Joel 3:3 - Godigo dwagi yai po buku

³ Te hani augwa te satu gagali elama, dego te Israel we bidi deli deli sesa pabo te hanilibo sueinu yali. Tama tiyu, augwa te Israel dabego wegi ogwa dabe te maketde munama, augwaligo te mone salio. Tialima, te monego augwa te penani we dabe abeliyu, te wain abeliyu yai dao.” Genuai Bidigo te po wai.

Joel 3:3 Iomraidhean Croise

Jopgo Po Asęani Elalubo Buku 6:27

Menima. Dagego kas gagali elama, te tiana wai dabe dego mu sogowe weyu suainu yabo bage dao. Tama duga abagi solo maketde munama, mone sainu yabo usu.

Esekiel 27:13

Tama nago mone sabo bisnis sę te kantri tǫ pedai Grik dali, me Tubal, me Mesek, te tama bulu dabede bisnis sę yali, tama nago nai dabe augwaliba mayu yali, te olo mu sę yabo bidi dabe me, te tobage gasa nai dabe me, te hanigo te brasgo nigali nai dabe mayu yai dao.

Joel 1:5

Dage te bomai ąį tulama, gęǫ page ebo bidi dabe, hogodama gela waiąo. Dage te wain wę tubo bidi dabe, dage me gela waiąo, magi baso meni, te kuli mano dabego dagego te gesi wain ąį nigabo bono du tigidali te dolali dao.

Amos 2:6

Genuai Bidigo wabo po e dao, “Hauwa sogo te Israel we bidi dabe augwaligo te dwai sęgę sabo sę idu geai. Augwaligo te tama tibo sęde dwasianu toma me nabeo. Tialima, mu tama, eno augwaliba te dwai dene mabo sę mu yaibao. Magi baso meni, te Israel dabe augwa abagi dabego augwaliba negeli somainu ilali, tialima augwa te abagi dabego te negeli sali wei ponabo usu meni baso, te negeli mani bidi dabego augwa te abagi dabe pageabi ilama, tama augwali te gasa bidigo olo sę ebo bidi me olo sę ebo we pedalumainu yali. Tama tebogo te Israel dabe mebago meba bidi dabede augwa negeli mani mone wei ponama salio. Hobede ya, te abagi dabego te magi dwai sę me isąwai, te augwaligo sali negeli te dwasianu tama, te olo sągą nadoba su abelibo mone usu nama goli, tialima te meba Israel dabego augwali homu dene me ebeo. Menio.

Obadia 1:11

Te Juda dabego boi bidi dabe asiyu, te Jerusalem sunumi obo banis aluama, te Juda dabego mone me doado bage selama, te augwa hasi dobola sali sogo, dage te olo dolalugi pelama, te Juda dabe tau me sabeo. Tialima, dage me te augwaligo nai wi sali bidi dabe deli hani tiwai yali dao,” wali.

Nahum 3:10

Tiali goli te boi bidi dabego te Tebes dabe aiyaba elaluama, te augwali sela pelama, kalabus igi pali. Augwaligo te wai dabe elama, augwali te tigidali sunumi tunu magede isasa palio. Tama augwaligo te Tebes genuai bidi dabe te sengo nogo duani, te augwa hasi dobola selama, te augwali sela palio.

Kraisgo Geme Dualali Sę Pedelabo Po Jonbolo Ola Mani 18:13

Tama te meba doado bage e tiwai elalubo, te denami ebo tubo nai nogi sinamon me, te tubo gagi, tama te denami ebo nai pauda me, tama te haniani denami ebo ili yai nai elaluai, tama wiegi yai denami ebo nai sanda, me te bomai ąį wain me tubo wel, te wiegi yai tubo plaua me te tubo nai wit ge, te kibu bulmakau me sipsip, te me hos dali te hosgo kegasa pabo wiegi yai nai nogi karis dabe me, tama te augwaligo mu abelai masigi sisąbo sę ebo we bidi dabe me, te tigidali nai bidi dabe augwaligo ma abelegobeo.