Josua 14:15 - Godigo dwagi yai po buku

¹⁵ Polobadu te Hebron hanu nogi te Kiriat Arba nogi yali. Tama Arba te Anak bulude te moni bidi me deli bidai. Tialima, te tǫ Kalepgo selama, tama te sogo da te bulude wąbi munu ma hwįsąma, bidaluali.

Josua 14:15 Iomraidhean Croise

Tigidali Nai Gagalama Nigali Side 23:2

tama aga te Kiriat Arba, te gasa nogi Hebron, te Kenan pedai badu tede isai. Tama Abrahamgo te Sarade homu dene mu ebaso, aga tigi osogo muani madiba hogonigi peyu, tama agai aga we hagede gela wai.

Tigidali Nai Gagalama Nigali Side 35:27

Jekop te aga aya Aisak bidibo digi, te moni ni sili nogi Mamre, teba sabolali. Te bidi mebago te bulu nogi te Kiriat Arba nogiyu, tama nosali te gasa nogi me elaluali, te Hebron nogi yali. Te bulu te Abraham me Aisak te polobadu bidai bulu dao.

Tigidali Nai Gagalama Nigali Side 37:14

Tama ayago te po wali, “Nage te naga ama dede bidiboba pelama, tama augwali sugi pao, te augwali bugagia bidibowe, ma meniwe? Tama nago te sipsip dabe me suyu, te augwali usu elalubowe, ma meniwe? Te augwali sulama, teda nage ma ena bidibo madi asiyu, tama enabolo wagameo,” wali. Te aga aya Jekop te Hebron hanu odogo tǫde bidiyu, tama te Josep tagala palali. Josep digibulu pelama, tama te Sekem tǫba sabolama,

Tuni Bidi Dabego Po Elalubo Buku Deli 6:4

Eleasar te Finiasgo aya, te Finias Abisuago aya,

Nehemia 11:25

Te we bidi hauwa te augwa taun tǫ pąde bidaluai. Te Juda hani bidi meba te taun selade bidali, Kiriat Arba, me Dibon, me Jekapsel, tama te taun pąde elalubo bulu dabede bidalio.

Josua 11:23

Josuago te moni tǫ pedai tigidali badu sela silali, te Genuai Bidigo Mosesbolo wali gilama te tiwai yali. Tama Josuago te Israel dabe augwalibolo te moni tǫ te augwa page bulu tiwai ilama mawai. Tama te tǫ te tigidali Israel hani deli delibolo dobayali. Tama tilama, te we bidi augwaligo hwįbo sę ebo sogo silama, tama augwaligo hwįbode te toma tuyu bidali.

Josua 14:14

Kalepgo Godigo po bugagia wali pali da, God da te Israel dabego Genuai Bidi dao. Tama Hebron hanu te Kalepgo wąį hanigo tǫ gagalama bidali, te Jefunego ogwa, te Kenas bidi dao.

Josua 15:13

Polobadu Genuai Bidigo te Josuabolo po mayu, te augwaligo Juda dabego hanu tǫ me deli te Kalepbolo mao po wali, te Jefunego ogwabolo. Tialima, Josuago tama tiali. Tama te tǫ pedai Hebron, te Arbago hanu, te Anakgo aya dao.

Josua 21:11

Tama augwaligo te hanu Kiriat Arba, te gasa nogi me Hebron elaluali, te augwaliba mani. Tama te polobadu bidali bidi Arba te Anakgo aya dao. Kiriat Arba te bulu du te Judago bulu badu elaluali. Augwaligo te Kohat dabebolo te hanu, me te pąde elaluali tǫ dali, te tama te bulmakau dabego tuabo wiegi yai nosai elaluali dali, te augwalibolo mani.

Josua 21:12

Tiali goli te we bidi augwaligo te gi sę yabo tǫ me, tama te hanu pąde elaluali bulu dabe dali, te Kalep agabolo polobadu mawai dao. Kalep te Jefunego ogwa dao.

Te Israel Tobolu Bidi Dabe 1:20

Tama augwaligo te bulu Hebron te Kalep mani, te tiwai te polobadu Mosesgo po wali gilama. Tama Kalepgo te Anakgo ogwa sela te augwali Hebronde bidali te sela sąwani.

Te Israel Tobolu Bidi Dabe 3:11

Nosali te bulu bidi hani dali me boi hwįsiąbadi, te kibu be bidi sese si bidali. Tama Kalep aga ama Kenas aga ogwa Otniel, te aga isali.

Te Israel Tobolu Bidi Dabe 3:30

Tama te Israel dabego te sogo te Moap dabe aiyaba elaluai. Tama te tǫde te boi me hwįsiąbadi, te kibu be bidi sese me si me si, te 80 yia bidai.

Te Israel Tobolu Bidi Dabe 5:31

“Tialima, Genuai Bidi, dago homugo te tama tialigo te nago boi bidi dabe isimainogo yao. Tiali goli, nago abagi dabe da, te ula eyu, tama te giliga nanobo ula tiwai pedalumainu yao,” te Debora dali Barak sigo te tiwai tęąbi po tama wali. Tama te tǫ pedaide te boi munu me hwįsiąbadi, te kibu be bidi sese si 40 yia bidali.

Te Israel Tobolu Bidi Dabe 8:28

Te Israel dabego te Midian dabe aiyaba elaluama, tama te Midian dabego magi sę me deli yabo bomo meni yani. Tama te Gideon bidali sogo te tǫde wąbi munu me hwįsiąbadi, te kibu be bidi sese si 40 yia bidai dao.

1 Samuel 30:31

me Hebron, te e tama bulu dabeba te doado bage tolali. Tama agai te doado bage meba te aga dali te aga ami bidi dabe augwali te polobadu bilali te bulu tigidaliba usu nama tolalio.