Joel 3:10 - Godigo dwagi yai po buku

¹⁰ “Te gi tǫ pedebo genuai ain te bainat tiwai pedalumainu halua,” wali, “me te ni nologo togobo hwą haluama, te sesemone tiwai pedalumainu yao,” wai. “Te bomo meni yai bidi me te hogodama, te hwįbo bidi tiwai yao,” wali.

Joel 3:10 Iomraidhean Croise

Tuni Bidi Dabego Po Elalubo Buku Si 25:8

Tiali goli nago homugo augwali hwįabo bomai hani mu dao homu iyu da, teda nago augwali odasa pao. Tiali goli nago koneao. Godigo te boi bidi dabego nage elalumainu yaibao. Magi baso meni. God agaduba deligo naga bidi aiyaba elaluabo me ugwa ela holabo sę ilibo dao,” te profet bidigo te po wali.

Aisaia 2:4

Genuai Bidigo tigidali hani we bidigo po tų dodolama, tama augwali bugagia deliba bidaibao. Tama augwali hwįbo bainat te gi tǫ elebo ain tiwai gagawaibao. Tama augwa hwą gagawai sesemone te hamago elama, gi sę yabo hwą tiwai pedalaibao. Tama tigidali we bidi hanigo me hwįgobeo. Tama augwaligo te boi hwįbo kolesaga munu ma konea sagobeo.

Jeremaia 51:11

Dage Babilongo boi bidi dabe, duga ene dabe dulama, te hwįabo sabele dabe sao. Genuai Bidigo te Babilon dabego agai be dolaliba homu kone palama, te agai dwai dene augwaliba wei ponainogo ebao. Agai te Babilon mu dolainogo, tama agai te bulu kantri Midia homu hodolama, te Babilonba hwįagasomainogo yai dao.

Maika 4:3

Genuai Bidigo te tigidali kantri we bidi hanigo po tų ebo dodolama, te augwa deliba bugagia bidimainu yaibao. Te agai te digibulu elalubo bomai tǫ kantri me, te Israel pąde elalubo tǫ kantri dali, te po tų dodolobo po miaibao. Tama te augwa moni bainat hwą dabe siade ulama, hamago haluama, te gi tǫ elibo ain tama nigilaibao. Me te augwa kapago nigai sesemone ene hamago haluama, te wain bono gi sę yabo hwą ge tama nigaibao. Tama tigidali we bidi hani augwa hasi te munu me ma hwįsąma, te hwįainu usu siyu ma egobeo.

Sekaraia 12:8

Te tebo sogode Genuai Bidigo te Jerusalemde bidibo we bidi te obogo bagulubo tiwai yaibao, te boi hwįbo side mubo sabelego te tigi bea sabo tiwai gilama yaibao. Te eno augwali dąų walobaso, te boi hwįabo bomo meni yani bidi dabego me, augwali te polobadu bidali bidi king Devit tiwai bomai bidi pedelaibao. Tama te Devitgo bulali wąį nǫų dabe te nosali pedalubo hani bage te augwa polalubo bidi bidaibao, te Genuai Bidigo mobo bidi ensel tiwai, ma God aga tiwai digi bidibo tiwai yaibao.

Dwagi Yai Gesi Po Lukgo Asęani 13:12

Tama Jisasgo te we sulama, agai te webolo i dwasianu weyu, asao wali. Tama te we asobo si da, Jisasgo te po wali, “We, nagede te elalubo gasi te silali dao, nage olo bidao,” wali.

Dwagi Yai Gesi Po Lukgo Asęani 22:36

Jisasgo augwali dali te po wai, “Tiali goli, megi te gamugi dage masigi munalubo bidigo te nai sao, te wa munalubo bidi me aga wa sao. Tama hwą ge meni yai bidi da, teda aga ugwa menama, gasa bidigo abelama, te ugwade sai masigigo te moni hwą ge sao,” Jisasgo te po wai.