Josua 10:10 - Godigo dwagi yai po buku

¹⁰ Te Amor dabego te Israel ami bidi dabe asobo sulama, tama Genuai Bidigo augwali wi ilama, tama augwali homu kolesaga umuna palai. Tama te Israel dabe augwaligo te Amor dabe augwali te Gibeon hanude dolobo sę ilama, tama augwaligo augwali pobeasa duluyu, te bulu du bagua sali te Bethoron teba dulai. Augwaligo te Amor dabe dolobo sę ela pidubadi, te Aseka te bogo badu usu nama, te Makeda teba dąį iligi pai.

Josua 10:10 Iomraidhean Croise

2 Samuel 22:15

Agai te pǫgo ula be sele te aga ene tiwai pedelali, tama agai te boi bidi dabe enebaso, tama augwa wi tedela pai dao.

Te Israel me Juda Hani Sigo Tuni Bidigo Po Elalubo Buku Deli 9:17

Tama nosali Solomongo te hanu Geser ma nigai. Tama agai te Bethoron Aiyadu te hanu me,

Tuni Bidi Dabego Po Elalubo Buku Si 14:12

Asago gedu haluasa po ola silama, tama aga ami bidi dabe dali augwali Sudan dabe dali boi hwįgi pali. Tama Genuai Bidigo Sudan dabe aiyaba elalubaso, te Sudan dabe augwali wi pali.

Tuni Bidi Dabego Po Elalubo Buku Si 25:13

Tama te Amasia aga ami bidi dabe dali augwali te Idomba hwįgi pali sogo, te Israel dabe ami bidi te Amasiago augwali ma tagala palali, te ami bidi dabe augwali ma aselama, Juda dabego taun dabeba hwįagasali. Te taun Samariadu gagalama, te taun Bethoronba usu nigi pali. Tama augwaligo 3,000 we bidi ela munama, tama augwaligo te taun dabede wiegi yai nai dabe hauwa mu sali, tama augwa sela pali.

Godigo Nogi Ugwaba Sabo Tęąbi Po Wabo Buku Dabe 18:14

Agai te be selego te bidi dabeba ula enani, te bidigo te boi bidi dabe te enego enebo tiwai ebaso.

Godigo Nogi Ugwaba Sabo Tęąbi Po Wabo Buku Dabe 44:3

Te wąį nǫų dabego hwįani, tiali goli augwaligo te tǫ te hwįnama me sabeo. Te augwa digi augwa bomogo te hwįbo tau selama, te boi bidi aiyaba me elalubeo. Menio. Nago augwali wei mu yali, tama tiyu, nage augwali dali bidiyu, tama augwaliba ula mani. Tama nago bomogo digi te boi bidi aiyaba elaluai dao.

Godigo Nogi Ugwaba Sabo Tęąbi Po Wabo Buku Dabe 68:14

Te Tigidali Bomo Elalubo Godigo agai te king dabe te Salmon bulude sela sąnama, wi pelawali sogo, teda agai te talua ge ais tulubage te bulu duba tulumainu yai dao.

Godigo Nogi Ugwaba Sabo Tęąbi Po Wabo Buku Dabe 78:55

Agai te gasa hani dabe te aga hani dabe asobo si, te augwali sela sąwani. Tama agai te tǫ te Israel hani dabeba doba yali. Tama agai augwali te augwa ugwa be dabede bugagia bidimainu yai dao.

Aisaia 28:21

Genuai Bidi aga bomo dali hogodasa asaibao, te agai polobadu te bulu du Perasimde, me te Gibeongo odogo malu bulude yali tiwai yaibao. Tama agai yainu yali sę agai yaibao. Tiali goli, dagego te sę ebo sulama, tama dagego te gasagi yai mu da, te homu yaibao.

Aisaia 30:30

Genuai Bidigo bomonama mu hae olama, tama agai bomonama i hae wabo aga we bidi tigidaligo odama, augwaligo agai sębę ebo mobo augwaligo tigide dolomainu yaibao. Aga te moni bomai isi te tigidali nai dabe dabo isi, me moni genuai tulubage, me wali, me talua ge tulubage dali, tama aga asaibao. Tama te be kulu obaso, te tigidali we bidigo agai sębę ebo sueibao.

Jeremaia 34:7

Te sogo te Babilon kingo ami bidi dabego te Jerusalemba hwįagasobo sę elama, te taun Lakis me Aseka taun side hwįani. Te boi bidi dabego te tǫ kantri Judade te tigidali gasa taun te bomai obo elaluali te salio, tama te taun sela naga elaluai dao, te Jerusalem, me Lakis, me Aseka, te taun dabe.

