Josua 15:13 - Godigo dwagi yai po buku

¹³ Polobadu Genuai Bidigo te Josuabolo po mayu, te augwaligo Juda dabego hanu tǫ me deli te Kalepbolo mao po wali, te Jefunego ogwabolo. Tialima, Josuago tama tiali. Tama te tǫ pedai Hebron, te Arbago hanu, te Anakgo aya dao.

Josua 15:13 Iomraidhean Croise

Tigidali Nai Gagalama Nigali Side 13:18

Tama tibaso, Abramgo aga ugwa be dabe gudulama, tama te bidali bulu tagalama, tama pidubadi geanima, tama aga pelama, te nosali te Hebron buluba bidigi pali, tama aga bidabo pesage te bidi Mamrego genuai ni dabe elalubo pąde te pesage nigali. Tama aga ugwa be dabe tede dodolama muyu, tama agai te Yawebolo lotu po wabo alta te bulude nigali.

Tigidali Nai Gagalama Nigali Side 23:2

tama aga te Kiriat Arba, te gasa nogi Hebron, te Kenan pedai badu tede isai. Tama Abrahamgo te Sarade homu dene mu ebaso, aga tigi osogo muani madiba hogonigi peyu, tama agai aga we hagede gela wai.

2 Samuel 2:1

Te Sol de Jonatan si isai madi, tama nosali Devitgo Genuai Bidiba te tama po hanalu wali, “Ena pelama, te Juda dabego taun me deliba duagi pelama bidibaso, usu yaibawe?” Tama Genuai Bidigo te po wali, “Nage pao.” Tialima, Devitgo agaba ma hanalu wali, “Te ena mena taunba duagi pelama bidigowe?” Tama Genuai Bidigo agaba te tiwai po wei ponani, “Nage pelama, te Hebron taunba bidigi pao,” wai.

Tuni Bidi Dabego Po Elalubo Buku Deli 6:56

Tialima te gi dabe me te dwasianu bulu te Hebron pąde elaluali, te Israel dabego te Arongo hani dabeba mabeo, magi baso meni, augwaligo te Kalepba mawai, te Jefunego ogwa dao.

Tuni Bidi Dabego Po Elalubo Buku Si 11:10

me Sora, me Aijalon, me Hebron dao. Te tama taun dabe te Juda hanigo tǫde me Benjamin hani dabego tǫde elaluali.

Israel Hanigo Namba 13:30

Te Israel dabe augwaligo te tobolu bidi dabego po odama, augwali wi yali. Tama augwaligo Mosesbolo po hauwa wali. Tiali goli, tobolu bidi me deli, aga nogi Kalep, agai augwali daga bola sąyu e tama po wali, “Dage magi baso po hauwa wabawe? Megi da augwali dali hwįgi pelama, augwaligo tǫ sigi pinao. Magi baso meni. Dago bomo elalubao, tama dago augwa aiyaba elaluaibao, tama dago te tǫ saibao,” wali.

Israel Hanigo Namba 13:6

Kalep, te Jefunego ogwa, te Juda hani bidi dao.

Josua 11:21

Tama te sogo Josua pelama, tama te Anak bidi dabe mu dolai. Augwali te Hebron bulu du bagede me, te Debir bulude me, me te Anap bulude me, te tigidali gasa Juda me Israel dabego bulu du bagede bidaluali. Josuago te bidi dabe tigidali mu ela siyu, te augwaligo tigidali hanu me mu dolai.

Josua 20:7

Tama po obaso, te we bidi augwaligo te Kedes hanu te Galili badu, te Naptaligo bulu du elalubo badu dąį ilali, tama te Efraimgo bulu du badu te Sekem hanu dąį ilibadi, tama te hanu Kiriat Arba, te gasa nogi Hebron tama, te Judago bulu du badu elaluai.

Josua 21:11

Tama augwaligo te hanu Kiriat Arba, te gasa nogi me Hebron elaluali, te augwaliba mani. Tama te polobadu bidali bidi Arba te Anakgo aya dao. Kiriat Arba te bulu du te Judago bulu badu elaluali. Augwaligo te Kohat dabebolo te hanu, me te pąde elaluali tǫ dali, te tama te bulmakau dabego tuabo wiegi yai nosai elaluali dali, te augwalibolo mani.

Te Israel Tobolu Bidi Dabe 1:10

Tama nosali ma augwali pelama, te Hebronde bidibo Kenan bidi dabe dali hwįgi pali. Te bulu Hebron te polobadu augwaligo te hanu nogi Kiriat Arba nogi yai. Tama Juda dabego te Sesai bulu bidi me, te Ahiman bulu me, te Talmai bulu bidi, te augwali aiyaba elaluai dao.

Te Israel Tobolu Bidi Dabe 1:20

Tama augwaligo te bulu Hebron te Kalep mani, te tiwai te polobadu Mosesgo po wali gilama. Tama Kalepgo te Anakgo ogwa sela te augwali Hebronde bidali te sela sąwani.

1 Samuel 30:14

Da te saut te Juda tǫ pedai badu pelama, te Keret dabe dali hwįyu, te Juda dabe dali, me te Kalep dabe dali te hwįgi pelama, tama augwaligo doado bage sobadi yali. Tama da te Siklakba pelama, tama te taun siago ulubadi yali,” te po wali.

1 Samuel 30:31

me Hebron, te e tama bulu dabeba te doado bage tolali. Tama agai te doado bage meba te aga dali te aga ami bidi dabe augwali te polobadu bilali te bulu tigidaliba usu nama tolalio.