Joel 3:6 - Godigo dwagi yai po buku

⁶ “Dagego te Jerusalem we bidi sobadi, te Juda pedai gasa badu me selama, te augwali digibulu mu odasa pelama, te Grik dabego augwali abelai dao.

Joel 3:6 Iomraidhean Croise

Esekiel 27:13

Tama nago mone sabo bisnis sę te kantri tǫ pedai Grik dali, me Tubal, me Mesek, te tama bulu dabede bisnis sę yali, tama nago nai dabe augwaliba mayu yali, te olo mu sę yabo bidi dabe me, te tobage gasa nai dabe me, te hanigo te brasgo nigali nai dabe mayu yai dao.

Joel 3:3

Te hani augwa te satu gagali elama, dego te Israel we bidi deli deli sesa pabo te hanilibo sueinu yali. Tama tiyu, augwa te Israel dabego wegi ogwa dabe te maketde munama, augwaligo te mone salio. Tialima, te monego augwa te penani we dabe abeliyu, te wain abeliyu yai dao.” Genuai Bidigo te po wai.

Joel 3:8

“Te eno te Juda dabego te dagego wai ogwa dabe me wegi somainu ilaibao. Tama te Sabea dabe, te digibulu bidi dabego, te Juda dabeba aselama, te dagego ogwa me, wegi me, abelagaselama, te augwali digibulu sela paibao. Ena Genuai Bidi, eno te po wai dao,” wali.

Sekaraia 9:13

Te Juda dabe augwali eno te enesigi tolalubo tiwai eyu, tama te Israel dabe augwali te eno enesigide ene daganalubo tiwai elalueibao, tama te Jerusalem bidi dabe augwali da te hwą ge bainat gelalubo tiwai elalu, tama eno te Grik dabe dali boi hwįaibao,” te po wali.

Bomai Po 28:32

Tama dagego olo gedugo naga tonalubadi yaide, te gasa kantri bidi dabego duga wai puluba dabe selasa paibao. Tama tigidali sogo dage duga wai puluba ma asogowe weyu, tonaluyu yaibao, tama dagego te sunumidu gedu pomonama tonaluyu yaibao. Tiali goli, dage olo dali tonalubadi, dagego gedu olo dali dene yaibao. Tama dagego wai puluba ma oda sainogo dagego magi sę me egobeo.

Bomai Po 28:68

Genuai Bidigo dagebolo te po wai dao, dage Isip buluba ma pabo usu egobeo po wai dao. Tiali goli, tagalao, Genuai Bidigo dage teba sipidu ma tagala palaibao. Tama te Isip bulude dagego te homu yaibao, te boi bidi dabego dage abelama, tama augwaligo sę emainu yaibao. Tiali goli, augwaligo hagela yaibao,” Mosesgo te po wai.