Joel 2:30 - Godigo dwagi yai po buku

³⁰ Genuai Bidigo po ma weyu, te po wai, “Te eno te e side dąį ilali sogo bodolu te tǫde me dagalude mueibao,” wali. “Te tǫde genuai boi hwįabo si pedalubode, te bidi hauwago kaneme gelaibao. Te sia dabo augwa taunde pedelama, te hano genuai hano ugwaba holaibao,” wali.

Joel 2:30 Iomraidhean Croise

Tigidali Nai Gagalama Nigali Side 19:28

Abrahamgo te Sodom me, Gomora me, te tigidali tǫ odogo maluba aba tonono bilalio. Tama agai te hano pedalubo suali, te genuai sia hano tiwai pedalubo sualio.

Solomon 3:6

Magi naigo te wa pai bulude bidali tagalama, asaliwe? Augwaligo te denami wiegi yai ebo tobage plaua dabe ulubo sogo pedalubo hano tiwai nai pedelali. Te aga denami ebo te bisnis bidi dabego te mone sabo paudago denami ebo tiwai yali.

Jeremaia 4:28

Te pagede naga tama, te tǫgo hobede ebo tęąbi weyu, te dagalu husuga sai pedelaibao. Eno homu kone palama, te sę emainu yali, te eno homu me hasegelabo homu me egobeo. Mu menio,” wali.

Sekaraia 14:6

Tama te ula te giliga nanobo sogode naga me pedalubeo. Menio.

Matyu 24:29

“Te sogo te genuai sęgę yali te silai madi, tama polo te sia ge hulia selama, tama te polua ula me egobeo, tama te hǫ dabe dagalude tulaluaibao. Tama te dagalude bomai nai te tǫ mali tiwai elama, gęǫ page yaibao.

Dwagi Yai Gesi Po Lukgo Asęani 21:11

Genuai genuai gęǫ e tǫde pedalaibao. Me badu habu badu genuai nasi dali genuai gasi dali yaibao. Te dagalude te we bidi wi yabo moni haniani sę pedelaibao.

Josua 8:20

Te Ai bidi dabego te hanuba tonono pobadi, augwaligo te hano ugwaba holobo suai. Augwaligo koneani, te augwali geme duala sabo pesage meni isiąyu, te dolabo sęgo augwali me edeligobeo. Magi baso meni, te Israel dabego augwali tibo po olama, tama te masigi tǫ buluba wi pali, megi da te augwali ma begelama, tama augwali dali hwįai.

Kraisgo Geme Dualali Sę Pedelabo Po Jonbolo Ola Mani 18:18

Tama dolalubadi, augwaligo aga te siago dabo hano ebo suyu, tama augwaligo i e tama wai, “Mena hanu te e tiwai genuai hanu elalualiwe? Mu menio,” te po wai.

Kraisgo Geme Dualali Sę Pedelabo Po Jonbolo Ola Mani 18:9

Te tǫde tuni bidi augwaligo te penani we dali penani eyu bidai dao. Tama te kibu dabe augwali te we gede pebege pibo tiwai, te tuni bidi augwali te wego haniani wiegi yai naide dwagi yai homu eyu bidai dao. Tama augwaligo te penani we siago deyu hano holobo subaso, tama augwaligo moni gela weyu nogo pagasayu bidaibao.

Kraisgo Geme Dualali Sę Pedelabo Po Jonbolo Ola Mani 8:7

Tama te hasia wali ensel mobo bidi me deli aga te ona tiwai nai elali, tama te talua ge tulubage me, te sia dali, te si te kaneme dali gelama, tama e tǫba tulaluai. Augwaligo te tǫ me tigidali ni dabe dali te sela tama usu siyu dąį ilali, tama siago te tǫ me habu badu deyu, te ni me badu habu badu deyu yali. Tama te ni yabe tiwai nosai dabe tigidali, te me te siago dai.

Te Israel Tobolu Bidi Dabe 20:38

Tama te polasa Israel ami bidi hani me te dualaluali ami bidi te po mia selama, te dąį ilibo sę me deli yaibao wali. Te augwaligo te genuai hano te hanudu ugwaba holobo subo sogo da,

Te Israel Tobolu Bidi Dabe 20:40

Megi da te dąį ilaiba wali te pedelali. Te hanude te hano genuai ugwaba holali. Tama te Benjamin dabego te hanu begelama ma tonobadi, tama augwaligo te hanu tigidali siago dabo hano holobo sualio.