Joel 2:5 - Godigo dwagi yai po buku

⁵ Te augwali bulu duba samanobo sogo, augwali te karis masigiba samanu kidagalo wabo tiwai ebao, tama te kala siago deyu, podo podo wabo tiwai ebao. Augwali te genuai ami hanigo te boi hwįainu wasibo tiwai yaibao.

Joel 2:5 Iomraidhean Croise

Jopgo Po Asęani Elalubo Buku 39:20

Naga homugo te hos digibulu samanobo te mano yali gilama emainu naga digi nigilai dawe? Tega? Te hos dabego ga wabo bomonama mu wabo dao. Tama augwaligo ga wabogo we bidi dabe wi ilibo dao.

Ma Dobola Sali 5:12

Tama te Israel we bidi augwali te tigidali Isip teba tedela pelama, te nosa dabe tigidali sisinai.

Aisaia 30:30

Genuai Bidigo bomonama mu hae olama, tama agai bomonama i hae wabo aga we bidi tigidaligo odama, augwaligo agai sębę ebo mobo augwaligo tigide dolomainu yaibao. Aga te moni bomai isi te tigidali nai dabe dabo isi, me moni genuai tulubage, me wali, me talua ge tulubage dali, tama aga asaibao. Tama te be kulu obaso, te tigidali we bidigo agai sębę ebo sueibao.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Jeremaia 50:42

Augwali te homu dene eyu tau sabo kolesaga me isąbo bidi dao. Augwaligo te gasa bidi dolabo homu godolo yaibao. Augwaligo te enesigi me ene tolalubao. Augwali te hos dabede dugulasa asaibao, tama te genuai kulukulu pedelaibao, te nambisde genuai ąį dini dabe bugusu wabo tiwai yaibao. Augwali te lainde wasilama, te dage Babilon bageba hwįainu sisi elalueibao.

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Kraisgo Geme Dualali Sę Pedelabo Po Jonbolo Ola Mani 9:9

Tama augwaligo hagawiade te kapago nigai holobo ugwa muai elaluai, tama augwaligo bogo te saba saba ebogo u wabo te hwįbo bidi duabo nai te kibu hosgo kegasa peyu udabo tiwai eyu te nai kidagalo wabo tiwai ebo dao.