Josua 1:9 - Godigo dwagi yai po buku

⁹ Eno nagebolo wai dao. Tama nage bomo elama dolaluyu, tama nage wi munu me isiąyu, tama nage magi nai me delide habu bulu me pelamuo. Magi baso meni, ena God, te nago Genuai Bidi, te ena nage dali te nage pabo tigidali buluba paibao,” te po wali.

Josua 1:9 Iomraidhean Croise

Tigidali Nai Gagalama Nigali Side 28:15

Odiąo. Ena nage dali bidiyu, tama nage paboba te tigidali habu te eno tonalua bilaibao. Tama nage eno e tǫba ma odasa asaibao. Tama eno nage munu me tagalisiąbadi, te eno nagebolo po wabo sę tigidali usu nama, pedela silaibao,” Yawego te po wai.

Tigidali Nai Gagalama Nigali Side 39:2

Yawe te Josep dali bidibaso, tama agai yali sę tigidali te wiegi yai naga pedelali. Josep te Potifargo bede sę eyu bidali.

Tigidali Nai Gagalama Nigali Side 39:3

Tama Potifargo sulama, koneani, Yawe te Josep dali bidiyu, tama tigidali sę Josepgo yali te dwagi yai naga pedelali.

2 Samuel 13:28

Te Apsalomgo Devit taga soyu, te Balhasor buluba ma soabo sogo, agai te aga sę bidi dabeba te tama po walali, “Te nai daa tubo sogo, dagego te Amnon bugagia tonaluao. Te aga gęǫ page ebo sogo, teda eno dagebolo olama, tama dagego aga ela muiyagameo. Dage wi me elamuo, magi baso meni, ena digi eno te aga ela mua po obao. Tama dagego aga ela muyu naga yao, tama dage munu me wia selamuo.”

Tuni Bidi Dabego Po Elalubo Buku Deli 28:20

Megi da, king Devitgo Solomomba te tiwai po wali, “Nage bomo elama mu dolalu, te sę yao, te haniani sęgęgo nage aiyaba elalumainu ebaso te tagalao, magi baso meni, God, eno Genuai Bidi, te nage dali bidiyu, te nage tau saibao. Agai nage me tagalogobeo. Menio. Te aga nage dali bididubadi nago te be sę tigidali silibo siba usu naibao.

Tuni Bidi Dabego Po Elalubo Buku Si 15:7

Tiali goli dagego wiegi yai sę dabe ebo bomo elama iyąo. Dage dili elama dolaluiąo, tama Genuai Bidigo dagego sę sulama, tama dage dali wiegi yai sę yaibao,” Asariago te po wali.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Aisaia 43:5

Ena dage dali bidibao, dage wi me igio. Dage hani dabe te giliga pedalubo badu, me giliga dega sabo badu bidibo, te augwali eno ma odasa asaibao.

Aisaia 8:12

“Te we bidi dabego te po obaso da, ‘Bidi hani mebago Juda bulu dolaibao po mia salio,’ po obaso, nage dali, naga hani dali, dagego te po mu dao homu igimio. Tama me, te we bidi wi elama, noma sobaso da, dage augwali ebo gilama wi elama, noma selamuo.

Daniel 10:19

Tama agai enabolo te tiwai po wai, “Godigo nage godolo mu ebaso, tama nago haliga nagame igulama bidao, tama nage wi me igio. Nage bomo elama, dolaluao,” wali. Agai po ola siminama, tama eno bomo genuaiba mu eyu, te agabolo te po wali, “Genuai bidi, megi nago enaba te nai dabede po wao, magi baso meni, nago ena bomo ilali dao.”

Hagai 2:4

Tagalao, dage tigidaligo haliga moni sęgę mu egimio. Dage hodaluama tama sę yao, magi baso meni, ena Tigidali Bomo Elalubo Genuai Bidi ena dage dali bidibao.

Hagai 2:5

Polobadu mu dagego te Isip bulu tagalama tama dage eba asali, tama te sogo ena dage dali po bodolu siyu tama po wai, ena te dage dali tigidali sogo bidada paibao, te po wai. Tama me te eno Mobo Bidi me te tigidali sogo dage dali bidaibao wai dao, tama teyu dage tigidaligo wi egimio,’ eno te po wai,” wali.

Godigo Sęba Tagala Palai Bidigo Po 4:19

Tiali goli, Pita dali Jon si dolalubadi, te Pitago te po wei ponoyu te po wai, “Dadi sigo Godigo po tagalama, dagego po wali pobaso, Godigo gedude te dolo yaibawe? Duga digi gedugo dagaliąo.

