Josua 10:21 - Godigo dwagi yai po buku

²¹ Nosali Josuago ami bidi dabe tigidali augwali te Makedaba ma geasa asai. Te me dedeli me dolobeo. Tama tibaso, mena bidi me deligo te dwai posobo po te Israel dabebolo me wainogo ebo usu me isiąwai dao.

Josua 10:21 Iomraidhean Croise

Ma Dobola Sali 11:7

Tiali goli, eno dwai sę deli me te Israel we bidi augwali dali, me te augwaligo bulmakau nai dabe dali, dwai sę me egobeo,’ Genuai Bidi Yawego te po wai. Tama nago koneama, aga da te Genuai Bidi Yawe da, te homu emainogo yai, agai te deli tigi tiwai kolesaga te Israel bage dali ebe, te dage Isip dabe dali ebo kolesaga tiwai ebo menio.”

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Aisaia 57:4

Dagego po dwai deba wali, dage te hagoma ebo bidi dabe, me te po geagano pabo bidi, me tibo po wabo bidi te augwaligo wai dabe dawe? Dagego gesabidi dwai eyu, te dagego hąę hąę elama, deba wabo dawe?

Josua 10:20

Tialima, Josuago me te Israel dabe augwaligo dali te boi bidi dabe tigidali pąde ela silainu yai. Tiali goli, meba wi peyu, te augwa hanu tomoba geme duala sigi palio, te hanu te genuai bomai obo elaluali.

Josua 10:22

Nosali Josuago po ma wali, “Te masigi ola be paliali po dala sąnama, tama te a naga tuni bidi te ena bidiboba odasa asao,” te po wai.