, te tǫde pubulali. Hamor te Sekemgo aya dao. Tama Josepgo hani augwaligo te tǫ sali.

Te Israel Tobolu Bidi Dabe 9:1

Te Abimelek, te Jerubalgo ogwa, te Sekem hanuba pali, te bulude te aga idago deli kanemede ame nani abe dede te bulude bidali. Tama Abimelekgo te aga deli kanemego nigali bagebolo olama,