Josua 17:4 - Godigo dwagi yai po buku

⁴ Augwali pelama, te pris bidi Eleasar, me Josua, me te tobolu bidi dabe me sugi pelama, tama augwaligo te po wali, “Genuai Bidigo te Mosesbolo po weyu, te tǫ me deli te dabolo me mao weyu, te dena aya aga ama solobolo mabo tiwai gilama yao po weyu yali.” Te we a nagago te po wai. Tialima, augwaligo te tǫ me te we dabebolo me, te augwa aya aga ama solo bidi dabebolo me, te tǫ mani, te Genuai Bidigo wali po gilama yalio.

Josua 17:4 Iomraidhean Croise

Israel Hanigo Namba 27:1

Te Selofehat te Hefergo ogwa dao, te Hefer te Gileatgo ogwa dao, tama te Gileat te Makirgo ogwa da, tama te Makir te Manasego ogwa dao, tama te Manase te Josepgo ogwa dao. Tialima, Selofehatgo we selama, wegi a naga ame nani. Augwaligo nogi Mala, me Noa, me Hokla, me Milka, me Tirsa dao. Tama augwali te hani wegi mani augwali

Israel Hanigo Namba 27:4

Te mu tama. Agai ogwa menio te agai nogi sabo. Tiali goli, magi baso ayago nogi da Israel tomode hagagowe? Tama tialima, dago homugo nago dabolo te ayago hanigo tǫ da mao,” wali.

Israel Hanigo Namba 36:10

Tialima, te Selofehatgo wegi dabe, augwaligo nogi Mala, me Tirsa, me Hokla, me Milka, me Noa, augwali te augwa ayago hani mu dali pali. Te Genuai Bidigo Mosesbolo wali gilama tama tiali.

Galesia 3:28

Tama aga homu kolesaga siyu, tama dage Krais agai we bidi bidiyu, tama dage deli hani naga bidaligo da, teda dage haniani tedali tedali bage dao, te homu egio. Polobadu dage meba Juda hani we bidi bidai, meba Juda hani isiąwai bidi bidai. Meba nogi meni yai we bidi bidai, meba genuai nogi elalubo bidi bidai. Dage meba bidi, meba we dao. Tiali goli megi dage te haniani tedali tedali bidali kolesaga mu sila palio. Dage te Krais Jisasde wadolama, tama dage tigidali megi Jisasde we bidi hani deli naga mu bidibo dao.

Josua 14:1

Te Israel dabego te Kenan tǫ sali. Te pris bidi Eleasar, me Josua te Nungo ogwa, tama tigidali Israel hani tobolu bidi dabego hani sibi deli deli augwalibolo te tǫ dobayali.

Josua 17:5

Tama te Manasego hanigo te nogo si tǫ pedai sali, te augwaligo polobadu te Gileatgo tǫ dali, me te Basan te Jordan wę u badu te giliga pedalubo badu dali sali.

Josua 21:1

Te Livaigo hanide te tobolu bidi dabe pelama, te pris bidi Eleasar me, te Josua te Nungo ogwa me, te tigidali Israel hani dabe te tobolu bidi dabe bidibo madi sugi pali.