Joel 2:8 - Godigo dwagi yai po buku

⁸ tama augwa pabo sunumi digi me palia sabeo. Augwa te tigidali obo banis aluama, tomoba pobao, te mena nai me deligo augwali me palibeo.

Joel 2:8 Iomraidhean Croise

Tuni Bidi Dabego Po Elalubo Buku Si 23:10

Tama Jehoiadago te bidi dabebolo walama, augwali te Genuai Bidigo tempel be obo sesegeba tigidali badu dolalugi piąo po wali, te saut badu gagalama not badu tagaligi piąo po wali. Tama augwali alta pąde dolaluyu, Genuai Bidigo be pąde bainat hwą tolalu bugagia tonaluyu no munaluali.

Tuni Bidi Dabego Po Elalubo Buku Si 32:5

Te Hesekiago aga sę bidi dabego Jerusalem bulu obo polo dąų walao po bomo elama wali. Tama tibaso te sę bidi dabego te obo me badu toga pali polo ma dodolali, tama augwaligo te obo daide augwaligo bobobage sigi be taua dabe geselali, te ami bidi dabe tede bidiyu te boi bidi dabe no munalumainu. Tama te taun genuai masigi obo tudi badu augwaligo gasa masigi obo me ma bagulali, te taun bagulama mu yali. Tama te obo dąų wali te pesagede augwaligo te odogo malu bulu tǫ selama pamagąno pali, te augwaligo Devitgo Taun wabo te Jerusalem bulude. Tama augwaligo ene hauwa buyu, me ni name sabele hauwa geseliyu yali, te hwįabo nai dabe.

Nehemia 4:17

te obo nigibo sę yai. Tama te bidi dabego te obo nigibo nai dabe tolasa pabo sogo, augwaligo te nai te me badu nogo badu toloyu, tama te gasa nogo badu te hwįabo nai tolaluali.

Nehemia 4:23

Tialima, da tigidaligo te tama tialio. Tama te godege pibo side te dago gudubo ugwa me hasegelibeo. Menio. Tama ena dali, te eno hai namu dabe me, te sę bidi dabe me, te ami bidi dabego dali, te ena tigidali side tonaluali, da tigidaligo te sę ebo side gudali ugwa te dago tigide me gudalubadi, tama da piali. Tama tigidali side dago te ene me sesemone tolaluali, tama da te węba pabo sogo me, te dago me tagalobeo. Tama tiyu, sesemane sogo te dago hwįabo sisi elaluai dao.

Jopgo Po Asęani Elalubo Buku 33:18

Magi baso meni. Agai dago dwai kolesaga ebo wei meniama, tama boi bidi dabego da ela munama, tama da isibo bidi dabego buluba pidali weyu, tama tibo dao,” wali.

Jopgo Po Asęani Elalubo Buku 36:12

Tiali goli, augwaligo po odisąma yali da, teda augwa boi bidi dabego augwali ela muagasaibao. Tama augwaligo magi nai augwali tigiba pedalaliwe olama, konegobeo,” wali.

Bugagia Bidibo Kolesagade Po Asęai Buku 30:27

Te kuli mano dabe augwa tobolu bidi king te menibadi goli, tiali te augwa lain bugagia wasilama bilibo dao.

Solomon 4:13

Nage te wiegi wiegi yai ni du dabe te wiegi yai gide elalubo tiwai da. Te ni mebade wiegi yai nai elalu, te meba nedu dude wiegi yai denami elalubao. Mebago te wiegi yai sanda nigiyu, te mebago naiba munama, pusu ilaibao. Mebago te tobage au dogia pabo nai dabe nigibadi, te mebago wiegi yai denami hano ilibo pauda nigaibao.

Aisaia 5:27

Te ami bagego bidi dabe da, te bomai bidi dabe naga dao. Te augwali me deli sągą dili telega elama, tulaluainu yai me menio, o te agai gedu godege magana pai me menio. Augwaligo kibu waligo te gudali ugwa bugagia kęnama, asaibao. Augwaligo bomai su sągą sendol guda sesa paibao. Te togwa pabo ąǫ isąwai me gudugobeo.

Joel 2:7

Te kuli mano dabe te hwįabo bidi dabe udada asobo tiwai elama, augwali te taun bagulali obo banisba holali. Te augwali dolo naga peyu, te ami dabego nogo sągą sąyu, mas ebo tiwai ebo dao. Te augwali gasaba begelama, me tonono me ebeo,

Joel 2:9

Augwali te taun dabeba udada pelama, tama augwa te obo banis bolama, te u badu aiya dulubao. Tama augwali te be dabeba holama, tama te be pola sali dedage windodu te nai wi sabo bidi tiwai elama, te be tomoba pabo dao.