Josua 13:5 - Godigo dwagi yai po buku

⁵ Te Gebal bulu bidi hani dabego tǫ, te tigidali Lebanon tedu pelama, te sia ge pedalubo badu dąį igi pali, te Balgat sesegede te Hermon bulu du pąde, tedu te bulu du baguali madiba pelama, usu nigi pali, te bulu augwaligo Hamat nogi yai,” wali.

Josua 13:5 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 5:18

Tama te be sę ebo koneani bidi dabe te Solomongo me Hiramgo sę ebo bidi dabe tomode bidali, tama augwa te Biblos hanu bidi dabe dali te Genuai Bidigo be sę yabo nai te masigi me ni name dabe dulama, tama dodolobo sę yai dao.

Te Israel me Juda Hani Sigo Tuni Bidigo Po Elalubo Buku Deli 8:65

Te sogo Solomon dali, te tigidali Israel dabe me, te Jerusalemba sisinama, te osogo bidabo bede bidibo bodolu muani te genuai side sisinama bidali. Augwali te Genuai Bidi dago Godigo gedude sisinama bidali te a naga olama, me si sogo te sisinama bidali, tama nosali augwali te a naga olama, me si te tama sogo ma sisinani, te tigidali deliba taluama, te 14 sogo bidai. Te genuai hani we bidi te tigidali tǫ pedai badu asali, te Hamat hanuba pabo sunumi tulumage side gagalasa pali, te not pedai badu teba usu nigi pelama, te Isip tǫ pedai te saut badu dąį igi pai.

Godigo Nogi Ugwaba Sabo Tęąbi Po Wabo Buku Dabe 83:7

Tama te Gebal dabe me, te Amon dabe, tama te Amalek dabe me dao. Te hani bage dabe, augwali te augwali te Filistia badu, me Tair badu bidali.

Jeremaia 52:9

Tialima, te Babilon dabego te Sedekaia pageabi elama, aga te Babilon kingba odasa pali. Te sogo Babilon king te taun Riplade bidali, te Hamat tǫ tomode dao. King Nebukatnesargo Sedekaia sulama, te po wai, Sedekaia te aga yali dwai kolesagade dwai dene somainu yaibao, wai dao.

Amos 6:2

Dage pelama, Kalne taun sugi pao. Tama nosali dagego te Hamat genuai taun sugi pao, te dage ma bilama, te Get taun me sugi pao, te kantri Filistia tǫde elalubao. Dagego homugo te taun dabego bomo te dage Juda me Israel dabego tǫ kantrigo bomo edelai da homu eba, agawe? Te dagego homugo augwaligo tǫ te genuai mu elama, te dagego tǫ kantri tiwai si meni da homu eba, agawe? Awe, tiali goli augwali dolai dao.

Israel Hanigo Namba 13:21

Tama te bidi dabe augwali te bulu tǫ dabe tigidali mu sa susa biligi pali. Te giliga asobo badu wę meni sane bulu badu gagalama, te saut badu usu nigi pali, tama te hanu Rehopba saboligi pali, te hanu Hamatba pabo sunumi pąbadu te not badu.

Israel Hanigo Namba 34:8

Tama te bulu du Hor tagalama, odogo bulu Hamatba tagaligi paibao. Tama te magi pelama, bulu Sedatba sabolama,

Bomai Po 1:7

Dage te pesage tagalama, tama pelama, tama dage te Amor dabego bulu du buluba piąo, tama me te bulu pąde elalubo bulu dabeba me. Te da, te Jordan wę odogode elalubo bulu dao, tama te malu bulu me, bulu du bulu me, tama te tǫ dage me te saut badu elaluyu me, te genuai tamu wę Mediterenian pąbadu elalubo nambis tǫ me. Tama dage Kenan dabego tǫba piąo, tama me te bulu du Lebanon tǫ u badu me pelama, te genuai wę Yufretisba usu nigi pao.

Bomai Po 3:25

Megi eno homugo nago ena te Jordan ąį nogelama, u badu pomainogo yao. Tama eno te wiegi yai ili yai tǫ me, wiegi yai bulu du me, te Lebanon bulu du me sugi pomainogo yao,’ eno tama po wali.”

Josua 11:17

Te tǫ dąį te Halak bulu dude gagalali, te Seir pąde, tama pelama, te bulu Balgat te Lebanon odogode elalubo, teba dąį igi pelama, te bulu du Hermon te tǫ bogo badu dao. Josuago te bobobage sogo mu te tuni bidi dabe dali hwįnama, tama agai te tigidali bidi ela silai dao.

Josua 11:3

Tama agai te Jordan wę pąde bidaluali te Kenan dabebolo me po ola tolobadi, tama te bulu du bagede bidaluali hani, augwalibolo me wai. Te augwali Amor dabe, me te Hit dabe, me te Peres dabe, me te Jebus dabe, te augwalibolo po tolai. Tama agai te Hivi dabe augwali te Hermon bulu du pąde, te Mispa dabego tǫde bidalubo bage augwalibolo me te po ola tolai dao.

Josua 12:7

Josua dali, te Israel dabe dali, augwaligo te Jordan wę te sia ge dega sabo badu te tigidali genuai tǫde bidali tuni bidi tigidali aiyaba elaluali, te Lebanon odogode elalubo bulu Balgat tede gagalasa, te Halak bulu du badu te Idom pąde, teba usu nigi pai. Tama Josuago te tǫ dobolama, tama te Israel hani sibibolo menama, tama megi te augwa page bulu mu gagalama bidibo dao.