Josua 10:33 - Godigo dwagi yai po buku

³³ Te Horam, te Geser hanu tuni bidi, aga aselama, te Lakis hanu bidi dabe tau sagasai. Tiali goli, Josuago aga me, te aga hani bidi dabe dali, te hwįanigo augwali aiyaba elaluai. Tama Josuago augwali me deli bidimainu me gogola tagalobeo.

Josua 10:33 Iomraidhean Croise

2 Samuel 5:25

Tialima, Devitgo te Genuai Bidigo po odama, tama te Israel dabego te Filistia dabe pobeasa pelama, tama augwali dolali, te Geba taunde gagalasa pali, te Geser taunba usu nigi palio.

Tuni Bidi Dabego Po Elalubo Buku Deli 20:4

Tialima te Filistia dabe dali Israel dabe dali si tomode te boi dala sai, te Geser taun pąde da. Te Israel me deli, te aga nogi Sibekai te Husa bulu bidigo, agai te moni dobo dwai bidi dabede te bidi me deli ela muani, aga nogi Sipai. Tama te Israel dabe augwaligo te Filistia dabe aiyaba elaluai dao.

Tuni Bidi Dabego Po Elalubo Buku Deli 6:67

Sekem te elaluali taun dabede te taun me deli da, tama te Efraimgo bulu du badu elaluai. Te taun Sekem te Israel dabego dąį ilali te bidi elali wi pabo bidi te taunba geme duala sigibu yali taun me deli da. Te gasa taun dabe nogi e tiwai elalubao, Geser,

Josua 10:32

Genuai Bidigo te Israel dabe augwali tau selama, tama te si sogo wabode augwaligo te boi bidi dabe aiyaba elaluali. Tama Josuago me deli sula me tagalobeo. Agai tigidali bidi ela muai, agai te Lipna hanude yali tiwai gilama yalio.

Josua 10:34

Te silama nosali, Josua aga ami bidi dabe dali augwaligo te hanu Lakis tagalama, tama te hanu me nogi Eklonba pai. Augwaligo te hanu bagulama, tama augwaligo te Eklon dabe augwali dali hwįanio.

Josua 12:12

Eklon, Geser,

Josua 16:10

Tiali goli, augwaligo te Geserde bidali te Kenan bidi dabe te augwali me ela gudulubeo. Tama te Kenan dabe te Efraim dabe tomode bidaluali. Tama te Efraim dabego te Kenan dabe te augwaligo olo sę ebo bidi tiwai sę emainu yalio.

Josua 16:3

Nosali te dąį pali, te giliga dega sigi pabo teba pedelama, te Japlet dabe bidiboba sabolali, tama pelama, te Bethoron elalubo te aiyadu te dąį igi pai. Tama tedu te dąį palima, Geserba pelama, tama te Mediterenian Tamu Ąį te pedaligi pali.

Josua 21:21

Te bidi dabego te hanu me si me si augwali mani. Sekemde, te bulmakaugo tuabo nosai wiegi yai elaluali te Efraimgo bulu dude, te bidi elali bidi dabe geme wi duala sigi pabo hanu elaluali, me Geser,

Te Israel Tobolu Bidi Dabe 1:29

Tama Efraimgo hanigo te Kenan we bidi te Geser hanude bidali te augwali me ela gudulisiąwai. Tama te Kenan we bidi augwali dali tede me bidaluai.