Josua 10:30 - Godigo dwagi yai po buku

³⁰ Tama Genuai Bidigo te Israel dabe augwali tau selama, tama augwaligo te boi bidi dabe augwali aiyaba elaluama, tama te hanu selama, te hanude bidali tuni bidi me pageabi yai. Tama Josuago te hanude bidali bidi tigidali ela silama, tama deli digi me bidibeo. Agai te tuni bidibolo te Jeriko tuni bidibolo yali kolesaga tiwai naga yai dao.

Josua 10:30 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 10:11

Tama tialima, nosali Jehugo te Ahapgo hani te Jesril taunde bidali deli hani te Jehugo ela silali. Me te aga sę ebo gavman bidi me, me aga dwagi yai hai namu me, tama me te pris bidi dabe me, tama te bage augwali tigidali te Jehugo augwali me deli me bidibo sula tagalobe. Mu meni.

Israel Hanigo Namba 32:22

tama augwaligo tǫ saibao. Te tama tilama, nosali dage ma asagameo. Magi baso meni. Dagego Genuai Bidigo dage mani sę silama, me dagego duga abagi dabe polo tau sela silali dao. Tama tibaso da, Genuai Bidigo dagego te Jordan wę giliga asobo badu elalubo tǫ sobaso, te usu dao po waibao,” wali.

Bomai Po 2:33

Tiali goli, God dago Genuai Bidigo te bidi aga ogwa dabe, me aga hani sese tama, dago aiyaba elaluama tama dago augwali ela silimainu ilai dao.

Bomai Po 7:2

Te God dago Genuai Bidigo dagego augwali aiyaba elalumainogo ebo si da, teda dagego augwali ela mu silao. Dagego augwali dali abagi olama, tama augwali hobede me eyu elamuo.

Josua 10:28

Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 10:29

Te silama nosali, Josua aga ami bidi dabe dali augwaligo te Makeda hanu tagalama, te Lipna hanuba pelama, tama augwaligo te hanude bidibo bidi dabe augwali dali hwįgi palio.

Josua 10:31

Te silama nosali, Josua aga ami dabe dali augwaligo te Lipna hanu tagalama, tama te Lakis hanuba pali. Augwaligo te hanu bobegelama, tama augwaligo te Lakis hanu bidi dabe dali hwįanio.

Josua 11:12

Josuago te tigidali tuni bidi pageabi elama, tama augwaligo hanu tigidali sai. Tama agai te bidi tigidali elibadi yali, te Genuai Bidigo sę yali bidi Mosesgo wali tiwai gilama yalio.

Josua 12:15

Lipna, Adulam,

Josua 8:24

Te Israel dabe augwaligo te augwa boi bidi dabe tigidali te augwali pobeasa asali, te kemi tǫ bulude ela silai. Nosali augwali te Ai hanuba ma pelama, tama augwaligo te hanu tomode bidali we bidi tigidali ela muai.

Josua 8:29

Tama Josuago te Ai tuni bidi te ni me delide walama, tama aga elalubadi te be pio igi pai. Tama pio Josuago po olama, tama te bidi dabego te tigi aiyaba sela dulama, tama augwaligo te hanu tomoba pabo genuai sunumiba sąwai. Tama augwaligo masigi hauwa aga tigi daiba ugwadu pesage holai. Te masigi pesage holali te e po asębo sogo me elalubo dao.

Josua 9:3

Tama te Gibeon bulu bidi dabego me te Josuago te Jeriko de Ai hanu side yali sę po odama,