Josua 10:41 - Godigo dwagi yai po buku

⁴¹ Josuago te giliga bogo badu te Kades Barneade gagalasa, te Gasa te nabis pąba dąį elama bidali bage tigidali aiyaba elaluali, tama te Gosen tǫ elalubo badu tedu dąį elama, te Gibeon badu, te tǫ me bogo badu usu nigi pai dao.

Josua 10:41 Iomraidhean Croise

Tigidali Nai Gagalama Nigali Side 10:19

Tama Kenan dabe bidali tǫ dąį te Saidon tedu gagalama, tama pelama, te Gerar tǫba dąį igi pai, tama te Gasa nogi wabo tǫ te pedai badu me dąį igi pali. Tama sesegedu begelama, te Sodomba, me Gomora, me Atma, me Seboim, te hanu dabeba sabaligi palima, tama pelama, te tǫ Lasa teba sabaligi pai.

Te Israel me Juda Hani Sigo Tuni Bidigo Po Elalubo Buku Deli 3:5

Tama te hulide Solomon te Gibeonde godege piai madi, tama te nade te Genuai Bidi agaba pedelali. Tama Godigo te tiwai po wali, “Te nago mena nai godolo eyu, te enaba hanalu obaso da, tama teda eno nageba mawaibao,” po wali.

Sekaraia 9:5

Tama te Askelon we bidi dabe augwaligo te tiwai sę tede pedalubo dabe sulama tama augwali wi yali. Tama augwali me dolama, tama nosali augwaligo bulude te bidi dabe meni yai. Te gasa bulu bidi dabego me te genuai sęgę augwaliba pedalubo sulama, te augwaligo king bidi isaibao. Te Ekron bulu bidi dabego sulama, te sęgę tiwai augwali me saibao. Augwaligo homugo te Tair dabego augwali tau saiba homu yaibao. Tiali goli, menio. Te augwali mu hagawaibao.

Israel Hanigo Namba 32:8

Polobadu duga aya dabego tama tiai dao, te da te bulu Kades Barneade bidali sogo, tama eno augwali te tǫ sugi pomainu tagala palali sogo.

Israel Hanigo Namba 34:4

Tama te magi te saut badu polobadu te Akrabim bulu du badu pabo sunumi badu, te odogo te bulu du dabe tomodu soayu, te odogodu todogo soayu, Sen badu tama soayu, tama te bulu Kades Barneaba tama usu nigi paibao. Tama te dąį te Hasaradar badu begasa soayu, tama Asmon bulu usu nigi paibao.

Godigo Sęba Tagala Palai Bidigo Po 8:26

Te Godigo ensel bidi me deligo Filipbolo te po wai, “Nage sisi elama, te saut eba pedai badu soao, te Jerusalem pabo tų tagalama, te bulu nogi Gasa teba pabo tųba pao,” te po wai. Te pabo tų te kemi tǫ naga bega palai elalubo bulu da. Te sunumi te bidi meni yai badu elalubao. Tama tibaso, Filip aga sisi elama, polo pali.

Bomai Po 1:19

Mosesgo po geninama weyu, te po wali, “Dago te God dago Genuai Bidigo wali po wali pelama, tama dago Sainai bulu du taga solama, tama da te bulu me te mu dwai digi pai dao, te moni nai meni yai kemi sane buluba. Tama tedu peyu, da te Amor dabego bulu duba dabe sabolali. Da te bulu Kades Barnea sabolali sogo,

Bomai Po 2:23

Te tama tiali gilama, tama te ailan Krit hanigo te Av dabe ela silama, augwali tede bidibo gilama tiali. Augwaligo tǫ te genuai tamu wę Gasa pąba tama usu nigi pelama elaluali, te sautba polo badu. Tama te Krit dabego augwaligo tǫ selama, augwali tede bidali.)

Bomai Po 9:23

Me polobadu agai dagebolo te Kades Barneade agai dagebolo mawaibao wali te buluba bidigi piąo wai goli, dagego agai po sela sąwai dao. Tama dagego agai po mu dao olama, agai po wali me pai menio. Mu menio.

Josua 10:12

Tama te sogo te Genuai Bidigo te Israel dabe tau selama, tama augwaligo te Amor dabe aiyaba elaluai. Tama Josuago Genuai Bidi dali po miai. Tama te Israel dabe augwaligo gedude agai te po wai, “Giliga, nage te Gibeon hanu ugwadu dolaluao. Polua, nage te Aijalon bulu odogo ugwadu dolaluao.” Te po wai dao.

Josua 10:2

Tibaso, aga de te Jerusalem hanude bidali we bidi dabe dali, augwali si wi dwai mu yai, magi baso meni, te Gibeon hanu te genuai hanu elaluali, te gasa genuai tuni bidi elalubo hanu gagawai elaluai. Te genuai hanu digi mu te Ai hanu te aiyaba elaluai elaluali, tama tigidali bidi te hwįbo bomai bidi naga bidai. Tama tibaso, te Jerusalem bidi dabe te augwalide wi umabo mu yalio.

Josua 11:16

Josuago te tǫ tigidali pedai badu sai. Agai te bulu dude elaluali tigidali bulu me, te tigidali Negev hanu tǫ badu me, te tigidali Gosen bulu badu me, tama te dolo tǫ elaluali bulu me, te Jordan wę odogo bulu elaluali me, tama te malu tǫ bulu me, te nosali nogi yali te Israel dabego bulu du elaluali bulu me, te tigidali Josuago sela silai.

Josua 11:22

Te Anak dabe me dedeli te Israelde me bidibeo. Te dwasianu hani naga te Gasade me, Gatde me, te Asdot, tede bidaluai.

Josua 15:51

Gosen, Holon, Gilo, te tama hanu elaluai. Te 11 hanu dali, te augwali pąde elalubo dwasianu bulu dabe dali, te Juda dabego elaluai.

Te Israel Tobolu Bidi Dabe 16:1

Tialima, Samsongo te Lehi hanu tagalama, te Gasaba pai. Tama te Gasa bulude agai te penani we me deli sulama, tama aga te wego beba bidigi pali.

Te Israel Tobolu Bidi Dabe 16:21

Tialima, te Filistia dabego aga pageabi elama, tama agai gedu si guda sąwani. Tama augwaligo aga te Gasaba sela pelama, tama augwaligo aga te brasgo nigai sengo gebelali. Tama augwaligo aga te sia me wit te nai sę ebo be te kalabus be tomode agaga pabo sę emainu ilali.

1 Samuel 6:17

Te Filistia dabego te dili keni piksa golgo nigali a naga piksa noma te Genuai Bidiba tolali, te augwa dwai sę yali silimainu ebo ofa tiwai eyu tolalio. Te deli deli augwa hanu usu nama nigali, te Asdot, me Gasa, me Askelon, me Gat, me Ekron, te tama hanu taun dao.