Josua 1:1 - Godigo dwagi yai po buku

¹ Te Moses aga te Godigo sę bidi dao. Tama Josua te Nungo ogwa te Moses tau sali bidi dao. Moses isai madi, tama Godigo Josuabolo te tiwai po wai,

Josua 1:1 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 19:16

Tama nago te Jehu me dąį ilao, te Nimsigo hani, te Israel king pedalumainao. Tama nago te Elisa me dąį ilao, te Safatgo ogwa, te taun Abel Mehola bidi da, te nage bidali pesage selama, te eno po pusabo profet bidi pedalumainogo yao.

Te Israel me Juda Hani Sigo Tuni Bidigo Po Elalubo Buku Si 3:11

Tialima, te king Jehosafatgo te king Jorambolo hanaluyu, te po wai, “Genuai Bidi Godigo po pusubo profet bidi me deli bidibowe, ma meniwe?” wali. “Tialima, bidibaso da, teda dago agabolo e tiwai po tama wainao, ‘Naga Genuai Bidi Godibolo hanaluama, te dago mena tiwai sę yaibawe?’ wainao, “Jehosafatgo te po wali. Te king Joramgo sę ebo kiap tobolu bidi me deligo te po wei e tiwai tama ponani, “Elisa, aga te Safatgo ogwa, bidibao. Polobadu aga te profet Elaijago sę ebo bidi bidali,” wali.

Nehemia 8:17

Te Babilon tagalama ma asali we bidi tigidali, augwaligo te osogo bidabo be sęnama bidali. Te polobadu mu te Nungo ogwa Josua bidali sogo, te Israel dabego te tobage osogo bidabo be sę yani. Tiali goli, te nosali Josua isai madi, augwaligo te kolesaga tagalama, bidada asali, te megi te sogoba usu nagasai. Tama megi da, te Israel dabego te kolesaga ma hodolama yali. Tama tiyu, tigidali we bidigo homu wiegi yai pemene mu yai dao.

Ma Dobola Sali 24:13

Tama tibaso, Moses aga sę bidi Josua dali, augwali si sisi elama, te Godigo bulu duba holainogo yai.

Israel Hanigo Namba 11:28

Te Josua, Nungo ogwa, Moses dali bididuali. Te Josua aga te Moses tau sabo bidi, aga gesi bidide bida bida asudama, megiba tama usu nagasali. Tama Josuago te gesi bidigo wabo po odama, agai e tama po te Mosesbolo walali, “Genuai bidi, nage pelama, augwali sigo pedauwali panigi pao,” wali.

Israel Hanigo Namba 12:7

Tiali goli, eno sę bidi Moses te profet bidi dabe tiwai menio. Eno aga dali gasa kolesaga mu ebo dao. Eno agabolo eno sę sese agabolo menama, tama eno koneani, agai eno sę sese yaibao.

Israel Hanigo Namba 13:16

Mosesgo te hani tobolu bidi dabe te Kenan bulu tǫ sese sa sugi pomainu tagala palali. Tama agai te Hosia te Nungo ogwago nogi hasegelali. Tama agai aga te Josua poali.

Israel Hanigo Namba 13:8

Hosia, te Nungo ogwa dao, te Efraim hani bidi dao.

Dwagi Yai Gesi Po Lukgo Asęani 16:10

Bidi mego dwasianunu nai bugagia tonalubaso da, teda te bidi da, genuai nai me bugagia tonalubo bidi dao. Ma, bidi mego dwasianunu nai tonaluyu, tama tibo po obaso da, teda te bidi da genuai naide me tibo po wabo bidi dao.

Godigo Sęba Tagala Palai Bidigo Po 7:45

Nosali dago wąį augwa ogwago te ugwa be selama, te tobolu bidi Josua wali pelama, gasa hanigo tǫ sali. Godigo augwali tau selama, te tǫ sai. Tama te ugwa be tede elalubadi, genuai bidi Devit bidibo sogo te be me elaluali.

Polgo Po Pas Rom Dabeba Asęani 1:1

Ena Pol da, tama eno e po asęna tolobao. Ena te Krais Jisasgo sę bidi dao. God agai ena i olama tama te po sela pabo sę bidi nigilali. Eno te Godigo wiegi yai gesi po te we bidibolo pusumainu agai ena hagea selama tedali muai.

Bomai Po 1:38

Tiali goli, nago namba tu bidi Josua, te Nungo ogwa, deli naga teba paibao. Nago Josuago homu kolesaga dąų walao. Magi baso meni, agai te Israel dabe te buluba odasa pelama, te buluba bidigi paibao,’ wali.”