Sekaraia 14:3

Tama Genuai Bidigo te bulu tǫ kantriba boi hwįgi paibao, te agai hwįbo sogo te ebo kolesaga tiwaigo te boi hwįaibao wali.

Bomai Po 7:23

Genuai Bidigo dagego duga boi bidi dabe aiyaba elaluama, dolomainogo sula tagalaibao. Tama agai augwali wi mu ilama, tama dagego augwali ma siliboba usu naibao.

Josua 10:11

Tama te Amor dabe te Israel ami bidi dabede wi pabo sę elayu, tama augwali te Bethoron te bulu baguba me te Aseka teba wi aiyaba palio. Tialima, Genuai Bidigo te moni kedau ilibo talua ge kulubage te masigi tiwai tulumainu ilama, tama te Amor dabe ela muna silai. Te masigi du tiwai talua ge tulubagego ela muani bidi dabego nambago te Israel bidi dabego ela muani bidi te namba aiyaba elaluai dao.

Josua 10:28

Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 10:9

Tama Josua te aga ami bidi dabe dali augwali hulide pelama, tama te Amor dabe bidalubo madi pedelai. Te Amor dabe augwaligo te hwįabo sisi isiąbadi, tiali goli polo tama, te Israel dabe augwaligo te hwįbo gagalalio.

Josua 11:8

Tama Genuai Bidigo te Israel dabe augwali tau selama, tama augwaligo te boi bidi dabe aiyaba elaluai. Te Israel dabe augwaligo hwįyu, tama te boi bidi dabe pobeasa peyu, te tǫ bogo badu te genuai bulu Saidon teba usu nama, te Misrefot Maim dąį igi pelama, tama te giliga pedalubo badu, te odogo bulu Mispa, te badu saboligi pali. Augwaligo hwį hwį pali, te boi bidi dabe tigidali siliboba usu nai dao.

Josua 12:16

Makeda, Betel,

Josua 15:35

Jarmut, Adulam, Soko, Aseka,

Josua 15:41

Gederot, Betdagon, Nama, Makeda. Te 16 tama hani dali, te pąde elalubo dwasianu bulu dabe dali, te Juda dabego elaluali.

Josua 16:3

Nosali te dąį pali, te giliga dega sigi pabo teba pedelama, te Japlet dabe bidiboba sabolali, tama pelama, te Bethoron elalubo te aiyadu te dąį igi pai. Tama tedu te dąį palima, Geserba pelama, tama te Mediterenian Tamu Ąį te pedaligi pali.

Josua 16:5

Te e da te Efraim hani sibigo tǫ dao. Te augwaligo te giliga pedalubo badu sabo, te Atarot Adar hanude gagalasa pali, tama palima, te Bethoron teba dąį igi pali.

Josua 21:22

me Kipsaim, me Bethoron dali, te wiegi yai nosai bulmakaugo tuabo tǫ dali elaluali.

Te Israel Tobolu Bidi Dabe 4:15

Te Barak aga ami bidi dabe dali pedalubo sogo te augwaligo hwįbo sę hodolali, tialima Genuai Bidigo te Sisera me aga karis dali tigidali badi, te aga ami bidi dabe dali, te augwali wabo pabo bidi dabe tiwai ilama, subigila tedela pali. Tama Siserago te aga karis dabe taga peyu, tama aga wi pali.

Te Israel Tobolu Bidi Dabe 4:16

Barakgo te karis dabe me te ami bidi dabe dali pobeasa pidubadi, te Haroset Hagoim teba tagaligi pali. Tama Barakgo ami bidi dabego te Siserago ami bidi dabe tigidali ela silali. Te deli digi me bidibeo.

Te Israel Tobolu Bidi Dabe 5:20

Te dagalude hǫ dabego me hwįani. Augwaligo te augwa sunumi ogwade wali biliyu, tama augwaligo Sisera dali hwįani.

1 Samuel 13:18

tama gasa hani meba te giliga dega sabo badu te Bethoron teba pali, tama gasa hani me te giliga pedalubo badu te tǫ wa pai bulu du pą badu pali, tama te bulu odogo yai badu te augwa nogi eyu, te uni yowi dabego odogo bulu da wai.

1 Samuel 17:1

Nosali te Filistia ami dabe te Sokoba sisinagasali, te Juda dabego taun me deli dao. Tama augwali osogo bidabo pesage te Efesdamimde nigali, te Soko taun de Aseka taun si tomode, tama augwaligo te Israel dabe dali hwįainu sisi elaluali.