Josua 10:37 - Godigo dwagi yai po buku

³⁷ tama te hanu sai. Tama augwaligo te tuni bidi eleyu, tama te Hebronde bidali we bidi dali tigidali elebadi, te gasa dwasianu hanu pąde bidaluali bidi dabe dali tigidali elalio. Tama Josuago te Hebron hanu tigidali mu dolali, te agai Eklon hanude yali tiwai gilama yai. Tama te hanu bidi me deli me bidai menio.

Josua 10:37 Iomraidhean Croise

Ma Dobola Sali 17:13

Tama Josua dali Israel dabe augwaligo te Amalek dabe augwali aiyaba elaluama, tama augwali mu dolai.

Josua 10:28

Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 10:35

Augwaligo te hanu te deli sogo bubugade naga salio. Tama Josuago te hanude bidali bidi tigidali ela muani, te agai Lakis hanude yali tiwai gilama yai.

Josua 10:36

Te silama nosali, Josua aga ami bidi dabe dali augwaligo te Eklon hanu tagalama, tama te Hebron hanuba pai. Tama augwaligo te Hebron hanude bidali bidi dabe dali hwįnama,

Josua 10:38

Nosali Josua aga ami bidi dabe dali augwali begelama, tama te Debirba pelama, tama augwaligo te Debir dabe dali hwįgi pai.

Josua 10:39

Augwaligo te hanu dali, te tuni bidi me siyu, tama te gasa pąde elalubo dwasianu hanu dabe me sai. Augwaligo tede bidali bidi dabe tigidali ela muai. Josuago te dedeli kolesaga tiwai naga te Debir hanude bidibo bidi dabebolo me te tuni bidi dali tiali, agai te Hebronde me te Lipna hanu side te augwa tuni bidi dabe dali yali kolesaga tiwai naga yai dao.

Josua 10:40

Tama elama, tama Josuago te tǫ tigidali badu te hwįanigo aiyaba elaluai. Agai te bulu dude bidali tuni bidi dabe me, te Negev dabe badu tuni bidi dabe me, te tǫ malude bidali tuni bidi dabe me, te bulu du pąde bidali tuni bidi dabe me, te agai augwali aiyaba elaluai. Agai bidi deli me sulama, gogola me tagalobeo. Agai tigidali ela muai. Agai te Israel dabego Genuai Bidi Godigo te agabolo wali po tiwai gilama yalio.

Josua 11:12

Josuago te tigidali tuni bidi pageabi elama, tama augwaligo hanu tigidali sai. Tama agai te bidi tigidali elibadi yali, te Genuai Bidigo sę yali bidi Mosesgo wali tiwai gilama yalio.