Josua 13:30 - Godigo dwagi yai po buku

³⁰ Augwaligo sali tǫ te Mahanaimde gagalasa, pelama, tama te Basan pedai tigidali badu sali, te gavman tuni bidi Ok tego polobadu tonaluali hanu Basan da. Tama augwaligo te Jairgo tonaluali hanu te bidi sese sela 60 hanu te Basande tomode elaluali tǫ tigidali sali.

Josua 13:30 Iomraidhean Croise

Tigidali Nai Gagalama Nigali Side 32:3

Tama Jekopgo bidi meba te polasa te Seir tǫ te Idom hanu tǫ pedaiba te aga ama Iso bidibo digi te po sela pomainogo tagala palai.

Israel Hanigo Namba 21:33

Tama nosali te Israel dabe ma begelama, tama begasa te bulu Basanba pabo sunumi badu begasa pali. Augwali saboligi pabo si, te Ok, te Basan bulu tuni bidi, aga ami bidi dabe dali, augwaligo te Israel dabe dali te hanu Edreiba wąbi hwįagasali.

Bomai Po 3:10

Dago te malu bulude elaluali bulu dabe dago sai dao. Tama dago te Gileat tǫ dabe, me Basan tǫ, me te hanu si Saleka me Edrei hanu tǫ me, sese tama dago salio. Te tǫ dabe sese te tuni bidi Okgo tǫ dago sese tama sai dao,” Mosesgo te po wali.

Bomai Po 3:4

Tama te sogo dago agai hanu dabe sese dago selama, tama deli me tagalai menio. Mu menio. Dago te bulu Argopde dago te 60 hanu mu sese tama sai dao. Te da, te tuni bidi Okgo bulu tiai dao. Ok aga te genuai hanu Basande bidiyu, tama te bulu me hanu tonaluai dao.

Josua 13:26

Te tǫ te Hesbonde gagalasa, pelama, te Ramatmispe, me Betonim, me te Mahanaim, te pelama, te Lodebar te sesegeba usu nigi pali.

Josua 13:29

Tama Mosesgo te Manasego hani sibi dabe deli delibolo te tǫ me badu te augwali bidimainu mani.

Josua 17:6

Magi baso meni, augwaligo te Manasego ogwa wegi dali augwalibolo te tǫ mani. Tama augwaligo te Gileatgo tǫ te Manasego gasa hani wąį dabebolo mobadi yai.

Josua 21:38

Te Gatgo hani augwaligo hanu me si me si te tigidali augwali mani, Ramot te Gileat pedai badu, te hanu da te bidi elali bidi dabe geme dula sigi pabo hanu me deli dao, tama me Mahanaim,