Josua 1:16 - Godigo dwagi yai po buku

¹⁶ Tama tigidaligo Josuabolo po wei ponoyu, te po wai, “Awe,” wali. “Te dago nago dabolo wali po tiwai gilama, te tama tigidali sę dago yaibao. Tama tigidaliba nago da tagala palobaso da, teda da teba paibao.

Josua 1:16 Iomraidhean Croise

Esra 10:4

Tama te sęgę te dodolabo te nago digi elalubao. Tialima, tagalao, wi igio. Polo hogodama, dodolao. Tama dago te deli haliga nage dali elama bidiyu, tama nago po tigidali wali peyu bidaibao,” po wai.

Israel Hanigo Namba 32:25

Tama te Gat hani de Ruben hani sigo Mosesbolo te po wali, “Genuai bidi, da naga sę bidi dabe dago nago po wali paibao.

Israel Hanigo Namba 32:31

Tama Gat hani de Ruben hani sigo po wei ponoyu, te po wali, “Te usu dao, dago te Genuai Bidigo wali po wali pelama, tama tiaibao.

Bomai Po 34:9

Te tama tilama, nosali da, teda Godigo Nungo ogwa Josuabolo wiegi yai homu kolesaga me kolesaga dabe hauwa mu mani. Magi baso meni, Mosesgo aga hasegelama, bidimainogo sa muai baso. Tama te we bidigo Josuago po odama, tama augwaligo te bomai po dabe Genuai Bidigo Mosesgo nogode mani po wali pali.

Bomai Po 5:27

Moses, nage ma pelama, God dago Genuai Bidigo wainogo ebo te po ma odigi pao. Tama odama, tama ma asama, nago te odali po dabolo pusao. Teda dago odama, wali paibao,’ dagego tobolu bidi dabego te po enabolo te sogo wali,” Mosesgo te po wai.

Taitus 3:1

Taitus, nago te nago tonalubo Godigo po wali pabo we bidi augwalibolo e po widu geao: augwali te gavman tuni bidi dabe dali genuai bidi dali dologode bidiyu, tama augwaligo po odolama te po wali pao. Tama tiyu tama augwaligo tigidali dwagi yai kolesaga yabo sę sisi eyu bidao, te po ola mao.

Josua 1:15

Te duga Genuai Bidi Godigo e tǫ dagebolo mawai dao. Tama dagego te gasa Israel hani bage duga abagi dede tau siyu, tama agai augwalibolo mabo tǫ sabo sogoba usu nagasu yao. Tama elama, te boi pilama wiegi yai pemene ebo sogo elaluyu, tama augwali me te toma tueibao, te dage megi ebo tiwai gilama yaibao. Tama tiliama, tama nosali dage duga e tǫba ma asomainogo, polobadu te tǫ Mosesgo dagebolo mawai dao, e tǫ te Jordan ąį badu, te giliga pedalubo badu dao,” Josuago te po wai.

Josua 1:17

Te dago nago po tigidali wali peyu, te dago Mosesgo po sesemane sogo wali pali tiwai gilama yaibao. Tama dena homugo te God, naga Genuai Bidi, te nage dali bidiyu, te polobadu Moses dali bidali tiwai gilama bidimainao.