Josua 12:6 - Godigo dwagi yai po buku

⁶ Moses dali te Israel dabe augwaligo te boi hwįnama, te tuni bidi si aiyaba elaluai, polobadu. Tama Moses, te Genuai Bidigo sę bidigo, te augwa si tǫ te Rubengo hanibolo mobadi, te Gatgo hani me, te Manasego hani me badubolo mobadi yali.

Josua 12:6 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 4:19

Geber, te Urigo ogwago, te Gileat bulu tǫ pedai tonaluali. Polobadu te bulu tǫ te king Sihon te Amor dabe, me te king Ok te Basan bulu tǫ pedai, te king bidi sigo tǫ elaluali. Te tigidali bulu tǫ pedaide te polalubo kiap dabe tonalubo ofisa bidi me deli elaluai dao.

Israel Hanigo Namba 32:29

Mosesgo te po wali, “Te Gat hani bidi, me Ruben hani bidi dabe, augwaligo Genuai Bidigo po wali pelama, tama dage dali Jordan wę nogelama, tama boi bidi dabe dali hwįgi peyu da, teda usu dao, wiegi yai dao. Tama dagego te boi bidi dabe aiyaba elaluama, te bulu sobaso da, teda dagego te Gileat tǫ pedai me te bage augwalibolo menama, tama augwali tigidali sogo tede bidimainao.

Israel Hanigo Namba 32:32

Genuai Bidigo da tonalubadi, te wę Jordan nogelama, tama Kenan buluba boi hwįgi paibao. Tama nosali da te Jordan ąį giliga asobo bulu tǫde tede bidaibao, te wę e badu,” wali.

Israel Hanigo Namba 32:33

Tama tialima, Mosesgo te Sihongo tǫ sese magi yali, te Amor tuni bidigo tǫ, me te Basan tuni bidi Okgo tǫ me magi yali, te hanu dabe me tǫ dabe tama magi yali, me pąde elalua pabo bulu me. Tama agai te tǫ te Gat hani, me Ruben hani, me te Manase hani bugai, tama bage augwalibolo mani.

Josua 14:3

Tama polobadu Mosesgo te tǫ deli deli pedai badu te hani sibolo mayu, tama gasa Israel hani me badubolo mayu, te Jordan wę te giliga pedalubo badu mobadi yali. Te Josepgo hani wąį dabe te hani si bugali, Manase me Efraim. Tiali goli, Mosesgo te Livai hani dabebolo te tǫ me mabeo. Augwaligo te hanu meba naga sali. Tama te hanude te augwaligo bulmakau me sipsip dabe elaluali, te hanu dabe pąde nosai elalubo digi me augwaligo sali.

Josua 18:7

Tiali goli, te Livaigo hani da, te Genuai Bidigo pris sę ebo bage bidaibao, tama augwaligo te dagego tǫ sabo tiwai gilama te tǫ me sogobeo. Tama Gatgo hani me, Rubengo hani me, Manasego hani bage me badu me, augwali te wę Jordan te giliga pedalubo u badu te tǫ polobadu sai dao. Moses te Genuai Bidigo sę bidigo te tǫ augwali mani,” Josuago te po wai.

Josua 22:4

Megi te God, te dago Genuai Bidigo, te boi pilama wiegi yai pemene ebo sogo te dagego ama dabebolo mayu, te polobadu agai po dąų wali tiwai gilama yali. Tialima, dage te duga beba ma geasa pelama, te tǫ pedai te Jordan wę u badu, polobadu Moses, te Genuai Bidigo sę bidigo, te dagebolo mani.