Josua 11:14 - Godigo dwagi yai po buku

¹⁴ Te Israel dabe augwaligo te hanude tigidali mone, me te tigidali bulmakau me selama, te augwa digi te augwa nai da olama, tolaluai. Tama augwaligo te bidi me deli sula tagalobeo. Te augwaligo tigidali ela silai dao.

Josua 11:14 Iomraidhean Croise

Tuni Bidi Dabego Po Elalubo Buku Si 20:25

Tama tialima, Jehosafat me aga ami dabe augwali te tigi dabe munalubo tomodu pali, tama augwaligo nai nai dabe hauwa me elalubo suali. Tama augwaligo tubo nai dabe siyu, wiegi yai ugwa dabe siyu, me augwaligo meba wiegi wiegi yai nai dabe sali. Augwaligo te nai dabe sidubadi sela sogoba mu usu nani. Magi baso meni, te doado bage nai dabe hauwa bage me elalubaso.

Israel Hanigo Namba 31:9

Te Israel dabe augwaligo te Midian dabego we wai, me augwaligo kau kibu, me sipsip kibu dabe selama, asali. Te meba wiegi yai nai dabe me tama sali.

Bomai Po 20:14

Tiali goli, dagego te hanude we dabe, me wai dabe, me kau kibu dabe, me te gasa meba nai dabe te hanude nai dabe sao. Tama dagego duga boi bidi dabego nai dabe selama, sabilagameo. Magi baso meni, Genuai Bidi aga digi te nai dabe dagebolo mawaibao.

Bomai Po 20:16

“Tiali goli, dagego te Genuai Bidi dago Godigo dabolo mu mawainogo ebo te bulude dagego te hanu me siyu da, teda dagego tigidali we bidi elama, mu silao.

Josua 10:40

Tama elama, tama Josuago te tǫ tigidali badu te hwįanigo aiyaba elaluai. Agai te bulu dude bidali tuni bidi dabe me, te Negev dabe badu tuni bidi dabe me, te tǫ malude bidali tuni bidi dabe me, te bulu du pąde bidali tuni bidi dabe me, te agai augwali aiyaba elaluai. Agai bidi deli me sulama, gogola me tagalobeo. Agai tigidali ela muai. Agai te Israel dabego Genuai Bidi Godigo te agabolo wali po tiwai gilama yalio.

Josua 11:11

Te Israel dabe augwaligo te Hasor hanude bidali bidi tigidali ela munama, tama deli me bidibeo. Tama augwaligo te hanu siago ulai dao.

Josua 11:13

Tiali goli, te Israel dabe augwaligo te bidi dabe augwaligo te dwasianu bulu dude nigali hanu te me siago ulubeo. Josuago te Hasor hanu naga siago ulai dao.

Josua 11:15

Hasia bolo Genuai Bidigo po te aga sę bidi Mosesbolo mawai. Tama Mosesgo te po dabe te Josuabolo menama, tama Josuago te po tigidali wali pai. Josuago tigidali sę yali, te Genuai Bidigo Godigo Mosesbolo wali po tiwai gilama tama tiai.

Josua 8:2

Nago te Ai hanude bidibo we bidi me, te augwa tuni bidi me, te mu silao, te nago Jeriko moni hanude te aga tuni bidi dabe dali silali tiwai gilama ilao. Tiali goli, te sogo dagego te tigidali bulmakau me, tama te bulude elalubo nai dabe tigidali sagameo. Megi dagego te hanuba hwįgi painu sisi elaluao. Hasia sogo bolo nago te ami bidi dabe meba tagala palama, te hanu tudi badu geme duala sigi pomainogo tagala palao,” wali.

Josua 8:27

Te Israel dabe augwaligo te bulmakau dabe, me te hanude elaluali doado bage dabe sali, te Genuai Bidigo Josuabolo wali po gilama tama tiai dao.