Joel 2:24 - Godigo dwagi yai po buku

²⁴ Te wit bo wali sela sąbo pesagede te wit ge pągąnalueibao, te wain me ni oliv wel nigibo dedagede, te wain me wel pągąna pelama gelaibao,” wali.

Joel 2:24 Iomraidhean Croise

Esekiel 36:8

Tiali goli, te ni dabe te dagego bulu du dabede ma holaibao. Tama augwaligo yabe hauwa solama, tama augwali du hauwa walaibao. Dwasianu sogo mu tama, eno we bidi dage Israel dabe dage te kantri Israelba ma asaibao. Tama dagego te wiegi yai ni du dabe tuaibao.

Joel 3:13

“Te hani we bidi dabe te dwai mu dao. Te augwali te bidigo inawai tau yai wit nai togobo tiwai togwao. Te augwali bomonama agawaibao, bidigo te wain wai ge du te sągągo agabo tiwai yao. Te halobage tiwai nai te mu pągąna pelama, te wain ąį buluba gelaibao. Tialima, te hani dabe mu dolaibao,” wai dao.

Joel 3:18

Te sogo wain gi pedalama, te bulu du mesega sigulaibao, te bulmakau hauwa te dwasianu bulu du dabede bidalueibao. Te Juda we bidi dabego wę hauwa elalueibao. Wę me deli te Genuai Bidigo bedu gomo gudama, te Odogo Bulu Tǫ Te Ni Akas Elalubo madiba dulaibao,” wai.

Pris Sę Ebo Bomai Po 25:19

Te nai hauwa te tǫde pedelama, te dagego nai hauwa sesemane sogo tudaibao. Tama dage te tǫde bugagia bidaibao.

Pris Sę Ebo Bomai Po 26:10

Te nai dabe dagego te gide polobadu kibu bede sali te elalubadi, te nosali kibu beba ma usu naibao. Te elaluali nai bugai te dagego gesi tau yali nai sabo sogo, te nai dagego sąyu, tama te nai muani pesagede dagego gesi nai mueibao.

Amos 9:13

Genuai Bidigo te Israel we bidi dali te tiwai po wali, “Me sogo deli pedalubo si da, teda te gide bulali nai dabe polo holama, te hauwa mu walaibao, te bidi dabego tigidali sela silabo usu egobeo. Te wain ni dabe polo mu holama, te nai umabo walaibao, tama te wain wę nigibo bidi dabego te silabo sę ebo usu egobeo. Tama te we bidi augwa pusu yai wain hauwa elalu, te bulu dude wę pągąnama, te aiyaba gealubo tiwai mu yaibao.

Malakai 3:10

Dagego duga doado bage tigidali dobolama, te nogo si pedai elaluyu, te me deli te eno beba sesao wali. Tama eno sę bidi dabego nai hauwa elaluaibao. Dagego tama tibaso da, te eno wiegi yai doado bage hauwa umabo dageba mayu, te dage me sǫą pogobeo, te nai mubo madi te usu egobeo. Te sunumi wali pobaso da, te dagego koneyu, te eno po tigidali mu po dao waibao.