Josua 12:8 - Godigo dwagi yai po buku

⁸ Te mani tǫ da, te bulu du dabe elalubo tǫ, te dwasianu bulu du dabe, me te Jordan malu bulu me, tama te Jordan ąį pąde te dwasianu bulu du elalubo me, te olo kemi tǫ bulu elalubo madi me, te Negev bulu te dąį igi pai. Polobadu te Hit hani bage me, te Amor dabe me, te Kenan dabe me, te Peres dabe me, te Hivi dabe me, te Jebus dabe me, augwali tigidali te genuai tǫde bidaluai dao.

Josua 12:8 Iomraidhean Croise

Tigidali Nai Gagalama Nigali Side 10:17

Hivi, Arka, Sini,

Tigidali Nai Gagalama Nigali Side 12:9

Tama elama, bidama, tama nosali Abram te me mu pidubadi geanima, te giliga pabo bogo badu te moni tǫ pedai Negeb, te badu sabaligi pai.

Tigidali Nai Gagalama Nigali Side 13:7

Tama wado po te Lot de Abram augwa si hasa tonalubo sę ebo bidi dabe tomode pedelali. Te sogo te Kenan dabe me, te Peres dabe me tede bidalubadi dao.

Ma Dobola Sali 23:23

Eno sę ebo Ensel Mobo Bidi agai te dagego polasa pabo bidi pedelama, tama dage te Amor dabe, me te Hit dabe, me Peres, me te Kenan dabe, me te Hivi dabe, me te Jebus dabe, te hani augwaligo tǫba dage odasa pelama, tama eno augwali hani mu ela silaibao.

Ma Dobola Sali 3:8

Tama ena dulai dao, tama te augwali te Isip dabego nogode ma selama, tama augwali te genuai tǫ me deli te tǫ ili hauwa elalubo, te nai bugagia dwagi yai mu holobo tǫba odasa paibao. Te tǫde megi te Kenan bidi hani me, te Hit hani me, te Amor hani me, te Peres, me Hivi, me Jebus, te tama hani augwali te tǫde megi bidibo dao.

Bomai Po 7:1

Te Mosesgo po geninama weyu, te po wali, “God dago Genuai Bidigo dagebolo megi sainogo ebo te tǫba odasa paibao. Tama agai te bidi hani hauwa te tǫde bidibo bidi hani sela sąwaibao. Dage tǫba pabo sogo, agai te a naga olama si, te 7 bidi hani sela sąwaibao, te tǫde bidali bidi hani. Te bage augwaligo bomogo da, dagego bomo edelai bage dao. Te hani te Hit, me Girgas, me Amor, me Kenan, me Peres, me Hivi, me Jebus, te tama hani dao.

Bomai Po 9:1

Mosesgo te po wali, “Israel dabe, dagego odao. Tamadi tama, dage te Jordan wę nogelama, tama dagego te genuai hani bidigo tǫ sigi paibao. Augwaligo bomogo da, dagego bomo edelama elalubao. Augwaligo hanu genuai hauwa mu elaluyu, me augwaligo hanu masigigo nigai obo te ugwanu mu holama, te dagaluba usu nigi pai elalubao.

Josua 10:40

Tama elama, tama Josuago te tǫ tigidali badu te hwįanigo aiyaba elaluai. Agai te bulu dude bidali tuni bidi dabe me, te Negev dabe badu tuni bidi dabe me, te tǫ malude bidali tuni bidi dabe me, te bulu du pąde bidali tuni bidi dabe me, te agai augwali aiyaba elaluai. Agai bidi deli me sulama, gogola me tagalobeo. Agai tigidali ela muai. Agai te Israel dabego Genuai Bidi Godigo te agabolo wali po tiwai gilama yalio.

Josua 11:16

Josuago te tǫ tigidali pedai badu sai. Agai te bulu dude elaluali tigidali bulu me, te tigidali Negev hanu tǫ badu me, te tigidali Gosen bulu badu me, tama te dolo tǫ elaluali bulu me, te Jordan wę odogo bulu elaluali me, tama te malu tǫ bulu me, te nosali nogi yali te Israel dabego bulu du elaluali bulu me, te tigidali Josuago sela silai.

Josua 3:10

Megi da, dagego te dena God, te bidibo ula elalubo God, aga te da tomode elalubaso, tama agai te Kenan dabe me, te Hit bage dabe me, te Hivi dabe me, te Peres dabe me, te Girgas me, te Amor me, te Jebus dabe badi, te tama bidi hani dabe te Godigo bomogo sela sąbo te dagego koneaibao. Dagego te Godigo bomo bugagia sula selama, mu konemainu eyu,

Josua 9:1

Te Jordan wę sia ge dega sabo badu bidalubo tuni bidi dabe badi, te bulu dude bidalubo tuni bidi dabe badi, te malu bulu dolo bidibo tuni bidi dabego me, tama te nabis ąį sani Mediterenian te badu te Lebanon teba usu nigi pelama bidalubo, te tuni bidi dabe augwali tigidaligo te Israel dabego ebo sę dabe po odada pai. Te Hit tuni bidi dabego badi, te Amor dabe badi, te Kenan dabe badi, te Peres dabego me, te Hivi, me Jebus, te tama tǫde bidalubo tuni bidi dabego te po odai.

Te Israel Tobolu Bidi Dabe 1:9

Nosali augwali pelama, te Kenan bidi dabe te bulu dude me bulu odogode bidalubo bidi dabe dali hwįgi pali, tama augwaligo te bulu nogi Negev teba pelama, me hwįgi pai.