Josua 1:13 - Godigo dwagi yai po buku

¹³ “Dagego te po bugagia homu kone palao, te tigidali po Mosesgo dagebolo wai dao, aga te Genuai Bidigo sę ebo bidi bidali. Agai te po wali, ‘God, duga Genuai Bidigo, e tǫ dagebolo menama, tama dage tede bidiyu, toma tuabo madi elaluaibao,’ te po wai.

Josua 1:13 Iomraidhean Croise

Jeremaia 31:2

Ena Genuai Bidigo, eno te po obao, te Israel dabe te boi bidide wi pelama, te masigi tǫ kemi bulude bidali. Tialima, eno augwali godolo elama, te eno augwaliba wiegi yai sę ebaso, te augwali toma nabo buluba soaibao,” wali.

Josua 1:14

Tialima, dagego e tǫ habu badu dagego selama da, tama duga we wai puluba me, te kibu dabe badi, augwali ede te wę Jordan e badu te Mosesgo mani tǫde tonaluyu bidagameo. Tiali goli, dagego ami bidi dabe da, augwa hwįabo nai dabe dodolama, tama e wę nogelama, te abagi dabe dali augwali polasa pelama, tama augwali tudi badu tonaluyu, te wąbi hwįbo tau somainao.

Josua 21:44

Tama Genuai Bidigo te boi pilama wiegi yai pemene ebo sogo augwalibolo mani, te agai augwa wąį dabe dali dąų wali po tiwai gilama yali. Te haniani boi bidi hani dabe augwali te Israel dabe tigidali badu bidai goli, tama Genuai Bidigo augwali tau siyu, tama augwaligo augwa boi bidi dabe tigidali aiyaba elaluama, tama te boi bidi dabe deli mego te augwali aiyaba elaluainu ebo te usu meni yani.