Joel 2:3 - Godigo dwagi yai po buku

³ Augwaligo te nai yabe me, nosai me, tula silaibao, te kala siago dabo tiwai yaibao. Te augwali te pedalisąwani pesagede digi te wiegi yai te Iden gi tiwai elaluali, tiali goli augwaligo te nai yabe tigidali tula silali pesagede, te bulu tǫ wa pai pedelali. Augwaligo te yabe deli me elalumainu me sula tagalubeo. Augwaligo mu silalio.

Joel 2:3 Iomraidhean Croise

Tigidali Nai Gagalama Nigali Side 13:10

Tialima, Lot dolugulama, tonono bilali. Agai te tigidali tǫ malu te wę Jordan sesegedu tonono pali, te tigidali pedaiba usu nama, te Soar te pedaiba usu nigi palio. Te tǫ tigidalide te dwagi yai wę hauwa te gasa sawi yai, te Yawego Iden gide elalubo tiwai, me tama te Isip dabe tǫde elalubo tiwai elaluali. (Tama te sogo te Yawego te Sodom de Gomora te hanu si dolisiąbadi dao.)

Tigidali Nai Gagalama Nigali Side 2:8

Te Yawe Godigo gi me deli te Iden bulude nigilama, te sia ge pedalubo badu elaluali. Tama te giba God aga te nigali bidi muai.

Godigo Nogi Ugwaba Sabo Tęąbi Po Wabo Buku Dabe 50:3

Dago God aga megi da te asobao. Tama pedauwali me pania sabeo. Mu menio. Te tigidali nai dabo sia bogoli te aga asobodu polasa paibao, tama genuai wali me, tulubagego me, aga bagulama, elalubo dao.

Godigo Nogi Ugwaba Sabo Tęąbi Po Wabo Buku Dabe 97:3

Sia te aga pabodu polasa peyu, tama aga te pobeasa biliduali boi bidi dabe ulaibao.

Ma Dobola Sali 10:15

Tama te kuli mano augwali mu pągąna sagaselama, tama te tǫ tigidali mu mesega sai, tama te tǫ sisi mu yai. Tama te kuli mano augwaligo te tigidali nosa dabe, me te tigidali nedu du wai te genuai ais tulubagego dolisiąwani, te tigidali tula silai. Tama te nide te ni yabe, me te Isip tǫde nosa dabe deli digi me elalubeo. Menio. Augwaligo mu silai.

Ma Dobola Sali 10:5

Te augwaligo tigidali habu badu mesega sagaselama, tama nago te tǫ me sugobeo. Tama te nai dabe, me te ni dabe, te talua ge tulubagego dolisiąwani nai, te kuli mano dabe augwaligo te tigidali mu tula silaibao.

Aisaia 14:17

Aga tama dawe, te hanu dabe dolama, tama te bulu dabe olo bulu nigilali bidi dawe? Te tama dao, te bidi agai te aga kalabus ilali bidi dabe hobede elama, tama agai augwa buluba ma pomainu sula tagalai menio,’ augwaligo te tobage po augwa hasi hanalu waibao.”

Aisaia 15:6

Magi baso meni, te wę Nimlim sese mu sula selama, tama te nosai da, te wę sesegede elaluali me sasia pali. Tama te pesagede tonali, te nosai me, ni dabe me, me holabo badi tonobo ąǫ ebeo.

Aisaia 33:4

Tama augwaligo te taga pabo nai dabe da, te gasa bidi hani dabego polo sagasaibao. Teda te gide mano dabego gide nai dabe tula silibo tiwai yaibao.

Aisaia 51:3

“Ena Genuai Bidi, eno te Jerusalemde homu dene mu yali, te taun dolai elaluali, te eno agai sęgę tigidali sia somainu yaibao wali. Megi te olo masigi sane pesage elaluai, tiali goli eno te wiegi yai sę hauwa pedalumainu elama, tama te tonobo gasa sawi mu eyu, te eno nigali Iden gi tonobo tiwai yaibao. Te wiegi yai homu genuai pemene ebo pesage pedelama, te sesemane sogo aga we bidigo te enaba usu da wabo balia po waibao.”

Aisaia 9:18

Te we bidi augwa haniani dwai kolesagago augwa ma dolali. Te dwai nosaide isi dola selama, te genuai nide dela selama, moni busi dabo tiwai yali. Tama genuai hano ugwaba holali.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Jeremaia 5:17

“Te augwaligo dagego gide elalubo nai, me bede elalubo nai sia saibao. Te augwaligo dagego wai puluba tigidali ela mubadi, te sipsip hani tigidali me, te dagego bulmakau me ela muaibao. Tama te augwaligo dagego wain du ni, me ni fik kaya, te dolaibao. Dagego homugo te dage bomai obo taun tomode bugagia bidaiba homu ebao, tiali goli, te menio. Te boi bidi dabego hwįagasiyu, te taun dabe dola silaibao,” wali.

Esekiel 36:35

Tama te gasa hani bidi dabe augwaligo e tama po waibao, “Polobadu te tǫ dasu hola pai goli dao. Tiali goli, megi da, te gi Iden yali gilama wiegi yai mu te ilai yabo. Tama polobadu da, te taun dabe da dolama mu elaluai dao. Tiali goli, megi da, te Israel dabe augwaligo sę ma elama, tama augwaligo deli deli taun bagulama bomai obo te ma gesela silai dao. Tama te we bidi te taunde ma te bidibao.” Augwaligo te po waibao.

Amos 7:4

God Genuai Bidigo enabolo gasa nai me te nade ebo tiwai ola mani. Te nade eno suali, te Genuai Bidigo te isi dodolama, te aga we bidigo dwai sę yai baso, agai augwaliba dene mawainu ebo suai. Tama te isigo te aiyanu mu dulai tamu wę te isi delama, te wę sula selama, te nosali te isigo te gi bulabo tǫ me dabo sę gagalalio.

Habakuk 1:6

Odao. Eno te Babilon dabe augwali bomai hani mu pedelemainu ilaibao. Te bidi dabe augwali te bidi dwai dabe dao, tama augwali hwįbo bomai bidi dabe dao. Megi augwali ami bidi dabe tigidali kantri dabeba pelama, augwali polo aiyaba elaluama, tama augwali tonalubao.

Sekaraia 7:14

Tialima eno augwali te genuai waligo te nai dabe sela sąbo tiwai elama, tama eno augwali gasa kantri dabeba sela sąyu, tedela palai dao. Tama augwaligo dwai kolesaga ebogo te wiegi yai tǫ te dwai tǫ tiwai pedelali. Tama tede bidi me deli tede bidibeo,” Genuai Bidigo te po wali.