Josua 10:28 - Godigo dwagi yai po buku

²⁸ Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 10:28 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Dwagi Yai Gesi Po Lukgo Asęani 19:27

Tama eno boi bidi odasa asao. Augwali ena dologode bidibo hagelabo wali. Tama te bage odasa asao, eno gabidide hwągo ela muao,’ te genuai bidigo te po wali,” Jisasgo te po wai dao.

1 Korin 15:25

Magi baso meni, Krais te tuni bidi bidimainu eyu, tama bidada pidubadi tama Godigo te boi bidi tigidali augwali aiyaba elaluama siligi pabo si usu nigi paibao.

Bomai Po 2:34

Tama te sogo tama dago agai tǫ selama, tama dago agai hanu sese tama dolama tagalai dao. Tama dago te bidi sese tama ela siliyu, me dago augwaligo we wai dabe sese tama ela silai dao. Dago te bage me bidibadi me sulama tagalai menio.

Bomai Po 7:16

Dagego te tigidali bidi hani dabe mu tama ela siliąo, te God dago Genuai Bidigo dagebolo dagego nogoba mabo, te bidi hani dabe. Tama dagego augwali hobede me elamuo. Me augwaligo tibo godiba lotu wabo te habu mu dao. Ma, dagego augwaliba lotu po wali da, teda dage tuloluaibao,” Mosesgo te po wai.

Bomai Po 7:2

Te God dago Genuai Bidigo dagego augwali aiyaba elalumainogo ebo si da, teda dagego augwali ela mu silao. Dagego augwali dali abagi olama, tama augwali hobede me eyu elamuo.

Josua 10:30

Tama Genuai Bidigo te Israel dabe augwali tau selama, tama augwaligo te boi bidi dabe augwali aiyaba elaluama, tama te hanu selama, te hanude bidali tuni bidi me pageabi yai. Tama Josuago te hanude bidali bidi tigidali ela silama, tama deli digi me bidibeo. Agai te tuni bidibolo te Jeriko tuni bidibolo yali kolesaga tiwai naga yai dao.

Josua 10:32

Genuai Bidigo te Israel dabe augwali tau selama, tama te si sogo wabode augwaligo te boi bidi dabe aiyaba elaluali. Tama Josuago me deli sula me tagalobeo. Agai tigidali bidi ela muai, agai te Lipna hanude yali tiwai gilama yalio.

Josua 10:35

Augwaligo te hanu te deli sogo bubugade naga salio. Tama Josuago te hanude bidali bidi tigidali ela muani, te agai Lakis hanude yali tiwai gilama yai.

Josua 10:37

tama te hanu sai. Tama augwaligo te tuni bidi eleyu, tama te Hebronde bidali we bidi dali tigidali elebadi, te gasa dwasianu hanu pąde bidaluali bidi dabe dali tigidali elalio. Tama Josuago te Hebron hanu tigidali mu dolali, te agai Eklon hanude yali tiwai gilama yai. Tama te hanu bidi me deli me bidai menio.

Josua 10:39

Augwaligo te hanu dali, te tuni bidi me siyu, tama te gasa pąde elalubo dwasianu hanu dabe me sai. Augwaligo tede bidali bidi dabe tigidali ela muai. Josuago te dedeli kolesaga tiwai naga te Debir hanude bidibo bidi dabebolo me te tuni bidi dali tiali, agai te Hebronde me te Lipna hanu side te augwa tuni bidi dabe dali yali kolesaga tiwai naga yai dao.

Josua 12:15

Lipna, Adulam,

Josua 12:16

Makeda, Betel,

Josua 15:41

Gederot, Betdagon, Nama, Makeda. Te 16 tama hani dali, te pąde elalubo dwasianu bulu dabe dali, te Juda dabego elaluali.

Josua 6:21

Augwaligo te tigidali we bidi me, te gesi we bidi me, te monu dabe, mosi dabe me, te bulmakau dabe me, sipsip, donki me, te nai dabe dali augwaligo te moni hwą bainatgo ela silai.

Josua 8:2

Nago te Ai hanude bidibo we bidi me, te augwa tuni bidi me, te mu silao, te nago Jeriko moni hanude te aga tuni bidi dabe dali silali tiwai gilama ilao. Tiali goli, te sogo dagego te tigidali bulmakau me, tama te bulude elalubo nai dabe tigidali sagameo. Megi dagego te hanuba hwįgi painu sisi elaluao. Hasia sogo bolo nago te ami bidi dabe meba tagala palama, te hanu tudi badu geme duala sigi pomainogo tagala palao,” wali.

Josua 9:3

Tama te Gibeon bulu bidi dabego me te Josuago te Jeriko de Ai hanu side yali sę po odama,