Josua 10:35 - Godigo dwagi yai po buku

³⁵ Augwaligo te hanu te deli sogo bubugade naga salio. Tama Josuago te hanude bidali bidi tigidali ela muani, te agai Lakis hanude yali tiwai gilama yai.

Josua 10:35 Iomraidhean Croise

Jopgo Po Asęani Elalubo Buku 19:10

Agai ena dolama, te bidigo be sese mu hųgibo tiwai yalio. Eno homugo tiali agai ena bugagia bidimainu tau saibao homu yai dao. Tiali goli, agai eno te homu sese sela sąyani, bidigo te sagane ni guda sąbo tiwai yai.

Pris Sę Ebo Bomai Po 26:44

Tiali goli, dage te boi bidi dabego tǫ kantride bidibo sogo, te dage mu tagalisąma, te eno dage tigidali mu me dologobeo. Mu menio. Eno te tiwai egi sogo da, teda eno dage dali te dąų wali bomai po kontrak dąų wali, te siligi da. Tiali goli, ena God, duga Genuai Bidi, eno te tama tiwai kolesaga me egobeo.

Josua 10:34

Te silama nosali, Josua aga ami bidi dabe dali augwaligo te hanu Lakis tagalama, tama te hanu me nogi Eklonba pai. Augwaligo te hanu bagulama, tama augwaligo te Eklon dabe augwali dali hwįanio.

Josua 10:36

Te silama nosali, Josua aga ami bidi dabe dali augwaligo te Eklon hanu tagalama, tama te Hebron hanuba pai. Tama augwaligo te Hebron hanude bidali bidi dabe dali hwįnama,

Josua 10:37

tama te hanu sai. Tama augwaligo te tuni bidi eleyu, tama te Hebronde bidali we bidi dali tigidali elebadi, te gasa dwasianu hanu pąde bidaluali bidi dabe dali tigidali elalio. Tama Josuago te Hebron hanu tigidali mu dolali, te agai Eklon hanude yali tiwai gilama yai. Tama te hanu bidi me deli me bidai menio.