Josua 1:18 - Godigo dwagi yai po buku

¹⁸ Te bidi me deligo hagoma eyu, nago po sela sąbaso da, te aga isimainu yaibao. Tiali goli, nage da, nage te bomo elama bidiyu, tama nage wi munu me elamu dao!” wali, te we bidi dabego.

Josua 1:18 Iomraidhean Croise

Esra 10:4

Tama te sęgę te dodolabo te nago digi elalubao. Tialima, tagalao, wi igio. Polo hogodama, dodolao. Tama dago te deli haliga nage dali elama bidiyu, tama nago po tigidali wali peyu bidaibao,” po wai.

Dwagi Yai Gesi Po Lukgo Asęani 19:27

Tama eno boi bidi odasa asao. Augwali ena dologode bidibo hagelabo wali. Tama te bage odasa asao, eno gabidide hwągo ela muao,’ te genuai bidigo te po wali,” Jisasgo te po wai dao.

1 Korin 16:13

Dagego bugagia tonaluyu, tama te Kraisde konealubo pode bomo elama bugagia dolaluao. Dage bidi mu sesemane sogo bidiyu, tama bomo elama bidaloao.

Efesus 6:10

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

Bomai Po 17:12

Ma, bidi mego te jas o te pris te Genuai Bidigo gedude sę ebo bidigo po sela sąwani da, teda dagego te bidi elama, isilao. Te tama tiyu, dagego te dwai kolesaga te Israel tomode sela sąyu yao. Po menio.

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.

Josua 1:17

Te dago nago po tigidali wali peyu, te dago Mosesgo po sesemane sogo wali pali tiwai gilama yaibao. Tama dena homugo te God, naga Genuai Bidi, te nage dali bidiyu, te polobadu Moses dali bidali tiwai gilama bidimainao.

Josua 1:9

Eno nagebolo wai dao. Tama nage bomo elama dolaluyu, tama nage wi munu me isiąyu, tama nage magi nai me delide habu bulu me pelamuo. Magi baso meni, ena God, te nago Genuai Bidi, te ena nage dali te nage pabo tigidali buluba paibao,” te po wali.

Josua 2:1

Te Israel dabe augwali te bulu Sitimde bidalubadi, tama Josuago te moni tǫ Kenanba sa pabo bidi si tagala palali, tama agai augwali sibolo te po wai, “Dage si pelama, te moni tǫ Jeriko genuai hanu me, te pąde elalubo tǫ me, bugagia suao.” Tialima, te bidi si te Jeriko hanu tǫba pelama, tama te penani we me deligo beba sabolali, te we aga nogi Rahap. Tama augwali si agai bede bidai.

1 Samuel 11:12

Nosali te Israel dabego Samuelbolo te tiwai po wai, “Te mena abagi dabego te po weyu, te Sol dago king bidi bidigio waliwe? Nago dabolo olama, tama dago te augwali ela muaibao,” wai.