Bomai Po 1:21

Te tǫ suao. God dago wąį dabego Genuai Bidigo dagebolo megi mani dao. Dage pelama, teba duagi piąo, te agai dagebolo hasia wali gilama. Dage wi elama, homu hauwa me kųą pelamo dao.’ Eno te po wai.”

Bomai Po 20:1

Tama Mosesgo po wadolama weyu, te po wali, “Te dage te boi hwįgi pabo sogo, te dagego duga boi bidigo te karis me hos kibu elalubo suyu, me augwa ami bidi nambago dage edelai baso da, tagalao, dage wi me elamuo, augwalide. Magi baso menio. Genuai Bidi, dago God, agai dage Isip bulude selama, tama dage odasa asai dao. Aga digi dage dali bidaibao.

Bomai Po 31:23

Tama tialima, Genuai Bidigo Nungo ogwa Josuabolo te tama po walali, “Nage dili elama dolaluyu, tama nago magi naide wi me elamo dao. Nago te Israel dabe odasa, eno augwalibolo mawaibao wali te buluba pao. Tama ena da, ena digi nage dali tigidali sogo bidaibao,” wali.

Bomai Po 31:28

Tama tialima, te tobolu bidi dabe me te tigidali hanigo ofisa bidi dabe ena pąba sisinagasa po i wao. Eno te balia pogo po augwalibolo mawaio. Tama eno dagalu dali tǫ dali i olama, tama augwaligo eno te po dagebolo mabo sumainao.

Josua 1:10

Tialima, Josuago te we bidi augwali tonalubo tobolu bidi dabebolo te po wai,

Josua 1:17

Te dago nago po tigidali wali peyu, te dago Mosesgo po sesemane sogo wali pali tiwai gilama yaibao. Tama dena homugo te God, naga Genuai Bidi, te nage dali bidiyu, te polobadu Moses dali bidali tiwai gilama bidimainao.

Josua 1:18

Te bidi me deligo hagoma eyu, nago po sela sąbaso da, te aga isimainu yaibao. Tiali goli, nage da, nage te bomo elama bidiyu, tama nage wi munu me elamu dao!” wali, te we bidi dabego.

Josua 10:25

Nosali Josuago te ofisa bidi dabe augwalibolo te po wai, “Dage wi eyu, tama didibili munu me elamuo, bomonama dolaluao, te dagego nosali augwali dali hwįabo boi bidi dabebolo te Genuai Bidigo te tiwai naga ilaibao,” wali.

Josua 10:8

Tialima, Genuai Bidigo Josuabolo te po wai, “Te boi bidi augwalide wi me igio. Eno augwali te nago nogoba manio. Te bidi me deligo dage aiyaba me elalugobeo,” wali.

Josua 3:7

Tialima, Genuai Bidigo Josuabolo te po wai, “Megi da, te eno nago nogi ugwaba sabo sę te Israel dabe augwali gedude gagalaibao, te ena nage dali bidibo konemainu, te ena Moses dali bidali tiwai gilama yaibao.

Josua 6:27

Genuai Bidi te Josua dali bidibaso, tama te tǫ dabe badu bidalubo tigidali bidi augwaligo agabolo genuai nogi mawai dao.

Josua 8:1

Tialima, Genuai Bidigo Josuabolo te po wai, “Te wi ebo tagalama, tama habu bulu pabo me tagalao! Te ami bidi tigidali nage dali pelama, te Ai dabe dali hwįgi pao. Eno nage tau selama, tama nago te Ai dabego tuni bidi te aiyaba elaluaibao. Tama agai bidi dabe badi, te hanu me, tama agai tǫ me, te eno nago nogoba mawaibao.

Te Israel Tobolu Bidi Dabe 6:14

Tama Genuai Bidigo agabolo te po wali, “Nago bomo tigidali dali te nage pelama, tama nago te Israel dabe te Midian dabego nogode ma dobola sao. Ena digi eno nage tagala palobao,” wali.

1 Samuel 10:7

Te sę dabe nageba pedalubo sogo da, teda nago koneaibao, te God nage dali bidu, te Godigo nageba mani sę ebo te nage tau saibao. Tama nosali, nago homugo te mena sę te we bidi tau sabo wiegi yai sę da homu ebaso da, teda nago te sę yagameo.