Josua 12:4 - Godigo dwagi yai po buku

⁴ Tama te Israel dabe augwaligo te Basan hanu genuai tuni bidi Ok dali boi hwįnama, tama aga aiyaba elaluai. Aga te Refaimgo hani bidi. Polobadu te hani genuai elaluali, tama megi da te augwali dwasianu hani naga elalubo. Ok genuai tuni bidi te bulu Astarot, me Edrei, te bulu side bidai.

Josua 12:4 Iomraidhean Croise

Bomai Po 1:4

Te sę te Genuai Bidigo te Sihon, te Amor dabego tuni bidi, aiyaba elaluama, nosali te po pusubo sę pedelai dao. Tuni bidi Sihongo te hanu Hesbon tonaluai dao. Tama Genuai Bidigo te tuni bidi Ok aiyaba elaluai dao. Te Basan dabego tuni bidigo te hanu si tonaluai dao, te hanu Astarot, me hanu Edrei.

Josua 13:12

tama te Okgo tonalubo tǫ tigidali sobadi, te aga tuni bidi te Astarot me Edreide bidali sogo. Ok aga te Refaim bage me deli, tama aga te augwaligo sabi siminani dao. Mosesgo te boi hwįnama, te Refaim dabe augwali aiyaba elaluama, tama augwali ela gudulali.

Josua 13:31

Te tǫ sali te Gileat te badu me sali, tama te Astarot, me Edrei me sigi pali, te gavman bidi Okgo polobadu tonaluali hanu dabe da. Tama Mosesgo te tǫ dabe te Makirgo hani sibi dabe deli delibolo mani, te Manasego ogwa dao.