Josua 10:12 - Godigo dwagi yai po buku

¹² Tama te sogo te Genuai Bidigo te Israel dabe tau selama, tama augwaligo te Amor dabe aiyaba elaluai. Tama Josuago Genuai Bidi dali po miai. Tama te Israel dabe augwaligo gedude agai te po wai, “Giliga, nage te Gibeon hanu ugwadu dolaluao. Polua, nage te Aijalon bulu odogo ugwadu dolaluao.” Te po wai dao.

Josua 10:12 Iomraidhean Croise

2 Samuel 2:12

Apner dali te Isbosetgo ami dabe hogodama, augwa te Mahanaim taun taga soyu, tama te Gibeon taunba sabolali.

Te Israel me Juda Hani Sigo Tuni Bidigo Po Elalubo Buku Si 20:10

Tama te king Hesekiago e tama po wali, “Te tama tibo te usu dao, te giligago te togobili noma polo selasa peyu, te nogo si dąį usu nigi pabo te bomai sę meni. Tama tialima, eno homugo me te togobili noma aga polo tama ma begasa peyu, te nogo si dąįba usu nigi pabo tama emainao,” wali.

Te Israel me Juda Hani Sigo Tuni Bidigo Po Elalubo Buku Si 20:11

Tama tialima, te profet bidi Aisaiago te Genuai Bidi God dolo bomonama mu wali, tama te Genuai Bidi Godigo te togobili noma te giligago polo ma selasama, ma geasa peyu, te nogo si dąįba polo usu nigi pali. Te togobili te polobadu king Ahasgo nigai togobili dao.

Te Israel me Juda Hani Sigo Tuni Bidigo Po Elalubo Buku Si 20:9

Tama te profet bidi Aisaiago agabolo e tama po ola mani, “Genuai Bidigo e tama dąį nagebolo ola mawaibao. Nago te tama dąį sulama, koneagameo. Dago te be posobode te giliga ge soabo me nedebo togobilide suao. Nago homugo te giligago te togobiligo noma polo selasa peyu, te nogo si dąįba usu nigi pabo si, ma nago homugo te togobilide te noma polo ma geasa peyu, te nogo si dąįba usu nigi pabo si?”

Tuni Bidi Dabego Po Elalubo Buku Deli 8:13

Te Elpalgo gasa ogwa si te Beria me Sema augwali sigo hani bidi dabe augwali te taun Aijalonde bidalio. Augwali si te hanide tobolu bidi bidali, tama augwaligo te taun Getde bidali hani we bidi dabe augwali sela sąwai dao.

Tuni Bidi Dabego Po Elalubo Buku Si 11:10

me Sora, me Aijalon, me Hebron dao. Te tama taun dabe te Juda hanigo tǫde me Benjamin hani dabego tǫde elaluali.

Jopgo Po Asęani Elalubo Buku 9:7

Agai po wabo goli, tama giliga agai po wali pode pedalugobeo. Tama aga hǫ dabego ula paliama, dago ula me sugobeo.

Godigo Nogi Ugwaba Sabo Tęąbi Po Wabo Buku Dabe 148:3

Giliga me polua, dage sigo me te aga nogi ugwaba sao. Tama te ula mu ebo hǫ tigidaligo te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 19:4

Tiali goli, ulade me, hulide me, te nai dabego da tigidali tǫde we bidi te Godigo bomo dali, genuai nogi dali si ola mabo dao. Tama augwaligo po tigidali buluba pelama, usu mu ebo dao. Tama dagalude Godigo giligago ugwa be me deli sę yai tiwai elalubao.

Godigo Nogi Ugwaba Sabo Tęąbi Po Wabo Buku Dabe 74:16

Nago te be posobo me be hulibo nigali, tama nago te giliga me polua te ugwadu muai elalubao.

Aisaia 28:21

Genuai Bidi aga bomo dali hogodasa asaibao, te agai polobadu te bulu du Perasimde, me te Gibeongo odogo malu bulude yali tiwai yaibao. Tama agai yainu yali sę agai yaibao. Tiali goli, dagego te sę ebo sulama, tama dagego te gasagi yai mu da, te homu yaibao.

