Josua 14:8 - Godigo dwagi yai po buku

⁸ Tiali goli, te ena dali pali bidi dabe augwaligo te we bidi wi ebo sę ilali. Tiali goli, eno te dago Genuai Bidi Godigo po bugagia dolo wali pali.

Josua 14:8 Iomraidhean Croise

Israel Hanigo Namba 13:31

Tiali goli, te meba tobolu bidi dabe te Kalep dali te bulu sugi pali, te bidi dabe augwaligo te po wali, “Mu menio. Augwali bomo mu elalubao. Dago augwali dali hwįbo usu egobeo,” te po wai.

Israel Hanigo Namba 14:1

Te we bidi dabego te tobolu bidi dabego po odama, te hulide augwali hǫą olama, tama augwali gela udubadi be posali.

Israel Hanigo Namba 14:24

Tiali goli, eno sę bidi Kalep, agai te gasa homu me elalubao, tama agai eno homu kolesaga wali mu pabo. Tama tibaso, eno aga te agai sugi pali te buluba eno odasa paibao. Tama aga tede bidaibao. Tama agai wąį wai pulubago te bulu saibao.

Israel Hanigo Namba 32:12

Te e bidi si naga paibao, te Kalep, te Jefunego ogwa te Kenas hani, me Josua, te Nungo ogwa, augwali si naga paibao. Magi baso meni. Augwali sigo homugo ena kęą pelama, ena Genuai Bidi wali asalio,’ walio.

Bomai Po 1:28

Magi baso mu da te buluba pogowe? Da wi ebao. Te bidi dabe, dago te sa sugi pomainu tagala palali bidi dabe, augwali ma aselama, te po wagasali, “Te we bidi augwali boma pai, tama bobobage dili yai we bidi mu, te bulude bidibao.” Augwaligo te po wali. “Te we bidi dabe augwali te masigigo nigai bomai obo tomode bidibo, te dagalu dąį yai obo tomode bidibo. Tama te hanu dabede augwali te moni moni bidi dabe bida bida pabo suali,” te sa sugi pali bidi dabego dabolo te po wai,’ dagego te po wali.”

Bomai Po 1:36

Kalep, te Jefunego ogwa deli digi, aga te buluba paibao. Aga ena dali deli homu mu eyu, agai deligo naga eno tigidali po wali palio. Tama tialima, aga dali, te aga ame nabo wai puluba dali sigo naga, eno te mabo tǫ suaibao,’ Genuai Bidigo te po wai.”

Josua 14:14

Kalepgo Godigo po bugagia wali pali da, God da te Israel dabego Genuai Bidi dao. Tama Hebron hanu te Kalepgo wąį hanigo tǫ gagalama bidali, te Jefunego ogwa, te Kenas bidi dao.

Kraisgo Geme Dualali Sę Pedelabo Po Jonbolo Ola Mani 14:4

Te bidi dabe augwaligo te meda yai penani ebo kolesaga me ebeo. Menio. Augwali te gasagi yai meda meni yai mu bidali dao. Te tigidali bulu te Kibu Sipsip Wai painogo ebo bulu, te bidi dabe augwaligo me te aga wali naga pabo dao. Godigo augwali te tǫde bidibo we bidi tomode augwali dią siyu ma abelama, tama augwali te Godigo hasia bidi hani bidali God aga digi ma aga te Kibu Sipsip Wai dali sigo sai dao.