Josua 13:14 - Godigo dwagi yai po buku

¹⁴ Tiali goli, Mosesgo te Livai hani te tǫ me masiąwai. Magi baso meni, te Israel we bidi dabego Genuai Bidiba ofa ilabo nai dabe sela asobo si da, te Livai dabego meba sabo dao. Te Genuai Bidigo Mosesbolo wali po gilama yali.

Josua 13:14 Iomraidhean Croise

Esekiel 44:28

“Te pris dabe augwali te meba hani dabego yali gilama te kantri Israel tomode tǫ dage me sogobeo. Menio. Ena da, te augwaligo wiegi yai nai dabe augwaligo tigidali sogo tolaluainu sabo nai dabe tiwai dao.

Esekiel 44:29

Te pris dabe augwaligo te we bidigo mabo wit ulubo ofa tuyu, me sęgę sela sąwainu ulubo ofa me tuyu, me dwai kolesaga geda muani dodolobo ofa tuyu emainao. Tama augwaligo te we bidigo eno nai mu dao olama, sa muani te nai dabe me tuyu emainao.

Bomai Po 10:9

Tama tialima, te Livaigo hanigo te meba Israel we bidi dabego yali gilama tǫ me sai menio. Wiegi yai nai augwaligo sali da te e dao, te augwali Genuai Bidigo pris bidi nigali. Te God dago Genuai Bidigo dąų polo wali po wali gilama tiali.)

Bomai Po 12:12

Tialima, dage, me duga wai dabe, me duga sę ebo we bidi, me te Livai dabe te dagego hanude bidibo, te bage dage sese tama Genuai Bidi pageba pelama, tama agaba wiegi yai homu pemene mu igi piąo. Dagego Livai dabe bugagia mu koneawe, magi baso meni, augwaligo tǫ mu menio.

Bomai Po 12:19

Tama tigidali sogo dage te tǫde bidiyu da, dagego te Livai dabe tau sabo gegeda pelamuo,” wali.

Josua 13:13

Tiali goli, te Israel dabe augwaligo te Gesur dabe, me te Maka dabe dali te augwali ela gudulube. Augwali te Israel dabe dali hodobo bidada peyu, tama megi e po asębo sogoba usu nagasai.

Josua 13:15

Mosesgo te tǫ pedai me badu deli te Rubengo hani sibi dabe deli delibolo menama, tama te augwa tǫ mu pedelali.

Josua 13:33

Tiali goli, Mosesgo te Livaigo hanibolo te tǫ me masiąwai. Agai augwalibolo te po wali, “God, te da Israel dabego Genuai Bidi, agade te dagego sę yaibao, tama tibaso te tǫ me badu dagego me sogobeo,” wali.

Josua 18:7

Tiali goli, te Livaigo hani da, te Genuai Bidigo pris sę ebo bage bidaibao, tama augwaligo te dagego tǫ sabo tiwai gilama te tǫ me sogobeo. Tama Gatgo hani me, Rubengo hani me, Manasego hani bage me badu me, augwali te wę Jordan te giliga pedalubo u badu te tǫ polobadu sai dao. Moses te Genuai Bidigo sę bidigo te tǫ augwali mani,” Josuago te po wai.