Aisaia 38:8

Te dąį ilibo te tiwai yaibao. Nago suali, te togobili polobadu te king Ahasgo nigali, te togobili dagego te be posali ulade te aua nedebo togobili elalubao. Te eno giliga noma bidi te togobilide te asesa polo nogo si dąįba begasa somainu ilaibao,” wali. Tama tibaso, te giliga nomago te polo asesa begasa ma pomainu ilama, te dąį nogo siba usu nigi pali.

Aisaia 60:20

Nago te giliga me polua iba dega sigi pelama, te be hulia siyu ebo me pedalugobeo, magi baso meni, ena Genuai Bidi, sesemane sogo ena te nago ula tiwai elalueibao. Tama nago sęgę dali homu dene ebo sogo me tigidali silaibao.

Jeremaia 28:1

Te kibu be me si me si wabo te Sedekaia te Juda king bidali, tama te kibu be te polua a naga wabode, te taun Gibeon bidi me deli, aga te profet Hanania, te Asurgo ogwa, aga te Genuai Bidigo beba asama, tama po me deli te Jeremaiabolo me, te pris dabeba me te we bidi dabego gedude pusalio. Agai te tiwai tama po wai,

Amos 2:9

Tama Genuai Bidigo te po me obao, “Dage Israel bage, eno we bidi dabe, eno digi dage tau sabo homu elama, eno te Amor dabe dolali. Te hani bidi dabe augwali te bobobage mu, te bobobage ni tiwai elama, augwa bomo te ni kaligo bomo tiwai yai goli, tama eno te Amor dabe mu silai dao.

Amos 8:9

Te sogode eno te giliga tomo yagasu, te nai tubo belo dolo ebo side te giliga iba dega sigulubo tiwai ilama, te be hulia sabogo te giliga tomo elalubadi mu halueibao. Ena God, Genuai Bidi, eno te tama po obao.

Habakuk 2:20

Tiali goli, Genuai Bidigo te tiwai egobeo. Aga te aga be tomode bidibao, tama dage tigidali tǫde we bidi, dage aga pąba aselama, te dage pedauwali pania selama, bidao.

Habakuk 3:11

Te nago ene dabe enama, augwali polo pabo side te gegemani eyu, ula mu ebo dao, tama giliga de polua si te dagalude bilisiąbadi, osogo olo dolaluali.

Sekaraia 2:13

Genuai Bidi aga bulu mu tagalama, tama aga daba asaibao. Tialima, da tigidali tǫ pedaide bidibo we bidi pedauwali pani selama tama tonaluinao.

Bomai Po 17:3

Teda agai Godigo bomai po sela sąnama, tama agai te tibo godiba lotu po waibao, te giligaba lotu weyu, o te poluaba lotu weyu, o te hǫba lotu weyu yaibao, tama agai te nai dabe wali peyu tiaibao.

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.

Josua 10:13

Tama te po obaso, te giliga ge dolalubadi, tama polua aiyaba me dulisąbadi, te Israel dabego te boi bidi dabe aiyaba elalubo siba usu nai. Giliga ge te polo me dega sigi pabeo. Aga te dagalude dolaludubadi, te deli sogo bubuga te tiwai usu nai. Tama augwaligo te sę yali po te Doloba Pai Bidi Dabede Po Wabo Bukude asęai dao.

Josua 19:42

Salabin, Aijalon, Itla,

Josua 21:24

me Aijalon, me Gatrimon dali, te wiegi yai nosai te bulmakau dabego tuabo nosai tǫ dali elaluali.

Te Israel Tobolu Bidi Dabe 12:12

Tama aga isibaso, te augwaligo aga te Aijalonde pubulali, te Sebulun hanigo hanu tǫde dao.

Te Israel Tobolu Bidi Dabe 5:20

Te dagalude hǫ dabego me hwįani. Augwaligo te augwa sunumi ogwade wali biliyu, tama augwaligo Sisera dali hwįani.

1 Samuel 12:18

Tialima, Samuelgo gedu haluasa po wali, te sogo bubugade naga Genuai Bidigo te dagalude pǫ kulukulu omainu ilama, tama tulubage tulali. Te bidi dabego sulama, tama augwali te Genuai Bidiba me Samuel dali me te wi dwai mu yalio.

1 Samuel 14:31

Te sogode te Israel dabego te Filistia dabe dali hwįani, te Mikmas bulude gagalama, tama pelama, te taun Aijalonba usu nigi pali. Tama tiyu, te Israel dabe nasi mu dwai eyu, tama bomo meni yai.