Josua 17:13 - Godigo dwagi yai po buku

¹³ Nosali te Israel dabe bomai bage pedalubode, tama augwaligo te Kenan dabe te augwaligo sę olo ebo bidi pedela silali. Tiali goli, te augwaligo te augwali me sela sąyu, me ela gudulubeo.

Josua 17:13 Iomraidhean Croise

Tigidali Nai Gagalama Nigali Side 49:15

Agai te toma nabo dwagi yai bulu pesage sulama, tama tǫ te wiegi yai mu elaluai, tama agai te walu dabe toliyu, te dili bomo elama, tama aga te olo sę ebo bidi pedelama, tama bomai sę dene yaibao.”

2 Samuel 3:1

Te tudi badu nosali side, te Devitgo hanide Solgo hani si tomode te wąbi hwįani sesabi mu elaluali. Tama Devitgo hani te bomo yai mu pedelama, tama augwaligo te Solgo hanigo bomo tamonobo sę mu yalio.

Te Israel me Juda Hani Sigo Tuni Bidigo Po Elalubo Buku Deli 9:21

Polobadu mu te Israel dabego te hani augwali te hauwa mu elali, tiali goli augwaligo te augwali tigidali mu ela silibeo. Megi da, Solomongo te hani dabe augwali aga te olo mu sę ebo bidi dabe pedelali, tama megi me augwali te olo mu sę ebo bidi dabe bidibao.

Efesus 6:10

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Josua 16:10

Tiali goli, augwaligo te Geserde bidali te Kenan bidi dabe te augwali me ela gudulubeo. Tama te Kenan dabe te Efraim dabe tomode bidaluali. Tama te Efraim dabego te Kenan dabe te augwaligo olo sę ebo bidi tiwai sę emainu yalio.

2 Pita 3:18

Me ma, dage te dago Genuai Bidi me te da ma sali bidi Jisas Kraisgo olo tau sabo kolesagade bidiyu, tama dagego aga koneanio. Tama dagego te olo tau siyu mabo kolesaga me mu siyu, tama dagego Krais aga konebo kolesaga hauwa siyu bidiąo. Tama agai te genuai ula yai bomai nogi megi elalubao, tama te nogi sesemane sogo mu bidada peyu, bidada paibao. Mu dao.

Te Israel Tobolu Bidi Dabe 1:28

Tama te Israel dabe augwaligo bomo pedalubo sogo, augwaligo te Kenan we bidi augwali kalabus ilibo sę yali. Tiali goli, te Israel dabego te augwali mu tigidali sela sąyu me ebeo.

Te Israel Tobolu Bidi Dabe 1:30

Tama Sebulungo hanigo te hanu Kitron me Nahalal te hanu side bidali we bidi te augwaligo ela gudulube. Tama te Kenan we bidi te augwali dali hodobo bidaluai. Tama te Sebulun hanigo te Kenan dabe augwali kalabus ebo sę ilali.

Te Israel Tobolu Bidi Dabe 1:33

Tama Naptaligo hanigo te hanu Betsemes me Betanat te hanu side bidali we bidi augwali te me sela sąbeo. Tama augwali te Kenan dabe dali bidaluali. Tama Naptaligo hanigo te Kenan dabe augwali kalabus ilibo sę yali.

Te Israel Tobolu Bidi Dabe 1:35

Te Amor dabe augwali naga te Aijalon, me Salbim, me Heres, te tama sela bulude bidaluai. Tiali goli, nosali te Josepgo hanigo bomo genuai pedelama, tama augwali tonaluyu, tama augwali kalabus ilibo sę yai.