Josua 10:29 - Godigo dwagi yai po buku

²⁹ Te silama nosali, Josua aga ami bidi dabe dali augwaligo te Makeda hanu tagalama, te Lipna hanuba pelama, tama augwaligo te hanude bidibo bidi dabe augwali dali hwįgi palio.

Josua 10:29 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 19:8

Te Asiria bulu bidi gavman ofisa bidigo e tama po odali, te king Senakerip te Lakis taun tagalama pali po odali. Tibaso, te ofisa bidi aga te Jerusalem bulu tagalama, tama aga ma begasa pelama, tama te bidi pali page koneainu kegegi pai, kingo te taun Lipna hani dali boi hwįgi pobaso, tama agai aga teba sugi pali.

Te Israel me Juda Hani Sigo Tuni Bidigo Po Elalubo Buku Si 8:22

Tama tialima, te Juda dabe augwaligo te Idom hani aiyaba me elalube, tama tialima, te Idom hani augwa digi augwa bulu tonalu bidali, tama bidada asu, megi tama te po asębo bodoluba usu nagasali. Tama te tibo bodolu sogo te Lipna hanude bidibo we bidigo me te po sela sąbo kolesaga eyu, te hagoma yali, tama augwali te Juda hani dologode munu me bidibeo.

Tuni Bidi Dabego Po Elalubo Buku Si 21:10

Tiali goli Juda dabego Idom dabe aiyaba elalubeo, tama te Idom dabego augwa digi augwali kantri tonaluali, te augwaligo augwa digi tonalubo sę megi tama me ebao. Tama te sogo naga te taun Lipna hanigo we bidi me po sela sąnama tobolu tali nigali, tama augwali Juda dabe dologode munu me ma bidibeo. Te po page e dao. Jehoramgo aga Genuai Bidi aga wąį dabego Godiba tudi ola mani.

Aisaia 37:8

Te Asiria ami ofisa bidigo po odali, te king Senakeripgo te taun Lakis taga pali po odali. Tialima, te ami ofisago te Jerusalem taga peyu, ma begasa pelama, tama te king te taun Lipnade boi hwįdubadi suali, tama aga pelama, aga sugi palio.

Jeremaia 52:1

Te Sedekaia Juda king pedelali sogo, agai kibu be te 21 yia elalubadi, tama aga te Jerusalem king bidali te kibu be 11 kibu be bidai. Aga ida, te Hamutal, te gasa Jeremaiago wegi, aga te Lipna taun we me deli dao.

Josua 10:28

Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 10:30

Tama Genuai Bidigo te Israel dabe augwali tau selama, tama augwaligo te boi bidi dabe augwali aiyaba elaluama, tama te hanu selama, te hanude bidali tuni bidi me pageabi yai. Tama Josuago te hanude bidali bidi tigidali ela silama, tama deli digi me bidibeo. Agai te tuni bidibolo te Jeriko tuni bidibolo yali kolesaga tiwai naga yai dao.

Josua 12:15

Lipna, Adulam,

Josua 15:42

Te e tama hanu dabe me elaluali, Lipna, Eter, Asan,

Josua 21:13

Augwaligo te hanu dabe te pris Arongo wąį dabebolo mani. Te Hebron, te bidi dabe geme duala wi sigi pabo hanu da, me Lipna,

Josua 6:21

Augwaligo te tigidali we bidi me, te gesi we bidi me, te monu dabe, mosi dabe me, te bulmakau dabe me, sipsip, donki me, te nai dabe dali augwaligo te moni hwą bainatgo ela silai.

Josua 8:2

Nago te Ai hanude bidibo we bidi me, te augwa tuni bidi me, te mu silao, te nago Jeriko moni hanude te aga tuni bidi dabe dali silali tiwai gilama ilao. Tiali goli, te sogo dagego te tigidali bulmakau me, tama te bulude elalubo nai dabe tigidali sagameo. Megi dagego te hanuba hwįgi painu sisi elaluao. Hasia sogo bolo nago te ami bidi dabe meba tagala palama, te hanu tudi badu geme duala sigi pomainogo tagala palao,” wali.

Josua 8:29

Tama Josuago te Ai tuni bidi te ni me delide walama, tama aga elalubadi te be pio igi pai. Tama pio Josuago po olama, tama te bidi dabego te tigi aiyaba sela dulama, tama augwaligo te hanu tomoba pabo genuai sunumiba sąwai. Tama augwaligo masigi hauwa aga tigi daiba ugwadu pesage holai. Te masigi pesage holali te e po asębo sogo me elalubo dao.