Josua 14:13 - Godigo dwagi yai po buku

¹³ Tama Josuago te Kalepgo wali po odama, tama agai te Godigo nage dali dwagi yai sę emainao po te Kalepbolo wali, tama te Hebron hanu agabolo manio, te aga sabo tǫ mu tama dao.

Josua 14:13 Iomraidhean Croise

Tigidali Nai Gagalama Nigali Side 47:10

Tialima, Jekopgo Ferobolo nage tao po olama, tama aga pali.

Tigidali Nai Gagalama Nigali Side 47:7

Tialima, Josepgo te aga aya Jekop te Fero pageba odasa pali. Tama Jekopgo agabolo te “Eno homugo nage bugagia bidao,” wabo po te Ferobolo mani.

2 Samuel 2:1

Te Sol de Jonatan si isai madi, tama nosali Devitgo Genuai Bidiba te tama po hanalu wali, “Ena pelama, te Juda dabego taun me deliba duagi pelama bidibaso, usu yaibawe?” Tama Genuai Bidigo te po wali, “Nage pao.” Tialima, Devitgo agaba ma hanalu wali, “Te ena mena taunba duagi pelama bidigowe?” Tama Genuai Bidigo agaba te tiwai po wei ponani, “Nage pelama, te Hebron taunba bidigi pao,” wai.

Tuni Bidi Dabego Po Elalubo Buku Deli 6:4

Eleasar te Finiasgo aya, te Finias Abisuago aya,

Nehemia 11:25

Te we bidi hauwa te augwa taun tǫ pąde bidaluai. Te Juda hani bidi meba te taun selade bidali, Kiriat Arba, me Dibon, me Jekapsel, tama te taun pąde elalubo bulu dabede bidalio.

Solomon 6:9

Tiali goli, ena da, eno abagi deli naga elalubao. Aga te polalubo mu bidibaso, tama eno aga godolo mu ebao. Aga idago aga deli naga ame neyu, tama agade wiegi yai pemene eyu, tama aga godolo mu ebo dao. Tigidali gesi wegigo aga sulama, te augwaligo aga nogi ugaba sali. Te kwin we dabego, me te kingo gasa we dabego te balia po weyu, te agaba wiegi yai pemene yali.

Josua 14:14

Kalepgo Godigo po bugagia wali pali da, God da te Israel dabego Genuai Bidi dao. Tama Hebron hanu te Kalepgo wąį hanigo tǫ gagalama bidali, te Jefunego ogwa, te Kenas bidi dao.

Josua 15:13

Polobadu Genuai Bidigo te Josuabolo po mayu, te augwaligo Juda dabego hanu tǫ me deli te Kalepbolo mao po wali, te Jefunego ogwabolo. Tialima, Josuago tama tiali. Tama te tǫ pedai Hebron, te Arbago hanu, te Anakgo aya dao.

Josua 22:6

Tama Josua te wiegi yai po mobo augwali menama, tama agai augwali te Jordan wę boloyu, augwa beba ma pomainu tagala palali.

Te Israel Tobolu Bidi Dabe 1:20

Tama augwaligo te bulu Hebron te Kalep mani, te tiwai te polobadu Mosesgo po wali gilama. Tama Kalepgo te Anakgo ogwa sela te augwali Hebronde bidali te sela sąwani.

1 Samuel 1:17

Tialima, Eligo te po odama, tama agabolo te po wali, “Tagalao, nage homu nagame elama, tama nage pao. Tama Israel dena Godigo nagebolo nago te hanalubo nai mawaibao.”

1 Samuel 30:14

Da te saut te Juda tǫ pedai badu pelama, te Keret dabe dali hwįyu, te Juda dabe dali, me te Kalep dabe dali te hwįgi pelama, tama augwaligo doado bage sobadi yali. Tama da te Siklakba pelama, tama te taun siago ulubadi yali,” te po wali.

1 Samuel 30:31

me Hebron, te e tama bulu dabeba te doado bage tolali. Tama agai te doado bage meba te aga dali te aga ami bidi dabe augwali te polobadu bilali te bulu tigidaliba usu nama tolalio.