Josua 10:4 - Godigo dwagi yai po buku

⁴ Agai te tiwai po wai, “Dagego te eno Gibeon hanu bidi dabe dali hwįbo te dage aselama, tau sagasao, magi baso meni, augwaligo te Josua de te Israel dabe dali sibolo te abagi olama, deliba bidainogo nogo mawai dao,” te po ola tolali.

Josua 10:4 Iomraidhean Croise

Matyu 16:24

Tama te sogo Jisas aga wali pabo bidi dabe augwalibolo te po wai, “Te ena wali niwai bidi me deli asainu da, aga tobade aga digi aga homu aiyaba elaluama, tama agaba asobo niwai sęgę bugagia tolalu ena wali asao.

Dwagi Yai Gesi Po Jongo Asęani 15:19

Tama dage e tǫde bidi mu tigi sogo da, teda tǫde we bidi augwaligo dage dali dwagi yai homu eyu, dage augwaligo hani da wagi da. Tiali goli dage e tǫde bidi menio. Eno dage saiba olama, sa muyu, dage ena bage dao wai dao. Tama dagego e tǫde kolesaga tagalai dao. Tama tibaso, tǫde we bidi augwaligo dage dali boi bidi yabo homu ebo dao.

Godigo Sęba Tagala Palai Bidigo Po 21:28

Tama augwaligo Pol te Jerusalem be nani tomode Efesus bidi deli dali bilibo polobadu suali, te bidi agai nogi Trofimus, te Israel hani isąwai bidi. Tama augwaligo homugo Polgo te odasa asali bidi Israel hani meni homu yali, aga te Moni Lotu Be tomoba asali, tama te be dolali, augwaligo te geda mubo homu yali. Tama sulama, augwaligo i tama wali, “Hai, dage Israel bidi dabe, asiąo, da tau sagasiąo. Dago koneani. Bidi me deli agai tigidali bulude bidibo we bidi dabebolo po ola mabo, te dago hani nogi me, dago bomo yai po me, dago Moni Lotu Be tempel me agai aiyaba elalubo da. Nogo tuyu, te tibo bidi e dao. Suiąo. Megi dagego aga suao. Agai dwai kolesaga mu yali, Israel hani isąwai bidi dago dwagi yai Moni Lotu Be tomoba odasa asalio. Te dwali. Tama tibaso, megi Pol agai dago Moni Lotu Be tempel dolalio, te be megi da te Godigo gedude dwagi yai mu menio,” augwaligo te po wali.

Polgo Si Wali Pas Timotiba Asęani - 2TI 3:12

Te mu po dao, tigidali bidi te Krais Jisas dali kęą selama, tama Godigo kolesaga wali pabo bidi, teda te boi bidi dabego dwai sę eyu, sęgę augwalibolo me mawaibao.

Jems 4:4

Dage te penani ebo we tiwai dao, te we aga bidi dali bidisiąyu, gasa bidi dali penani ebo tiwai dao. Niwai bidi agai e tǫde ebo kolesaga naga godolo eyu da, teda te bidi aga God dali boi bidi homu ebo dao. Te dagego konebewe? Tama tiyu, niwai bidi agai te tǫde kolesaga ebo bidi dabe dali abagi weyu, te bidigo aga digi te God dali boi bidi gagawai.

Josua 10:1

Te Adoni Sedek, te Jerusalem tuni bidigo, te Josuago te Ai hanu pedela selama, tama tigidali bidi dolama, tama Ai hanu tuni bidi ela mubadi yai, te agai te Jeriko hanude te aga tuni bidi dali yali sę tiwai gilama yali po odai. Tama agai odali, te Gibeon dabego te Israel dabe dali abagi si olama, nogo menama, tama augwali dali deli madi bidibo po odalio.

Josua 10:5

Te e tama a naga te moni hanu Amor tuni bidi dabe, augwali te Jerusalem hanu tuni bidi, me te Hebron, me Jarmut, me Lakis, me Eklon, te e tama a naga hanu dao. Tama te tuni bidi dabego te augwa ami bidi dabe sisinama, tama augwaligo te Gibeon hanu bobogela sigi pelama, tama augwaligo augwali dali hwįagasai.

Josua 9:15

Tialima, Josuago augwali nogo menama, tama te Israel dabego augwali munu me eligobeo po olama, te bomai po augwali dali dąų wai. Tama te Israel dabe genuai bidi dabego me te bomai po augwali dali dąų walio.

1 Pita 4:4

Tiali goli megi te dagego polobadu abagi dabe augwaligo dagede noma siyu bidibao. Dage augwali dali kisasa biliyu, tama bomo eyu, te haniani dwai dwai sę ela bilisąbaso, tama augwali noma siyu, dage dali te nogi posobo dwai po augwaligo wabo dao.

Kraisgo Geme Dualali Sę Pedelabo Po Jonbolo Ola Mani 16:14

Tama te dwai haubo noma bidi augwaligo te bidigo isiąwai sę te bidi noma sabo sę haniani mu ebo dao. Tama augwali te tigidali tǫba te tigidali tuni bidi bidibo digi pelama, te bidigo isiąwai bomo yai sę augwaligo sulama noma somainogo ebo dao. Augwaligo homugo te tuni bidi dabe augwali deliba sisinama, tama augwaligo te Tigidali Bomo Elalubo God dali hwįabo sogo asobo tonalumainogo yaibao.