Josua 11:4 - Godigo dwagi yai po buku

⁴ Augwaligo te po odama, tama augwali te augwa ami bidi dabe tigidali augwali dali asai. Tama augwali te bidi hauwa umabo mu elaluali, augwaligo ami bidi dabe te nabis masigi sane usu tiwai. Tama augwaligo hwįbo nai hos me karis hauwa mu elaluai.

Josua 11:4 Iomraidhean Croise

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Tigidali Nai Gagalama Nigali Side 32:12

Ena tau mao. Nago naga dąų wali bomai po te ma homugo koneao. Polobadu nago te po wali, ‘Te eno nage bugagia tonaluaibao,’ wai. ‘Tama eno te nago wąį te wai dabe hauwa menama, tama te bidi dabego augwali nedebo usu me egobeo. Te augwali te węde te masigi sane tiwai pedelaibao,’ nago te po wali,” Jekopgo te po wai.

2 Samuel 17:11

“Tialima, eno homu da te tama tiwai, nago te Israel bulu tǫ pedai tigidali badu te tigidali bidi i olama, tama augwali sisinama, tama augwali umabo mu pedelama, te tamu ąį masigi kemi tiwai pedalumainu emainao. Tialima, te naga digi polasa peyu, tama dagego te Devit dali hwįgi piąo,” wai.

Te Israel me Juda Hani Sigo Tuni Bidigo Po Elalubo Buku Deli 4:20

Te Juda me Israel we bidi dabe augwali te genuai hani mu bidali, te nabisde te masigi kemi sane gisiga sąwai tiwai usu nama te tiwai yali. Augwali te bugagia bidiyu, tama augwa te nai me wę te elaluyu, tama augwa wiegi yai homu pemene eyu bidali.

Godigo Nogi Ugwaba Sabo Tęąbi Po Wabo Buku Dabe 20:8

Te we bidi dabe augwali tulaluama, tama mu hagawaibao. Tiali goli, da te hodalu, tama bomonama dolaluaibao.

Josua 11:5

Te tuni bidi dabego te augwa ami bidi dabe hauwa sisinama, tama augwali bidabo pesage te sigi ąį Meromde nigilama, te Israel dabe augwali dali hwįainogo yali.

Te Israel Tobolu Bidi Dabe 7:12

Te Midian dabe me te Amalek dabe me, tama te kemi tǫ masigi wa pai bulude bidalubo bidi hani me, augwali te tǫ malu bulude te genuai kuli mano hani tiwai te bulu odogode bidada pai. Tama augwali te boi hwįbo tau sabo kibu kamel dabe te hauwa umabo me te ąį sanede ebo masigi kemi tiwai elaluali.

1 Samuel 13:5

Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.