Josua 15:8 - Godigo dwagi yai po buku

⁸ tama te Hinomgo ogwago te odogo tǫ tedu wali pelama, te Jebusgo bulu du te a badu sabolali. Te Jerusalem te badu elaluali. Tama dąį pidubadi geanima, te bulu duba sabolali, tama te giliga dega sigi pabo badu te Hinomgo malu elaluali, te badu dąį igi pali. Te dąį yali te Refaim dabego te tǫ odogo sesege badu tede elaluali.

Josua 15:8 Iomraidhean Croise

2 Samuel 5:18

Tama te Filistia dabe aselama, augwali te bulu pesage Refaim odogoba sabolama, tama augwali tede bidaluai.

2 Samuel 5:22

Tiali goli, nosali te Filistia dabe ma geasa aselama, te Refaim bulu odogode bidali.

Te Israel me Juda Hani Sigo Tuni Bidigo Po Elalubo Buku Si 23:10

Te king Josaia agai te augwaligo te lotu wabo pesage nogi te Tofet wabo pesage te agai dolali, te bulu te Hinom bulu odogode elaluai dao, tama te bulu me te bidi dabego gedude meda mu ilali. Tama tibaso, te bidi dabe augwaligo augwa te buluba nosali ma begasa pelama, tama te augwaligo augwa wai bǫų elama, te tibo god Molekba te ofa nai tiwai gilama me augwaligo ula magi pogobe.

Tuni Bidi Dabego Po Elalubo Buku Deli 11:4

Tama king Devit dali te tigidali Israel bage te Jerusalemba pali, te taun gasa nogi Jebus da, te Jebus dabego page bulu mu dao.

Tuni Bidi Dabego Po Elalubo Buku Si 28:3

Tama aga te Hinom Dabego Odogo Malu buluba pelama, agai wiegi yai denami hano holobo pauda te buluba ofa igi pelama uligi peyu yali. Tama me agai dwai kolesaga mu iyu yali. Agai aga ogwa wai dabe elama, tama aga tibo godiba te isigo mu dela silibo ofa uligi peyu yali. Agai te tǫde polobadu bidali dwai we bidigo dwai kolesaga wali pali. Tiali goli Genuai Bidigo augwali sela sąnama, tama Genuai Bidigo te tǫ te Israel dabebolo mawai dao, polobadu.

Nehemia 11:30

me te Sanoa, me Adulam, me te taun pąde elalubo bulu dabede bidai. Tama meba te taun Lakisde bidai, tama augwa te Lakis pąde elalubo tǫde bidai. Tama meba te taun Asekade bidali, tama te pąde elalubo bulu dabede bidai. Tama te Juda dabe te Bersebade bidali, te saut badu, te Berseba tomode elalubo taun tomode bidai, tama te odogo tǫ bulu te Hinom te not badu me bidai dao.

Aisaia 17:5

Megi te Israel dabe te wit nai hauwa te odogo malu Refaimde bulubo wit hauwa holobo ąǫ te ebao. Tiali goli, augwali boi bidigo dabego elebo si da, teda augwali te wit dili bidigo togai deli deli dolalua pabo tiwai yaibao, te wit gide.

Jeremaia 19:14

Tialima, ena Jeremaia, eno te Genuai Bidigo po wali pelama, tama ena te bulu Tofetba pelama, tama agai te po pusali. Te nosali, eno te bulu Tofet tagalama, ena Jerusalem hanu tomoba pelama, te Genuai Bidigo beba peyu, tama ena te bidi sisinibo genuai pesageba doligi palio. Tama eno te tigidali we bidiba te tama po pusalio,

Jeremaia 19:2

“Tama dage te Odogo Bulu Pesage te Hinomba dulao, te Jerusalem moni obo sunumi pąde augwa te nogi e tiwai waibao, te Sospen Sene Dabe Alua Pai Sunumi Dao wali. Tama nago eno po e tama pusao,

Jeremaia 19:6

Tama tialima, ena Genuai Bidi, eno te po obao, nosali munu me augwaligo te bulu pesage nogi ma wagobeo, Tofet, ma Odogo Bulu Hinom me wagobeo. Menio. Augwa te tiwai nogi yaibao, te bidi hauwa ela muai bulu dao, po waibao.’”

Josua 15:63

Tiali goli, te Juda dabego te Jebus dabe te Jerusalemde bidalubo te augwali me sela sąyu, te me ela gudulubeo. Tama tibaso, te Jebus dabe te Juda dabe dali te Jerusalemde bidali, te megi e po asębo sogoba usu nagasali.

Josua 18:16

Tama te dulali te bulu du dolalubo sesege badu te Hinomgo ogwago tǫ malu elalubo pąba pedelali. Te bulu du te not badu te Refaim dabego malu tǫ sesege badu elaluali. Tama dąį pali te saut badu te Hinomgo tǫ malu bolama, tama te Jebus dabego dwasianu bulu du togolama, tama palima, te Enrogel te pedai badu dąį igi pali.

Josua 18:28

Sela, Haelep, Jebus, te augwaligo Jerusalem nogi yali, Gibea, Kiriat Jearim, te tama hanu elaluali. Te 14 hanu dabe, te pąde bulu dabe dali elaluali. Te tǫ pedai te Benjamingo hanigo sali tǫ me hanu dali, te dao.

Te Israel Tobolu Bidi Dabe 1:21

Tiali goli, te Benjamin hanigo te Jebus dabe te Jerusalemde bidibo te me sela sąbeo. Tama te Jebus dabe te Benjamin hani dali bidaluama, tama megi e po asęani sogoba usu nagasali.

Te Israel Tobolu Bidi Dabe 1:8

Te Juda dabego te Jerusalemde bidali bidi dabe dali boi hwįnama, tama augwaligo tǫ sali. Tama augwaligo te we bidi ela munama, tama augwaligo bulu dabe dali sia ulali.

Te Israel Tobolu Bidi Dabe 19:10

Tiali goli, te Livai bidi aga te gasa sogo hulide ma bidibo te aga hagela homu yali. Tialima, aga dali aga we me te augwa si hogodama palio. Augwa si te donki daide duabo nai sadel te donki side elaluali te donki tudide ąuasa pali. Te giliga dega sigulai madi augwali te Jebusba sabolali, te Jerusalem bulugo gasa nogi me dao. Tama te sę ebo bidigo te aga mama monubolo te tiwai po wali, “Te da te hanu Jebus tomoba pelama, tama hulide tede pinao,” wali.