Bomai Po 31:23

Tama tialima, Genuai Bidigo Nungo ogwa Josuabolo te tama po walali, “Nage dili elama dolaluyu, tama nago magi naide wi me elamo dao. Nago te Israel dabe odasa, eno augwalibolo mawaibao wali te buluba pao. Tama ena da, ena digi nage dali tigidali sogo bidaibao,” wali.

Bomai Po 31:3

Genuai Bidi dago God aga digi polasa pelama, tama agai te bulu badu bidibo bidi hani dolaibao, te agai dage tudiba togolama, polasa peyu. Tama tialima, dagego augwaligo tǫ sabo usu yaibao. Tama Josua dagego polasa pabo tobolu bidi nigaibao, te Genuai Bidigo wali gilama.

Bomai Po 33:1

Te Moses te Godigo po pusubo bidi isabo sogo pąde ebaso, agai Godibolo Israel dabe dali wiegi yai sę yao po olama, tama hanalu wali.

Bomai Po 34:12

Tama augwaligo genuai sę dabe me te we bidi dabe wi ilainogo yali, te sę tiwai usu me egobeo, te Israel we bidi tomode yali tiwai, te we bidigo gedude yali tiwai.

Bomai Po 34:5

Tama tialima, Moses, te Genuai Bidigo sę ebo bidi, aga te Moap dabego tǫ dagede tede bidama, tama aga tede isali, te Genuai Bidigo agabolo te hasia polo walali gilama tama tiali.

Bomai Po 34:9

Te tama tilama, nosali da, teda Godigo Nungo ogwa Josuabolo wiegi yai homu kolesaga me kolesaga dabe hauwa mu mani. Magi baso meni, Mosesgo aga hasegelama, bidimainogo sa muai baso. Tama te we bidigo Josuago po odama, tama augwaligo te bomai po dabe Genuai Bidigo Mosesgo nogode mani po wali pali.

Taitus 1:1

Ena Pol dao, tama ena Godigo sę ebo bidi dao. Ena te Jisas Kraisgo po sela pabo sę ebo bidi ena dao. Agai ena dią selama tama tagala palama, tama eno te Godigo hagea sai we bidi augwaligo te agade konealubo po augwa homude eno bomo iligi pao ena dali te po wai, tama eno augwali tau siyu elama, tama augwaligo Godigo mu po selama, tama augwali aga tiwai bidimainogo agai ena te sę mani.

Jems 1:1

Ena Jems dao. Ena God dali, Genuai Bidi Jisas Krais dali sigo sę ebo bidi dao. Dage te Israel bidi hani nogo si olama, sągą badu si wali bidi hani bage, dagede eno homu kone paluyu, eno te pas asęna tolobao. Dagego duga page bulu tagalama, tedela pelama, gasa haniani buluba polobadu bidigi pai. Tama eno dage dali dwagi yai homu eyu, e pas toloyu, dage tao obao.

Josua 1:15

Te duga Genuai Bidi Godigo e tǫ dagebolo mawai dao. Tama dagego te gasa Israel hani bage duga abagi dede tau siyu, tama agai augwalibolo mabo tǫ sabo sogoba usu nagasu yao. Tama elama, te boi pilama wiegi yai pemene ebo sogo elaluyu, tama augwali me te toma tueibao, te dage megi ebo tiwai gilama yaibao. Tama tiliama, tama nosali dage duga e tǫba ma asomainogo, polobadu te tǫ Mosesgo dagebolo mawai dao, e tǫ te Jordan ąį badu, te giliga pedalubo badu dao,” Josuago te po wai.

Josua 1:2

“Eno sę bidi Moses isalio. Tialima, nage megi da, sisi yao. Nage dali te Israel we bidi tigidali dage e Jordan wę nogelama, tama eno dage mawainogo ebo te tǫba sabolao.

Josua 12:6

Moses dali te Israel dabe augwaligo te boi hwįnama, te tuni bidi si aiyaba elaluai, polobadu. Tama Moses, te Genuai Bidigo sę bidigo, te augwa si tǫ te Rubengo hanibolo mobadi, te Gatgo hani me, te Manasego hani me badubolo mobadi yali.

Kraisgo Geme Dualali Sę Pedelabo Po Jonbolo Ola Mani 1:18

Ena bidibo ula dali bidibao. Polobadu ena isai, tiali goli nago ena bidibo subao, te ena sesemane sogo bidada peyu, bidada pabo ula selama, megi bidibo dao. Tama tibaso, eno bomo elalubao, te isibo kolesaga dali, te isai bidi dabe osogo bidabo madi dali, te si tonalubo bomo eno elalubo dao.